FILIPI 3:19 - KITAB NU TUMPU ALLA LELE MA'IMAI'

¹⁹ Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

FILIPI 3:19 ပူးပေါင်းရင်းမြစ်များ

MAZMUR 17:14

Boli mae na aku nupoposia nu to mia-mian anu montambun halata' nu aha i dunia aiya. Hukum na aha nu balaa' anu pinotoukamo nu Belento pohukum aha. Ka' to maku-makumpu nu aha suele ahi' o hukum.

MAZMUR 52:1

Anu mongkapalai panyanyi. Nyanyian pangajalan i Daud,

YEREMIA 44:17

Iwi-iwi' na anu jinanji'mo mami, tionyo ahi' obaumo mami. Kami saja'mo ahi' monsombahkon koloban hi Tomundo' boune nu Suluga' ka' mondudu'akon anggur salaku palasombahan hi ia susumo anu biasamo nu bau nu aha ikota-kota' Yehuda ka' ijalan-jalan ikota' Yerusalem nu aha mompolee' mami, tiba aha to tomu-tomundo' ka' to mia-mian anu kopangkatnyo aijo'mo pamalentah mami ka' mule' ahi' kami. Tempo'nyo aijo' manjoo' hondo na anu okaan mami, kami mohumpakmo kamajuan ka' madi'mo ko anu okasusa'akon mami.

YEHEZKIEL 13:19

Belemiu nompopo ambangmo mae Aku ola kalana da mohumpak to pia-piangkakup na jelai tiba to pia-piangkolong na roti. To mia-mian anu madi' ko kasala'an opatei nu belemiu padahan anu aha to mia-mian anu pantasmo mate na ola ahi' opojohok nu belemiu tumuu'. Lantas mian anu palesayamo hi beleng-Ku obaleko'i nu belemiu sahingga aha palesayamo hi belemiu.’ ”

YEHEZKIEL 34:3

Susunyo o inum nu belemiu, bulunyo obau nu belemiu pakean, ka' domba anu molompo' hondo okolot ka' okaan nu belemiu. Belemiu madi' toho' mongkalesang domba nu belemiu haha atina.

HOSEA 4:7

Belemiu mompaka manjoo'mo, mompaka baladosa'mo mule' na belemiu hi beleng-Ku, o to imam-imam! Kalana aijo' kalakuan nu belemiu. Ku babali'imo: Belemiu madi'mo daagi' o holomati, panyo lewa'mo o alu.

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

MIKHA 3:5

Bansaku ingakalanmo nu to nabi-nabi anu lewa'mo nongkila-kilakon, mohumpakmo anu ma'ima' na mian anu lewa' mombee'i doi, panyo mongka'ideki ka' madi'mo mompalahatikan mian anu madi' mombee'i apa-apaa. Aha to nabi-nabi anu susumo aijo' Tumpu notatae,

MALEAKHI 1:12

Panyo belemiu na ola ahi' mongalu Aku kalana monsangka mezbah-Ku anu madi' ko angga'nyo ka' monsombahkon ikiijo' kaanon anu madi'mo mingguna hi belemiu.

MATIUS 16:23

I Yesus nonsiloi lantas notatae hi Petrus, “Lako' pala'i na tampat aiya, Ponggoda! Beleyum montewa' Aku. Pikilanum aijo' pikilan nu mian; misa' pikilan nu Tumpu!”

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

LUKAS 12:19

Lapas aijo' kutaloakonje i posi butongku, ‘Beleyum mohumpakmo dale'! Iwi-iwi' anu ma'ima' daagi'mo hi beleyum ka' madi' ko kamingkotannyo sataun toka sataun. Pingkainmo tempo' uuka! Lewa'mo pongkaan ka' ponginum ka' o'oa'i na kasanangan nu kantumuu'an!’

LUKAS 16:19

“Daagi' ko samian anu kaya. Pakeannyo to maha-mahan, tiba mule' kantumuu'annyo tumuu' molabi-labi sansina-sinaa.

