FILIPI 4:19 - KITAB NU TUMPU ALLA LELE MA'IMAI'

¹⁹ Tumpu anu kusombah, anu manjo-manjoo' na kakaya'an hi Kristus Yesus, momposukupakonje kapalaluan miu.

FILIPI 4:19 ပူးပေါင်းရင်းမြစ်များ

KAJADIAN 48:15

Lapas binalakatannyomo na i Yusuf, ia notatae, “Tumpu Allah, Iamo na Tumpu, anu nu sombah i Abraham ka' i Ishak. Iamo na nolaya' aku sampe tempo' uuka aiya;

2 SAMUEL 22:7

I uno nu kasansala'anku aku notataemo hi Tumpu aku noloboo'mo hi Tumpu Allah-ngku momoita da otulungi mae. Kiita mae i Laigan-Nyo ihongo-Nyomo na potatengku ka' inginau'-Nyomo apaa na anu tinaeakonku.

2 TAWARIKH 18:13

Panyo tinaaman i Mikha, “I uno nu sanggo nu Tumpu anu tumuu', aku ola mompoto'i apaa na anu pinoto'imo nu Tumpu Allah hi belengku!”

2 TAWARIKH 31:8

Salatan tinoamo na konjo'nyo apaa na anu binee'mo nu aha aijo', i Tomundo Hizkia ka' to mia-mian anu ko pangkatnyo nompuji'mo Tumpu ka' nompuji'mo mian da'isan aha mian Israel, mian anu pinalesayamo hi Ia.

NEHEMIA 5:19

Ku kakaase o Tumpu Allah, inau'akon mae na iwi-iwi' na anu binaungkumo hi bansa aiya ka' balakatiakon mae na aku.

NEHEMIA 9:15

Salatan aha no ohopmo ka' kinadagi'anmo i anu okaan, roti lengkat mae i langit tinau'mo mae nu Belento. Ka' batu anu maboat hondo, mahoson ka' mokut aijo' pinompolubatanmo mae nu Belento, uee anu matombo' hondo da nongingkoti megot. Pinokaumo nu Belento na aha da jojoong i tano', anu jinanji'mo nu belento hi aha ka' binau akonmo sumpa'.

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 130:7

Tumpumo ahi' na otaha'imani o mian anu pinalesayamo hi Ia, kalana Ia sabole-boleh mongkalibosi, ka' saja' sadia momposalamat.

MAZMUR 36:8

Talalo ahi' koangga'nyo na kalibosan nu Belento o Tumpu, manusia mihohung i uno nu hohung nu polipik nu Belento.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

DANIEL 6:22

Lantas ihongomo na potatae i Daniel nontaami mae, “Higahiakon na belento Tuanku sampe toka sidu-sidutu'.

MIKHA 7:7

Panyo kita na montaha'imani ahi' Tumpu; ka' totu-totu'u ahi' na kinyonyoanto montanda'i Tumpunto. Ia mohongomo dosa' anu binauntomo ka' momposalamatmo kita.

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.

MATIUS 6:32

Hahan aijo' saja' pagala o lio nu to mia-mian anu madi' monsumbu' Tumpu. Padahan Tuumaum anu i suluga' monsumbu', saba' komiu mompalalui iwi-iwi' aijo'.

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

YOHANES 20:27

Lapas aijo' koo-Nyo i Yesus hi Tomas, “Toa na limang-Ku, ka' posusuk na bua' nu limaum i aiya. Tajuakon mae na limaum ka' posusuk i sihung-Ku. Boli daagi' bata-bata, panyo palesayamo!”

ROMA 1:8

Momonanyo aku montalima kaseh hi Tumpu, kalana i Yesus Kristus ka' mule' hi to Utu-utus iwi-iwi'; kalana songko-songko na dunia nohongomo saba' komiu pinalesayamo hondo hi Kristus.

