FILIPI 2:29 - KITAB NU TUMPU ALLA LELE MA'IMAI'

²⁹ Jadi, talimamo na ia nu kinyonyoa sanang sumo samian na utus anu sampo palesaya. O'angga'i na mian iwi-iwi' anu sumo ia.

FILIPI 2:29 ပူးပေါင်းရင်းမြစ်များ

YESAYA 52:7

Talalo hondo sanang na montoa katokaan nu mian anu sinai mae; ia lumajang notulu i bungkutnyo ka' nomboa lele ma'ima', lele anu moko bilahi kantumuu'an, lele kasalamatan hi aha Sion; koonyo, “Tumpu nu beleyum Tomundo!”

LUKAS 9:5

Ka' iyamae na komiu madi' otalima, de komiu mompala'imo kota aijo', sapuakon na abu' i pala nu tengkeum, salaku sa'angu' na tanda hi aha.”

YOHANES 13:20

Totu-totu'u hondo na potataeng-Ku aiya: Ihena montalima mian anu Kusa-kusai, montalima Aku. Ka' ihe na montalima Aku, montalima Ia anu nonsai mae Aku.”

SISIKON NU TO RASUL-RASUL 2:46

Toka sansina-sinaa aha saja' silimu' i Laigan nu Tumpu ka' lame' na aha mongkaan hingga-hinggat, ka' aha madi' mombuulakon to lai-laigan nu aha.

SISIKON NU TO RASUL-RASUL 28:10

Aha nombee'i kami manjoo' na palasen, ka' salatan kami kahanda'mo talabut, aha nomboai kami nokiijo' i kapan iwi-iwi' na anu opalalui mami i jalan.

SISIKON NU TO RASUL-RASUL 8:8

Sahingga to mia-mian i kota Samaria aijo' i lame'mo hondo.

ROMA 10:15

Ka' mosia na mian timbali momboa lele aijo' de aha madi' opokau? I uno nu Kitab nu Tumpu tinulis sumo uuka, “Paya' na ko'ima'nyo na to mia-mian montalima Lele Ma'ima' lengkat hi Tumpu!”

ROMA 16:2

Otalima na ia sumo sala' samian anu pinalesayamo hi Tumpu. Memang sumo aijo'mo na to mia-mian anu palesayamo hi Tumpu, tionyo mompaha toa-toa samian ka' samian. Otulungi na ia de ia mompalalui da otulungi miu mae na ia, kalana ia nontulungimo da'isan na mian – ka' suele aku.

1 KORINTUS 16:10

De i Timotius tokamo itina', otalima na ia ma'i-ma'ima' da ia mongoa'i sanang itina' hi komiu, kalana ia pokakanamo sumo aku suele mokalaja mompojalan palentah nu Tumpu.

1 KORINTUS 16:18

Aha nompolame'mo kinyonyoangku, sumo aha nompolame'mo kinyonyoa miu. To mia-mian anu susumo aijo' tionyo ahi' o'angga'i.

2 KORINTUS 10:18

Kalana mian anu opuji' aitumo mian anu nu puji' nu Tumpu, misa' mian anu mosi puji' butongnyo.

2 KORINTUS 7:2

Talima na kami i uno nu kinyonyoa miu. Kami madi' ko sala' hi samian pe'e, ka' madi' toho' ko mian anu pinolugi'mo mami. Kami madi' hondo-hondo nongala ka'untungan mau mule' pa' hi he.

FILIPI 2:28

Mokonyo aijo' lebe daka' mule' na kahanda'ku monsai ia minsusule' hi komiu da komiu po'ule' lame' de komiu singkabotmo tiba ia, ka' kinyonyoangku suele madi'mo guaon.

KOLOSE 4:10

I Aritarkhus, anu i uno nu talungku' hingga-hinggat tiba aku, nompakatu salan do'a hi komiu. Sumo aitu mule' na i Markus mototominsan ka' i Barnabas. (Pinotuunmo na kaleba hi komiu da o labot na ia, de ia tokamo itina' hi komiu.)

1 TESALONIKA 5:12

To Utu-utus, opoita mami da sabole-bole komiu mongangga'i to mia-mian anu mokalaja itina' hi komiu; aijo'mo aha anu pinile'anmo nu Tumpu da molaya' ka' mompokinde'i komiu.

1 TIMOTIUS 5:17

Polaya' nu jama'at anu mompojalan kalaja ma'i-ma'ima', patut obee'i bau ponginau' kalajanyo pinduan lipat, lebe-lebe aha anu make-makeke na mompogreja ka' mongajan.

IBRANI 13:17

Obatuki na palentah nu to pola-polaya' miu, ka' otuluti na aha. Kalana aha saja' mompalahatikan santuu' miu, ka' aha mule' saja' ahi' mompalahatikan mosia na pakalaja'an nu Tumpu anu binaumo nu aha. De komiu montuluti aha, sanang na kinyonyoa nu aha mokalaja; de madi', tantu aha mokalaja susa' na kinyonyoa, ka' aijo' madi' mompo'untung komiu.

3 YOHANES 1:10

Bakas, aku po'ule'je toka, ku sisikje iwi-iwi' na anu binaunyomo, aijo'mo hahan anu ma'idek, ka' anu madi' totu'u na anu tinaloakonnyomo mongkona kami! Panyo iwi-iwi' aijo' ma'isa sukup hi ia. Tempo'nyo to sanga-sangalu sangko mian Kristen aijo' tinoka mae, ia madi' mongka'oho' montalima aha. Panyo ola mule' ahi' ia nontewa' to mia-mian anu mongka'oho' montalima to Utu-utus haha aijo', ka' ia nonsaimo mian haha aijo' da mosabatmo bolimo jojoong i jama'at!