FILIPI 2:15 - KITAB NU TUMPU ALLA LELE MA'IMAI'

^15-16 Tiba jalan anu sumo aijo', komiu mompotoamo saba' komiu to ana-anak nu Tumpu anu madi' ko alunyo, anu tumuu' madi' baleko' ka' madi' geguan hi aha mian anu ma'idek ka' baladosa'. Ka' de komiu monsisikmo hi aha lele anu mombee'i kantumuu'an, tionyo ahi' komiu toka hi aha timbali sumo jingka anu jongkilaban monjingkai dunia. De komiu tumuu' sumo aijo', atina'je ka' aku mongoa'i sanang hi komiu de tempo'nyomo i Yesus Kristus mompo'ule'mo toka. Aijo' na bukuti'nyo saba' usahangku madi' pinalasuma ka' usahangku kino hasinnyomo.

FILIPI 2:15 ပူးပေါင်းရင်းမြစ်များ

MAZMUR 122:5

I aiyamo na to tomu-tomundo lee' mae i Daud; no bee'i hukuman layatnyo.

NOSABATMO 34:35

ka' aha nontoamo ohup i Musa kino sahayanyomo. Lantas po'ule' mule' nu kukumbungi na ohupnyo sampetoka i tempo'nyo anu tokaje mae de ia po'ule'mo basisik tiba Tumpu.

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

AMSAL 8:8

Iwi-iwi' na potataengku madi' ko anu tageo', santa' pe'e madi' ko anu minggeo-geo' kabai sala'.

YESAYA 60:1

Tinjomo ka' timbalimo jingka, o Yerusalem, kalana jingka kasalamatan nu beleyum tinokamo; Tumpu monjingkaimo belemiu nu Kuasa-Nyo.

DANIEL 6:4

Salatan tinoamo na pakalaja'an i Daniel talu' lebe ma'ima' nu lingkudui na pakalaja'an nu gubernur-gubernur ka' mule' aha sangga'at anu montoa pakalaja'an nu to gubernur-gubernur. Kalana aijo' kahanda'mo nu hangkat i tomundo' na ia da mongkuasai songko-songko na kalaja'an.

MATIUS 10:16

“Palahatikan na aiya: Aku monsai komiu sumo domba anu madi' moko ala mokiijo' i totonga' nu pojek anu buhingison. Komiu tionyo balajaga-jaga sumo ulo ka' hodi' na kinyonyoa sumo tomonsi' malapati'.

MATIUS 17:17

I Yesus nontaami, “Palias na komiu aiya! Komiu totu-totu'u to mia-mian anu palangues ka' madi' palesaya. Piangkuka na kopinnyo na Aku tionyo jojoong tiba komiu ka' monsabaanakon komiu? Boamae na anak aijo'!”

MATIUS 5:45

da komiu timbali to ana-anak nu Tuumaum i suluga'. Kalana Tumpu mompobete' batu nu sinaa bau bagi nu mian anu ma'ima' ka' bagi nu mian anu ma'idek. Ia mombee'i ujan hi mian anu mombau ima', ka' hi mian anu mombau idek suele.

MATIUS 5:48

Tuumaum i suluga' mongkalibosi iwi-iwi' na mian totu-totu'unyo. Komiu tionyo suele sumo aitu.”

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

LUKAS 6:35

Sepantasnyo misa' sumo aijo'! Komiu ola ahi' mongkalibosi sampo bali'um, ka' mombau anu ma'ima' hi aha. Komiu tionyo momposabon ka' boli montaha'imani po'ule' osule'akon. Desumo aitu tamboum daka' ka' komiu timbali to ana-anak nu Tumpu Anu Matangkas na Kuasanyo. Kalana Tumpu manonong na kinyonyoanyo hi mian anu madi' monsumbu' momoita talima kaseh, ka' suele hi anu ma'idek.

YOHANES 5:35

I Yohanes aijo' sumo sulu' anu moak ka' monjingkai. Madi' pin na komiu sanang montalima jingkanyo aijo'.

SISIKON NU TO RASUL-RASUL 2:40

Sumo aitumo na i Petrus nompotalangakon hi aha. Ka' manjoo' na potatae sangga'at, suele pinoto'inyo hi aha da butong nu aha boli maninggalo' i bansa anu ma'idek aiya, anu nu hukumje nu Tumpu.

SISIKON NU TO RASUL-RASUL 20:30

Aitu pe'e anu atina' hi to Utu-utus saidi' mae totinjomo na to mia-mian anu mompolele lele anu madi' totu'u. Aha mombau sumo aijo' da to mia-mian anu pinalesayamo hi Yesus timbali ponga' ka' mombatuki aha.