LUKAS 18:4

U'utu mae mian kopian aijo' madi' mongka'oho' montulungi balu aijo'. Panyo ahennyo mian kopian aijo' binapikinmo, ‘Mau mule' aku madi' mabuhuk hi Tumpu, ka' madi' mompajuli mau mule' pa' ihe,

ROMA 16:18

Kalana to mia-mian anu mombau sumo aijo', misa' mokalaja bau kapentingan i Kristus Tumpunto, panyo ola da mompatika'osa apaa na anu nuka'ima'i i uno nu posi kinyonyoa nu aha. Pagala nusale'i nu potatae nu aha anu toto mata-matami', aha mongakali to mia-mian anu madi' ko anu nupisumbu-sumbu'.

ROMA 6:21

Tempo'nyo aitu ka'untungan apaa na anu tinalima miu i hahan uuka aiya oka'ambangakon miu na o bau? Bauon haha aijo' ola momboa i kapatean!

1 KORINTUS 3:3

kalana komiu daagi' tumuu' mombatuki sipat miu salaku mian. Kalana de komiu daagi' mongka'ideki tiba mahantuda' hi samian ka' samian, te misa' aijo' mompotiju' taalu' komiu daagi' tumuu' mombatuki sipat nu mian, sumo to mia-mian anu madi' monsumbu' Tumpu?

1 KORINTUS 5:2

Mau mule' sumo aijo', kita Utus daagi' kobubuun. Ola ahi' kita Utus sabenannyo susa', ka' monsabatakon anu itina' hi komiu Utus mian anu nombaumo han aijo'.

1 KORINTUS 5:6

Madi' pantas na komiu saja' kobubuun. Ugaat komiu nonsumbu'mo ande-andeon aiya, “Ragi mau ola sangkiding de ogalo'akon i labu, labu aijo' mo'insu'!”

2 KORINTUS 11:12

Apaa na anu kubau uuka aiya sabole-bole saja' kubau da to “rasul-rasul” sangga'at aijo' madi' ko tanga'an mombuulakon posi butong ka' motatae tukoonyo aha mombau kalaja susumo hi kami.

2 KORINTUS 11:15

Jadi, madi'mo okabangangi de to posa-posaihon nu Ibilis mingadi-adi' sumo to posa-posaihon anu mompojalan kahanda' nu Tumpu. Ahennyo aha suele mohumpak pombalosi anu sitimbang tiba iwi-iwi' na anu binaumo nu aha.

GALATIA 6:13

Mau mule' to mia-mian anu nombatukimo atulan nu sunat, madi' ahi' mompojalan atulan nu agama. Panyo aha mongkahanda'i da komiu o sunatmo, da aha timbali mombuulakon, kalana komiu nontulutimo atulan aijo'.

FILIPI 2:21

Anu iwi-iwi' sangga'at ola mongkalesang kapentingan nu posi butong nu aha, misa' kapentingan i Yesus Kristus.

KOLOSE 3:2

Oposa'angu' na pikilan miu i hahan anu i kiijo' boli i hahan anu i dunia aiya.

2 TESALONIKA 1:9

Mian haha aijo' montalimamo hukuman kapatean anu sampe toka sidu-sidutu', nu alinmo nu Tumpu i sambiha'nyo ka' nusabatakonmo i kuasa-Nyo anu talasanggo;

2 TESALONIKA 2:12

Ahennyo iwi-iwi' na mian anu mongka'ima'i dosa' ka' anu madi' palesaya hi anu totu'u aijo' o hukumo.

2 TESALONIKA 2:8

atina'je ka' kantoan na Mian anu Ma'idek aijo'. Saba' de Tumpu Yesus tokamo Iaje na mompatei Mian anu Ma'idek aijo' nu napas-Nyo anu lengkat mae i nganga'nyo, ka' mompateimo nu kalonyingkabannyo salaku tandanyo Ia tokamo.

1 TIMOTIUS 6:5

ka' po'uwalian anu madi'mo ko kamingkotannyo. Jalan pikilan nu mian haha aijo' pinu'otmo ka' madi'mo daagi' totu'u. Aha monsangka de bala agama moko timbali kaya.

2 TIMOTIUS 3:4

Aha lebe mongka'ima'i mongkabisa'i, mohangka-hangkat posi butong, ka' madi' mimpikilan mantan. Aha lebe ma'ima' mongka'ima'i kasanangan nu dunia, panyo aha madi' montuluti Tumpu.

YAKOBUS 4:16

Panyo uuka aiya komiu ko tige-tige ka' buulon. Iwi-iwi' anu okabubuulakon sumo aijo' sala'.

