FILIPI 2:26 - KITAB NU TUMPU ALLA LELE MA'IMAI'

²⁶ Ia molibos hondo hi komiu to Utu-utus iwi-iwi', ka' sinusa'mo na kinyonyoanyo kalana komiu nohongomo lele ia masakit.

FILIPI 2:26 ပူးပေါင်းရင်းမြစ်များ

2 SAMUEL 13:39

panyo salatan i Daud madi'mo sinusa' na kinyonyoanyo, ia daagi ahi' saja' nonginau i Absalom.

2 SAMUEL 24:17

I Daud nontoamo malaekat lewa' nompatei mian da'isan aijo', lantas ia notataemo hi Tumpu, “Aku na binaladosa'mo kalana aku na nombau kasala'an aijo'. Panyo' paya' apaa na kasala'an nu bansa anu binala'mo aijo'? Hukummo mae na aku ka' kami sa'anakan!”

AYUB 9:27

De aku tolomoingmo ka' kumojomo lame-lame', de ku soba da okolilimimo na kasansalanku, saba' kasusa'an nu kinyonyoangku po'ule' mule' ahi' mololoi' mae aku; kalana ku sumbu', Tumpu Allah tataap momposala' aku.

MAZMUR 69:20

Sinumbu'mo nu Belento na aku, iletakonmo, ingalumo, ka' pinobau-baumo tinoamo nu Belento iwi-iwi' na mian anu monsampobali' mae aku.

AMSAL 12:25

Mongoa'i bata-bata mombau da madi'mo na mian ko gia' apa-apaa; panyo potatae anu ma'ima' timbali mongkakeha' kinyonyoa.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

MATIUS 11:28

Tokamo mae hi beleng-Ku na komiu iwi-iwi' anu malawe, ka' anu mongoa'i koboatnyo nu boaon; Aku mompilaweije komiu.

MATIUS 26:37

Lantas Ia nonsale'i Petrus ka' ua'aha na anak i Zebedeus mamba mohingga-hinggat tiba Ia. Ia nomulaimo nongoa'i nolibos ka' madi' sanang.

SISIKON NU TO RASUL-RASUL 21:13

Panyo tinaamannyo, “Apaa na gunanyo kita Utus humaang sumo aiya sahingga monsaduakon kinyonyoangku ma'idekan? Aku noko sadiamo misa' ola da o hakop i kiijo' mae, panyo maumo o patei pe'e kalana i Tumpu Yesus.”

ROMA 1:11

Kalana aku mongka'oho' hondo singkabot tiba komiu, da aku timbali mombagi balakat hi komiu lengkat mae hi Roh nu Tumpu da mompohoson komiu.

ROMA 12:15

Suele lame' tiba to mia-mian anu lame'. Ka' humaang tiba mian anu humaang.

ROMA 9:2

Aku talalo susa' tibaa kinyonyoangku talalo mongoa'i sansala

1 KORINTUS 12:26

De sa'angu' na bagian mongoa'i sansala, iwi-iwi' na bagian sangga'at suele mongoa'i sansala; de sa'angu' na bagian o puji', iwi-iwi' na bagian sangga'at suele hingga-hinggat lame'.

2 KORINTUS 9:14

Jadi aha mondo'akonje komiu kalana kinyonyoa nu aha mongoa'i molibos kalana Tumpu talalo manonong hi komiu.

GALATIA 6:2

Tionyo ahi' komiu mompaha tulu-tulungi kasusa'an nu mian, da tiba jalan anu sumo aijo' komiu montulutimo palentah i Kristus.

EFESUS 3:13

Mokonyo aijo', anu kupoita, aijo'mo: boli bata-bata mongkona apaa na anu ingoa'ankumo, aku sinansala kalana komiu, kalana iwi-iwi' aijo' da bau ka'ima'an miu.

FILIPI 1:3

De aku tonginau'mo hi komiu, aku montalima kase hi Tumpu Allah.

FILIPI 1:8

Tumpu na monsumbu', saba' aku totu-totu'u molibos hondo hi komiu, kalana kalibosan anu tahahumo lengkat mae hi Kristus Yesus.

FILIPI 2:25

Mongkona utusto i Epafroditus anu sinai miu mae da montulungi aku, ku oa'i palalu monsai ia da po'ule' minsusule' hi komiu. Ia nonsangaluimo aku i uno nu kalajangku ka' usahangku.

FILIPI 2:27

Memang totu'u ia nasakit kiniboli' sinilakamo. Panyo Tumpu Allah nongkalibosimo ia; ka' misa' ola ia, panyo hi belengku suele da boli aku mompaka susa' mule'.

FILIPI 4:1

Mokonyo aijo', to Utu-utusku anu kuku kanonongi, sumo aitumo na komiu tionyo ahi' totu-totu'u palesaya hi Tumpu. Kinyonyoangku saja' montutugi hi komiu! Komiumo na anu kuku kabilahiakon ka' anu nompolame'mo aku.

1 PETRUS 1:6

Kalana aijo' oposanang na kinyonyoa miu, kalana tempo' uuka mau mule' ola sasaingoni' na tempo' panyo komiu tionyo susa' kalana saidi' mae komiu mongoa'i ngangahan nu soba'an.