ROMA 16:19

Iwi-iwi' na mian nonsumbu'mo, komiu mohongo-hongo hondo pangajalan mongkona Lele Ma'ima' anu nolengkat mae hi Tumpu. Ka' aku mule' sanang i han anu sumu aijo' hi komiu. Kugagan da komiu pande i hahan anu ma'ima', ka' ponga' i hahan anu ma'idek.

1 KORINTUS 1:8

Posi i Kristus na monjagai komiu sampe i mihinyo; da de tempo'nyomo Ia po'ule'mo toka, komiu otokai mae madi' ko ideknyo.

2 KORINTUS 6:17

Mokonyo aijo', pala'i na to mia-mian anu madi' monsumbu' Tumpu aijo', ka' boli mogalum na butongum hi aha. Boli hondo-hondo monsasuhi anu mahenyu, da Ku talimaje na komiu.

EFESUS 5:27

Tiba jalan anu sumo aijo' i Kristus mompotinjomo jama'at aijo' talasanggo ka' Susi' i ahop-Nyo, madi' ko ideknyo kabai anu kulang mau mule' apaa.

PO'ULE' INGULIT 32:5

Panyo belemiu bansa anu madi' mohongo-hongo, ka' madi'mo pantas timbali mian anu pinalesayamo hi Ia, bansa anu saja'mo gineguan ka' saja' mombau dosa'.

FILIPI 1:10

Tiba jalan anu sumo aijo' komiu monsumbu'mo mompile'i apaa na anu talalo ma'ima', ka' kantumuu'an miu belesi'mo i kasala'an kabai maumo pa'apaa na posala' opokona hi komiu, i sinaanyo de i Kristus mompo'ule'mo toka.

FILIPI 3:6

Aku binaani hondo, sahingga aku nonsakisa jama'at. De o'ala i atulan nu agama Yahudi, aku mian anu ma'ima', anu madi' ko kasala'annyo.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

1 TIMOTIUS 3:10

Tionyo ahi' aha o'uji' pe'e, ka' de nyata' aha madi' ko sala'nyo atina'je ka' aha timbali pabantun nu jama'at.

1 TIMOTIUS 3:2

Samian na anu montoongi jama'at tionyo ahi' mian anu madi' ko kasala'annyo, ola sa'angu' na bengkele'nyo, monsumbu' sabaan, pande ka' anu montoongi atulan; ia mongka'ima'i montalima mian i laigannyo, ka' timbali mongajan mian,

1 TIMOTIUS 5:14

Aijo' na sababnyo ku kahanda'i da to balu-balu anu ma'isa pe'e bengkele' po'ule' pe'e mo'osoa, mohumpak anak ka' mongulus auwan da sampo bali'to madi' mohumpak kasampatan mongide-idei sanggonto.

1 TIMOTIUS 5:20

Mian anu mombau dosa', tionyo opokinde'i i ahop nu iwi-iwi na jama'at, da sangga'at timbali mabuhuk.

1 TIMOTIUS 5:7

Opotokakon na to sonto-sonto' aiya hi aha, da aha tumuu' madi' ko aluknyo.

TITUS 1:6

Samian na polaya' nu jama'at tionyo ahi' samian anu madi' ko kasala'annyo; ia tionyo ko bengkele' ola samian; to ana-anaknyo tionyo ahi' pinalesayamo hi Kristus ka' misa' sumo to ana-anak anu lausala ka' anu madi' opoko ala o atun.

TITUS 2:10

kabai montomang. Tionyo ahi' aha saja' mompotoa sipat anu ma'ima' ka' tulu-tulutan, da kalana sipat nu aha aijo' mian mompuji pangajalan mongkona Tumpu anu Momposalamat kita.

TITUS 2:15

Ajanakon na iwi-iwi' aijo', ka' opokinde'i, ka' otewa' na anu ma'idek hi batu-batu mian anu mohongo beleyum ka' da nupajuli nu aha. Boli mompojohok samian pe'e montoa beleyum madi' ko angga'nyo.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

ANU PINOTO'I HI YOHANES 2:5

Kalana aijo' o inau', sangkeheng na komiu talalomo nanabu'! Balatobatmo i to dosa-dosa' miu, ka' obau na anu binaumo miu imoonanyo. De madi' saba' Aku tokamo mae hi belemiu, ka' mombubut tengke nu sulu' miu aijo' i tampatnyo.

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.