2 PETRUS 2:1

Tempo'nyo naipuan mae mian anu palesayamo hi Tumpu itina' hi komiu ko anumo tinimbali to nabi-nabi anu madi' totu'u. Sumo aijo' mule' itina' hi komiu saidi' mae ko anumo timbali to gulu-gulu' anu madi' totu'u. Aha mompogulu' to panga-pangajalan anu madi' totu'u, anu mombinasai mian. Ka' aha saidi' mae mompojalomo Anu Matangkas na kuasanyo anu nompobebasmo aha. Tiba jalan anu sumo aijo' aha mompotokamo kasilaka'an i posi butong, anu madi'mo pin nuta'upmo nu aha.

2 PETRUS 2:13

Salaku bau pohukum kalana kasansala'an anu sinaduakonmo nu aha, aha mongoa'ije kasansala'an. De hi aha, anu momposanang kinyonyoa atina'mo mombau tulu-tulumo pa' apaa sinaa, bau pomposanang anu nuka'ima'i nu butong nu aha. De aha sumuhang hingga-hinggat tiba komiu i uno nu bau-bauon mongkakan, kalakuan nu aha monsaduakon da kita mahega kalana aha talalo ahi' mongka'ima'i da ma'osa i napisu.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

YUDAS 1:10

Panyo pinompopo'ise' nu mian haha aijo' nongkonamo iwi-iwi' apaa na anu madi' nu sumbu' nu aha. Aha pokakanamo sumo to bina-binatang anu madi' ko pikilannyo, anu ola monsumbu' hahan kalana kabiasa'annyo. Panyo hahan aijo'mo na nonsaduakon aha matemo.

YUDAS 1:16

Mian haha aijo' ola saja' motusa' ka' mompisala'i to mia-mian sangga'at. Aha tumuu' montuluti apaa na anu nukamilui nu aha anu moko baladosa'. Aha mombuulakon posi butong ka' mongakali mian da mohumpak ka'untungan.

YUDAS 1:4

Kalana madi' opoko ala osumbu-sumbu'to, daagi' ko to mia-mian anu madi' osumbu'to minsasuluk minsoop hi kita. Aha to mia-mian palaganta anu monggeo-geo'akon lele mongkona balakat nu Tumpunto, da mohumpak kasampatan pompotudunan nu aha napisu. Ka' aha madi' mongakui i Yesus Kristus, aijo'mo na anu Mongkuasai ka' Tumpunto. Salatanmo pe'e naipuan mae hukuman nu aha sinisikakonmo i uno nu Kitab nu Tumpu.

ANU PINOTO'I HI YOHANES 18:7

Bee'mo hi ia na kasansala'an ka' kasusa'an anu pokakana na konjoo'nyo tiba katalasanggoan ka' kasanangan anu binee'nyomo hi posi butongnyo. Kalana ia ola saja' motatae hi posi butongnyo, ‘Aku aiya tomundo boune anu mompalentah! Aku misa' balu; aku madi' mongoa'i kasusa'an!’

ANU PINOTO'I HI YOHANES 19:20

Sahingga binatang aijo' i hakopmo hingga-hinggat tiba to nabi-nabi anu madi' totu'u anu nombaumo hahan anu okabangangi i ahop nu binatang aijo'. (Anu okabangangi haha aijo' atina'mo na binatang haha aijo' anu nongakalimo to mia-mian anu ko tandanyo binatang aijo', ka' to mia-mian anu monsombah patong nu binatang aijo'.) Lantas binatang aijo' ka' to nabi-nabi anu madi' totu'u aijo' ingalinmo tumu-tumuu' i uno nu ndalangon apu anu banyela-nyelak ka' ko belelangnyo.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.

1 SAMUEL 2:29

Jadi kadaka' beleyum daagi milu ka' ka oho'mo mongkaan de montoamo koloban haha aijo; anu pinalentahkon-Kumo osombahkon nu bansang-Ku hi belengku? Kadaka' beleyum Eli lebemo mongadati to ana-anak nu beleyum ka' madi'mo mongadati Aku, ka' ola mule' mompojohok aha mompolompo' butong nu aha nu bagian antoknyo anu ma'ima' hondo, apaa na anu nu sombahkon nu bansang-Ku hi belengku?