FILIPI 3:17 - KITAB NU TUMPU ALLA LELE MA'IMAI'

¹⁷ To Utu-utus iwi-iwi'! Batuki na sonto'ku. Kami nombee'imo sonto' anu totu'u, mokonyo aijo' opalahatikan ima-ima' na to mia-mian anu nombatukimo sonto' mami aijo'.

FILIPI 3:17 ပူးပေါင်းရင်းမြစ်များ

MAZMUR 37:37

Palahatikan na mian anu ma'ima' na kinyonyoanyo tiba anu hodi' na kinyonyoanyo; mian anu mongka'ima'i paladamean ko ka'ima'an nu humpak aiya mae i ahop.

ROMA 16:17

To Utu-utus! Kupoita sabole-boleh: Obala'ingati na to mia-mian anu monsaduakon poga'a-ga'atan ka' mompotabuntala' kapalesaya'an hi Tumpu. Anu susumo aijo' mompaha kea' tiba anu pinogulu'mo hi komiu. Opolilit na mian sumo aijo'.

1 KORINTUS 10:32

Tumuu'mo sumo aitu na baunyo da kita Utus madi' monsaduakon mian sangga'at mombau dosa'; pa' aha mian nu Yahudi kabai misa' mian nu Yahudi, kabai jama'at nu Tumpu.

1 KORINTUS 11:1

Obatuki na sonto'ku, sumo aku suele nombatukimo sonto' i Kristus.

1 KORINTUS 4:16

Mokonyo aijo' kupoita da komiu sabole-bole mombatuki sonto'ku.

FILIPI 4:9

Opojalan apaa na anu ginulu'anmo miu, ka' anu ingalamo miu hi belengku; mau anu tinaeyakonku, mau pe'e anu binaungkumo. Tumpu Allah anu pinolengkatan mae nu ka'ima'an na montoa komiu.

1 TESALONIKA 1:6

Komiu mombatukimo sonto' mami, ka' sonto' nu Tumpu. Mau mule' komiu talalo mongoa'i sansala, otalima miu nu lame' na lele anu opolele hi komiu. Kalame'an aijo' binee' nu Roh nu Tumpu.

2 TESALONIKA 3:14

Kugantang daagi' ko mian anu madi' mongka'oho' montuluti apaa na anu tinaloakonmo mami i uno nu sulat aiya. Obalaingati na mian anu sumo aijo', ka' boli mosangalu tiba ia da ia ma'ambang.

2 TESALONIKA 3:7

Posi komiu monsumbu'mo, saba' komiu tionyo ahi' montiho' sonto' kami. Kami madi' lewa' moluluk tempo'nyo kami daagi' itina' mae hi komiu.

2 TESALONIKA 3:9

Kami mombau aijo' misa' kalana kami madi' ko hak montuntut da komiu montulungi kami, panyo kalana kami mongka'oho' da timbali sonto' hi komiu.

1 TIMOTIUS 4:12

Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.

IBRANI 13:7

Boli okolilimi na to pola-polaya' miu anu mompotoka potuunon nu Tumpu hi belemiu. Opalahatikan mosia na aha tumuu' ka' mosia na aha silaka, ka' obau sonto' na iman nu aha.

1 PETRUS 5:3

Boli mompalentah sumo anu mongkuasai aha anu pinalesayakonmo hi komiu, panyo timbali ahi' sonto' hi aha.