ROMA 11:33

Totu'u daka' na kakaya'an nu Tumpu! Totu'u daka' na kapandean-Nyo tiba ponsumbu'an-Nyo! Ihe na moko ala monsumbu' anu pinoko potantu-Nyomo? Ihe na moko ala monsumbu' bau-baunyo nu Ia mokalaja?

ROMA 2:4

Kabai o oa'i miu dengke na kanonongan nu Tumpu tiba ka'ima'an nu kinyonyoa ka' kasabalan-Nyo anu daka' hondo sumo aijo'? Tantu osumbu' miu te Tumpu mompotoa ka'ima'an nu kinyonyoa-Nyo kalana Ia mongkahanda'i da komiu bolimo daagi' mombau to dosa-dosa' miu.

ROMA 8:18

Iwi-iwi' na kasansala'an anu o'oa'into uuka aiya, de aku na montutugi, madi' opoko ala opokakanakon tiba kabilahian anu oponyata' hi kita.

ROMA 9:23

Tumpu mule' ko kahanda' mompotoa hi kita kabilahian anu molabi-labih binee'-Nyo hi kita anu nu Nu kalibosi. Kita tinoukaan-Nyomo mohumpak kabilahian aijo'.

2 KORINTUS 12:21

Aku mabuhuk manga-manga tempo'nyo aku toka saidi' mae Tumpu Allah mompopo ambangmo aku i ahop miu ka' aku humaangmo kalana manjoo' itina' hi komiu na anu baladosa' u'utu mae, madi' nongabali' ka' madi' belenti na mombau bauon nu aha anu masala', pahengas ka' anu madi' halus obau.

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

EFESUS 1:18

Aku nongkakasemo da Tumpu mombuka' pikilan miu, sahingga timbali majingka; da belemiu monsumbu' apaa na anu timbali otaha'imani nu belemiu hi Tumpu anu nolagamo belemiu. Ka' suele da osumbu' miu mosia na balakat anu toto ima-ima' molabi-labi, anu nupotouka nu Tumpu bau bagi nu mian anu palesayamo hi Ia;

EFESUS 1:7

Kalana i Kristus sinilakamo, kita pinobebasmo nu Tumpu Allah, alati'nyo Ia nongampunimo kita i to dosa-dosa'to.

EFESUS 2:7

Tumpu nombau sumo aijo' da tempo' anu tokaje aiya mae i ahop, mian montoamo mosia na kodaka'nyo na kalibosan nu Tumpu. Kalibosan aijo' pinonyata'mo nu Tumpu kalana ka'ima'an nu kinyonyoa-Nyo hi kita nontului jalan hi Kristus Yesus.

EFESUS 3:16

Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

FILIPI 4:7

Sahingga ka'ima'an anu lengkat mae hi Tumpu, anu madi' opoko ala osumbu' nu mian, monjagaije kinyonyoa ka' pikilan miu anu nosa'angu'mo tiba i Kristus Yesus.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

1 TESALONIKA 2:12

Kami mompokinde'i komiu, ka' kami mongkakeha'i komiu, ka' kami mompakisa da komiu tumuu' sumo aijo' sahingga momposanang kinyonyoa nu Tumpu. Kalana Tumpu nolagamo komiu da timbali mian i Dunia Bu'ou nu Tumpu ka' mongoa'i Kasanangan-Nyo.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

FILEMON 1:4

De aku balado'amo ku sanggo na sanggo nu kita Utus ka' montalima kase hi Tumpu.

1 PETRUS 5:1

Ku poita da okalesang hondo-hondo nu to pola-polaya' nu jama'at miu. Aku nontulis aiya salaku sangalu bubuu' polaya' ka' salaku mian anu nonsakisimo kasansala'an anu ingoa'anmo i Kristus, ka' anu saidi' mae suele opopodaka', de maluannyo katalasanggoan i Kristus opotoamo hi manusia. Ku poita sabole-bole,

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.