FILIPI 3:15 - KITAB NU TUMPU ALLA LELE MA'IMAI'

¹⁵ Kita iwi-iwi' anu mangalati'mo i hahan nu rohani tionyo ahi' mintumuu' sumo aijo'. Panyo de itina' hi komiu daagi' ko anu ko pikilan sangga'at, saba' Tumpuje na mompotalang suele hi komiu.

FILIPI 3:15 ပူးပေါင်းရင်းမြစ်များ

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

MATIUS 5:48

Tuumaum i suluga' mongkalibosi iwi-iwi' na mian totu-totu'unyo. Komiu tionyo suele sumo aitu.”

LUKAS 11:13

Mau mule' komiu ma'idek, komiu ahi' monsumbu' mombee' anu ma'ima' hi anakum. Apaa mule' Tuuma i suluga'! Ia mombee' Roh-Nyo hi aha anu momoita hi Ia!”

YOHANES 6:45

I Uno nu Kitab nu to Nabi-nabi tinulis sumo uuka, ‘Iwi-iwi' na mian nu pogulu' nu Tumpu.’ Jadi iwi-iwi' na mian anu mohongo Tuuma ka' balagulu' hi Ia, toka mae hi beleng-Ku.

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

ROMA 15:1

Kita anu totu-totu'u junjuhi' i anu opalesayanto, tionyo sabaan i kabalatan-kabalatan nu mian anu ola tudu-tudu na kapalesaya'annyo. Boli ola kita momposanang posi butongto.

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.

1 KORINTUS 2:6

Mau mule' sumo aitu, kona hi to mia-mian anu nasasakmo na kapalesaya'annyo i uno nu kantumuu'annyo, aku memang motatae mongkona kapandean. Panyo kapandean aiya misa' kapandean nu dunia, kabai kapandean nu anu mongkuasai tempo' uuka, anu kakuasa'annyo ola mingkot.

GALATIA 5:10

Mau pe'e sumo aijo' daagi' kupalesaya na komiu madi'mo ahi' montoongi pikilan sangga'at, kalana kita nosa'angu'mo tiba i Kristus. Ka' kupalesaya totu-totu'u saba' mau mule' pa' ihe na mompokalangkabut pikilan miu, nuhukum nu Tumpu.

EFESUS 1:17

Aku nongkakasemo da Tumpunto i Yesus Kristus, Tuuma anu opopodaka' mombee'i Roh-Nyo hi komiu. Roh aijo' mompotimbalije belemiu pande, ka' momponyata'je Tumpu hi komiu, sahingga belemiu monsumbu'mo Ia.

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

1 TESALONIKA 4:9

Madi'mo daagi' palalu na kami montulis sulat toka hi komiu mosia na komiu tionyo mongkalibosi to Utu-utus anu sa'a-sa'angu' na kapalesaya'an. Komiu suele ingajanmo nu Tumpu da mompaha kali-kalibosi.

2 TIMOTIUS 3:17

Tiba Kitab nu Tumpu aijo' mian anu mombau palentah nu Tumpu aijo' mohumpakmo ilimu' anu sukup anu ogunakon ingangahan nu pakalaja'an anu ma'ima'.

IBRANI 5:14

Kaanon anu mokuut aijo' bau bagi nu mian anu motu'amo, anu kalana ko'anumo nu sumbu-sumbu', timbalimo monggihanakon iya na anu ma'ima' tiba iya na anu ma'idek.

1 YOHANES 2:5

Panyo mian anu tulu-tulutan i potatae nu Tumpu, mian aijo' mongkalibosi Tumpu totu-totu'u. Aijo'mo na tandanyo taalu' kita tumuu' nosa'angu'mo tiba Tumpu.