FILIPI 2:19 - KITAB NU TUMPU ALLA LELE MA'IMAI'

¹⁹ Ku palesaya i Tumpu Yesus na nontulungi sahingga aku nalia' na nonsai i Timotius namba hi komiu, da aku sanang na mohongo lele mongkona komiu.

FILIPI 2:19 ပူးပေါင်းရင်းမြစ်များ

YEREMIA 17:5

Tumpu notatae, “De mian mompala'imo Aku, Tumpunyo, ka' montaha'imanimo manusia ka' mule' montaha'imanimo kahosonannyo, saba' Ku hukumo na ia.

MATIUS 12:21

iwi-iwi na bansa montaha'imanije Ia.”

SISIKON NU TO RASUL-RASUL 16:1

I Paulus i lumajang mule' nokiijo' i Derbe, lapas aitu nokiijo'mo i Listra. I kiijo' daagi' ko samian na anu saja' mombatuki Yesus sanggonyo i Timotius. Tinanyo mian nu Yahudi, anu pinalesayamo hi Yesus; panyo tuumanyo mian nu Yunani.

ROMA 15:12

Ka' aiya suele na anu tinaloakonmo i Yesaya, “Lengkat mae hi lee' i Isai tokaje na sala'samian anu mompalentah to bansa-bansa; hi Ia na bau kataha'imanan nu to bansa-bansa.”

ROMA 16:21

I Timotius, sangalungku, mompotoka salan do'anyo hi komiu. Sumo aitu mule' na i Lukius, i Yason ka' i Sosipater anu sa'a-sa'angu'mo na tulunan nu bansa tiba aku.

1 KORINTUS 4:17

Mokonyo aijo' sinaingkumo na i Timotius hi komiu. Salaku anu mombatuki i Kristus ia sumomo posi anakku, anu ku kukalibosi. Ia anak anu timbali opalesaya. Iaje na mompotuka' komiu mongkona jalan nu kantumuu'an anu binatukumo salatan aku pinalesayamo hi Kristus, aijo'mo jalan nu kantumuu'an anu pinogulu'kumo suele hi to jama-jama'at iyaya mae.

EFESUS 1:13

Belemiu suele tinimbalimo mian anu palesayamo hi Tumpu Allah tempo'nyo belemiu nohongomo potuunon nu Tumpu, aijo'mo Lele Ma'ima' anu mombee'i kasalamatan hi komiu. Belemiu palesaya hi Yesus Kristus, kalana aijo' Tumpu nombee'imo tanda hi komiu ponsumbu'an komiu anunyomo, aijo'mo Roh-Nyo anu jinanji'-Nyomo.

FILIPI 1:1

To Utu-utus mian anu palesayamo hi Tumpu iwi-iwi' anu jojoong i Filipi, ka' anu nosa'angu'mo tiba i Kristus Yesus. Tiba suele to Utu-utus polaya' ka' pabantun nu jama'at! Aku, i Paulus, tiba i Timotius to posa-posaihon i Kristus Yesus,

FILIPI 2:18

Sumo aitu mule' na komiu tionyo suele mongoa'i sanang ka' hingga-hinggat lame' tiba aku.

FILIPI 2:28

Mokonyo aijo' lebe daka' mule' na kahanda'ku monsai ia minsusule' hi komiu da komiu po'ule' lame' de komiu singkabotmo tiba ia, ka' kinyonyoangku suele madi'mo guaon.

1 TESALONIKA 3:2

hau-haunyo aijo' kami nonsaimo utusto i Timotius. Ia samian na posaihon nu Tumpu anu bakalaja tiba kami, da mompolele Lele Ma'ima' mongkona i Kristus. Kami nonsai i Timotius hi komiu, da ia mompohosonakon komiu ka' mongkakeha' komiu da lebe palesaya mule' hi Kristus.

1 TESALONIKA 3:5

Mokonyo aijo' aku nonsaimo i Timotius, kalana aku mongka'oho' hondo monsumbu' mosia na kamajuan miu i uno nu han palesaya hi Kristus. Aku bata-bata dumo Ibilis lako' monggoda komiu, sahingga iwi-iwi' na lawe mami ola palasuma.

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

YAKOBUS 4:15

Sabenannyo ahi' komiu motatae sumo uuka, “De nupobee' nu Tumpu na kami tumuu', ka' mombau aiya kabai aijo'.”

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.