FILIPI 2:30 - KITAB NU TUMPU ALLA LELE MA'IMAI'

³⁰ Bau kapalaluan nu kalaja i Kristus, ia kiniboli' sinilakamo; ia nombatoniakonmo nyawanyo bakasmo da silaka asan montulungi aku salaku mowakini mae komiu.

FILIPI 2:30 ပူးပေါင်းရင်းမြစ်များ

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

ROMA 16:4

Aha kiniboli' sinilakamo kalana mongka'oho' momposalamat aku. Aku montalima kaseh hi aha – ka' misa' ola aku, panyo iwi-iwi' na jama'at bansa sangga'at anu misa' Yahudi suele montalima kaseh hi aha.

1 KORINTUS 15:53

Butongto anu timbali silaka aiya tionyo ahi' obali'imo nu butong anu madi' silaka, ka' butong anu lengkat i dunia aiya tionyo ahi' obolosimo nu butong anu lengkat mae i suluga'.

1 KORINTUS 16:10

De i Timotius tokamo itina', otalima na ia ma'i-ma'ima' da ia mongoa'i sanang itina' hi komiu, kalana ia pokakanamo sumo aku suele mokalaja mompojalan palentah nu Tumpu.

1 KORINTUS 16:17

Sanang na aku kalana tinokamo na i Stefanus, i Fortunatus ka' i Akhaikus. Aha sumo-sumomo komiu na tinoka mae hi belengku.

2 KORINTUS 12:15

Kalana aijo' sanang na kinyonyoangku halala' mongkulubanakon iwi-iwi' bau kapalaluan miu, aitu pe'e sagalamo butongku. De aku sumo aijo' mongkalibosi komiu, pa' patut na komiu madi' talalo mongkalibosi aku?

2 KORINTUS 4:12

Aiya alati'nyo saba' i butong mami kasilakan hau-haunyo ko usaha mompojalanmo tanga'annyo, panyo kami lame' saba' kantumuu'an na anu hau-haunyo ko usaha i uno nu butongum.

FILIPI 2:17

Ugaat aku saidi' mae opateimo ka' baso'ku timbalimo sumo kuluban anu obubusakon i bawo nu anu osombahkon komiu hi Tumpu Allah salaku sa'angu' na tanda saba' komiu pinalesayamo hi Ia. De memang aijo' tionyo sumo aijo', aku montalima kase i han aijo' ka' lame'mo hingga-hinggat tiba komiu.

FILIPI 2:27

Memang totu'u ia nasakit kiniboli' sinilakamo. Panyo Tumpu Allah nongkalibosimo ia; ka' misa' ola ia, panyo hi belengku suele da boli aku mompaka susa' mule'.

FILIPI 4:10

I uno nu kantumuu'anku anu nosa'angu'mo tiba Tumpu, ku oa'i ma'ima' hondo, kalana salatan sumo uukamo na kopinnyo, uuka aiya komiu po'ule' mule' mompopikilakon mosia na kantumuu'anku. Patunyo nu potataengku misa' kalana ugaat komiu nongkolilimimo aku; komiu memang monginau' aku, panyo komiu madi' ko tempo' mompotoa mae pontulungi.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.

FILEMON 1:13

Sabenannyo kahanda'mo ku tewa'na ia da jojoongmo tiba aku salaku pombolosi beleyum da ia timbali montulungi aku, hau-haunyo daagi' i uno nu talungku' aiya kalana mompolele Lele Ma'ima' anu lengkat mae hi Tumpu.

ANU PINOTO'I HI YOHANES 12:11

To Utu-utusto nompokalamo ia tiba baso' nu Anak nu Domba aijo', ka' tiba lele anu totu'u lengkat mae hi Tumpu anu pinolelemo nu aha. Aha sanang na nongkulubanakonmo nyawa nu aha sampe inate.