GALATIA 4:3 - KITAB NU TUMPU ALLA LELE MA'IMAI'

³ Sumo aitumo tiba kita: De kita ma'isa tu'anyo, kita nubotuani nu to roh-roh anu mongkuasai dunia aiya.

GALATIA 4:3 ပူးပေါင်းရင်းမြစ်များ

MATIUS 11:28

Tokamo mae hi beleng-Ku na komiu iwi-iwi' anu malawe, ka' anu mongoa'i koboatnyo nu boaon; Aku mompilaweije komiu.

YOHANES 8:31

Lapas aitu i Yesus notataemo hi to mia-mian Yahudi anu pinalesayamo hi Ia, “De komiu tumuu' mombatuki pokinde'-Ku, komiu totu-totu'u anu saja' mombatuki Aku.

SISIKON NU TO RASUL-RASUL 15:10

Yoh, apaa na sababnyo komiu mongkahanda'i mongewa Tumpu Allah tempo' uuka, kalana nombee'imo kalaja anu o bau ka' anu maboat hi anu saja' mombatuki aiya, padahan mompolee'to ka' posi kita mule' madi' moko ala mombau?

ROMA 7:14

Osumbu'to atulan nu agama Yahudi nolengkat mae i Roh nu Tumpu, panyo aku aiya mian ponga'! Aku pinobalukmo da timbali botuan nu dosa'.

ROMA 8:15

Kalana Roh nu nubee' nu Tumpu hi komiu, madi' monsaduakon komiu timbali botuan, sahingga komiu tumuu' i uno nu kabuhukan. Ola o, Roh nu Tumpu aijo' mompotimbali komiu to ana-anak nu Tumpu. Ka' kalana kuasa nu Roh nu Tumpu aijo', kita molaga Tumpu aijo', “Tuuma, o Tuumangku!”

2 KORINTUS 11:20

Ola opojohok miu na mian mombotuani komiu, kabai mongakali ka' mongala ka'untungan hi komiu, kabai mongoa'i butong lebe matangkas molingkudui komiu, ka' baani mohapa' komiu.

GALATIA 2:4

maumo daagi' ko to mia-mian anu mompakisa han aijo'. Aha to mia-mian anu minsoop hoko-hokot hi bubuu' kita montiho-tiho sumo utus. Aha minsoop hoko-hokot da mompinasa kabebasan anu daagi' hi kita, kalana kita nosa'angu'mo tiba i Kristus Yesus. Aha mongka'oho' monsule'akon kita i kabebasan anu susumo u'utu mae salaku botuan,

GALATIA 3:19

Desumo aitu, bau apaa na atulan nu agama anu binee'mo? Salaku bau pontaami, saba' atulan aijo' pinotuangmo da bau momponyata' manusia sinala'mo. Atulan nu agama aijo' opake ola, de ma'isa pe'e toka na samian anu lee' mae i Abraham, anu sinanggo i uno nu janji' nu Tumpu hi Abraham. Atulan nu agama aijo' pinotokakon nu to mala-malaikat nompake samian na manusia.

GALATIA 4:24

Aiya timbali opake sumo ande-andeon. Ua'aha na boune aijo', aijo'mo susumo ohua' na palajanjian: samian nolengkat mae i Bungkutnyo nu Sinai – aitumo i Hagar; to ana-anaknyo pinohampe salaku posaihon.

GALATIA 4:25

Jadi, i Hagar aijo'mo Bungkutnyo nu Sinai, i lipu' nu Arab. Ia salaku tanda nu kota Yerusalem tiba iwi-iwi' na anu jojoong, uuka aiya tinimbalimo posaihon.

GALATIA 4:31

Jadi to Utu-utus, kita aiya misa' to ana-anak nu samian na posaihon boune; kita to ana-anak nu boune anu bebas.

GALATIA 4:8

Uutu mae komiu madi' monsumbu' Tumpu, mokonyo aijo' tinimbalimo botuan nu to kua-kuasa' anu osangka sumo Tumpu, panyo sabenannyo misa' Tumpu anu sahondo-hondonyo.

GALATIA 4:9

Panyo uuka komiu nonsumbu'mo Tumpu, kabai lebe kona mule', Tumpu nonsumbu'mo komiu. Jadi, kadaka' komiu mongka'oho' mule' minsusule' hi to roh-roh nu dunia aiya anu madi' moko ala mombau apa-apaa ka' kasiasi? Kadaka' komiu mongka'oho' mule' nubotuani nu to roh-roh aijo'?

KOLOSE 2:20

Komiu sinilakamo hingga-hinggat tiba i Kristus, ka' pinobebasmo i to roh-roh anu mongkuasai dunia aiya. Jadi kadaka' komiu tumuu' sumo mian anu daagi' nukuasai nu dunia aiya? Kadaka' komiu tulu-tulutanmo i atulan anu susumo ha aiya,

KOLOSE 2:8

Tionyo ahi' obala'ingati miu, ihe na monsumbu' daagi' ko anu monggoda komiu nu to kapa-kapandean nu mian anu madi' ko kaliangannyo, panyo ola mompobingong da sala'. Kapandean haha aijo' misa' lengkat mae hi Kristus, panyo ola lengkat mae i pikilan nu mian ka' lengkat mae i to roh-roh ma'idek anu mongkuasai dunia.

IBRANI 5:12

Sabenannyo tempo'nyomo na komiu timbali gulu', panyo nanasamo taalu' komiu daagi' ahi' palalu balagulu' pe'e hi mian sangga'at mongkona alati'nyo nu pangajalan nu Tumpu. Komiu ma'isa timbali mongala kaanon anu mokuut; komiu daagi' tionyo ola monginum susu.

IBRANI 7:16

Ia i hangkat tinimbali imam, misa' mimpu'u i to atu-atulan nu mian, panyo mimpu'u i kantumuu'annyo anu talalo hondo ko kuasanyo ka' anu madi' ko kamingkotannyo.