FILIPI 4:17 - KITAB NU TUMPU ALLA LELE MA'IMAI'

¹⁷ Aijo' misa' alati'nyo aku ola mongindi da mohumpak anu obee'. Anu kuku indi aijo'mo da kutoa na hasinnyo anu montuangi ka'untungan miu.

FILIPI 4:17 ပူးပေါင်းရင်းမြစ်များ

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

MIKHA 7:1

Silakamo na aku! Aku sumomo mian anu no'ohopmo mamba montipu bua' nu kau' padahan nokolapasmo natempo'nyo nimbua'. Madi'mo daagi' ko bua'nyo na to kau-kau' Bua' nu anggur tiba bua' kau' ara anu toto ima-ima' iwi-iwi' iningkotmo tinipuan.

MALEAKHI 1:10

Tumpu Anu Daka' na Kuasanyo notataemo, “Lebe ma'ima' tumban nu Laigan-Ku otumbanmo kalana palasuma ahi' na belemiu mompomoak apu i mezbah-Ku. Madi'mo Ku ka'ima'i na belemiu ka' mule' madi'mo mongka'oho' mongala palasombahan nu belemiu.

YOHANES 15:16

Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

YOHANES 15:8

De komiu mimbua' manjoo', Tuumang-Ku opopodaka'; ka' desumo aitu komiu totu-totu'u timbali anu saja' mombatuki Aku.

ROMA 15:28

De kupoko baumo na kalajangku aiya, ka' mombee'mo hi aha kiijo' mae i Yerusalem, pontulungi anu ilimu'mo aijo', saba' aku mambaje i lipu' Spanyol motulu i kota komiu.

2 KORINTUS 11:16

Daagi' minsan na ku ulit: Boli sampe daagi' ko anu monsangka aku ponga'. Panyo de komiu ahi' monsangka aku sumo aijo', pobee' pe'e na aku anu ponga' aiya kobubuun suele sangkiding.

2 KORINTUS 9:5

Mokonyo aijo' ku oa'i palalu monsai aha aijo' mamba hi komiu tongkoimoona da mongulus pontulungi anu jinanji'mo miu aijo'. Kubau sumo aijo' da saidi' mae de aku toka, anu obee' miu aijo' daagi'mo. Desumo aitu yo nyata' saba' anu obee' miu aijo', obee' nu kinyonyoa sanang, ka' misa' kalana opakisa.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

FILIPI 4:11

Kusisik na aiya misa' kalana aku ko kinakulanganmo, kalana aku binala gulu'mo da o'oa'i sukupmo apaa na anu daagi'.

1 TESALONIKA 2:5

Posi komiumo na monsumbu' saba' madi' kami motatae anu to tami-tami', kabai mongakali ko kahanda' da momposuluk to nia-niat mangoa. Tumpu na sakisi!

1 TIMOTIUS 3:3

boli mian anu saja' malangu, kabai anu mongka'ima'i mahantuda'. Sumo aitu mule' ia tionyo ahi' boli buhingison ka' mongka'ima'i baladame. Ia madi' timbali mompopodaka' doi.

1 TIMOTIUS 6:10

Kalana mongka'ima'i doi lubatmo na lupa-lupa ka'idekan. Daagi' kosambahagian na mian ola molio doi sahingga madi'mo mombatuki ajalan nu Kristen, lantas aha nu tokaimo nu kasansala'an anu manjoo' hondo anu mongideimo kinyonyoa nu aha.

TITUS 1:7

Polaya' nu jama'at atina'mo mian anu mongatun pakalaja'an nu Tumpu, ia madi' timbali ko kasala'annyo. Ia madi' timbali kobubuun kabai saja' pusa, kabai saja' malangu, kabai mongka'ima'i mahantuda', kabai kinyonyoa saja' mompopikilakon doi.

TITUS 3:14

To mia-mian anu bubu' kita tionyo ahi' balajan mombau hahan anu ma'ima' da timbali mompodaagi' kapalaluan anu talalo opalalui; boli sampe aha tumuu' madi' mingguna.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

1 PETRUS 5:2

da belemiu molaya' tompukan nu domba anu pinalesayakonmo nu Tumpu hi belemiu. Oposanang na kinyonyoa de molaya' aha susumo anu nukahanda'i nu Tumpu, ka' boli maboat na kinyonyoa. Boli mule' belemiu mokalaja kahanda' da mohumpak dale', panyo kalana komiu totu-totu'u mongka'oho' mongkalesang.

2 PETRUS 2:15

Kalana aha madi' mongka'oho' montuluti jalan anu hodi', sahingga aha tinalasmo. Aha nongalamo jalan anu tinuus i Bileam, anak i Beor naipuan mae. I Bileam aiya mongka'ima'i hondo da mohumpak doi i palabuatannyo anu ma'idek.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

YUDAS 1:11

Silaka na aha! Kalana aha nombatukimo jalan anu tinuluanmo i Kain. Da mohumpak doi, aha nontuamo butong nu aha i uno nu kasala'an, pokakana sumo i Bileam. Ka' aha mule' pinateanmo kalana notomuhukmo susumo i Korah.