FILIPI 2:13 - KITAB NU TUMPU ALLA LELE MA'IMAI'

¹³ kalana Tumpu na mokalaja i uno nu butong miu da mompotimbali komiu halala' ka' moko ala momposanang kinyonyoa nu Tumpu.

FILIPI 2:13 ပူးပေါင်းရင်းမြစ်များ

1 TOMU-TOMUNDO' 8:58

O'amalakon da Tumpu Allah mompotimbali mae kita to mia-mian anu tulu-tulutan hi Ia, dan i uno nu kantumuu'anto saja' mombatuki pongka'oho-Nyo, ka' montuluti atulannyo iwi-iwi' ka' palentah-Nyo anu binee'-Nyomo hi mompolee'to.

2 TAWARIKH 30:12

I Yehuda suele Tumpu Allah nokalajamo ka' nomposa'angu'mo kinyonyoa nu mian da'isan da totu-totu'u tulu-tulutan hi pongka'oho' nu Tumpu Allah aijo'mo montuluti palentah i tomundo ka' to mia-miannyo anu ko pangkatnyo.

EZRA 1:1

Taun momonanyo salatan i Kores tomundo nu Persia nompalentahmo. Tumpu nombaumo apaa na anu pinoto'i-Nyomo hi Nabi Yeremia. Kinakeha'mo nu Tumpu na kinyonyoa i Kores da nombee'mo sulat palentah anu binasa'akonmo hi songko-songko na kalaja'an. Onyi'nyo sumo uuka:

EZRA 1:5

Lapas aijo' to kapa-kapala nu aha toto sa'anakan mae nu tulunan Yehuda ka' Benyamin, to ima-imam ka' to mia-mian nu aha Lewi, ka' toto samian anu pinotuka'mo nu Tumpu Allah na kinyonyoanyo, mosadiamo ninsusule' i Yerusalem ka' po'ule'mo mombau Laigan nu Tumpu.

EZRA 7:27

Lantas notataemo na i Ezra, “O puji' na Tumpu, Tumpu Allah anu sinombahmo nu mompolee'to! Ia nompotuka' mo hi kinyonyoa i tomundo sahingga ia kinokinyonyoamo mongulus Laigan nu Tumpu kiijo' i Yerusalem.

NEHEMIA 2:4

Pinokilawamo i tomundo', “Jadi, apaamo na anu nu ka'ima'i?” I uno nu kinyonyoangku, aku binalado'amo hi Tumpu Allah anu daka' na kuasanyo kiita' i suluga',

AYUB 33:29

Saja'mo pino uli-ulitnyo, nu Tumpu Allah nombau iwi-iwi' sumo aiya,

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

MAZMUR 119:36

Balakatiakon mae na aku da ko kahanda' montuluti atulan nu Belento, da boli mule' ko kahanda' lebe penting na timbali kaya.

MAZMUR 141:4

Pojo'onakon mae na aku da madi' ko kahanda' mombau anu ma'idek. Boli opojohok na aku maninggalum tiba mian anu palaganta ka' mongkaanmo hingga-hinggat i bau-bauon nu aha.

AMSAL 21:1

Pokakana susumo Tumpu nongatun uee nukaunyo da mo'ili, montuluti pongka'oho'Nyo, sumo aitu mule' na la mongatun pikilan nu tomundo.

YESAYA 26:12

O, Tumpu, Nu balakatimo mae na kami da mohumpak kantumuu'an anu ma'ima'; iwi-iwi' na anu obau mami, Belentomo na mombauakon apaa na anu opalalui mami.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 32:38

Aha timbalimo mian anu palesayamo hi Belengku, ka' Aku timbalimo Tumpu Allah nu aha.

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

YOHANES 3:27

I Yohanes nontaami, “Mian madi' moko ala montumpui apa-apaa, de madi' nubee' nu Tumpu hi ia.

YOHANES 6:45

I Uno nu Kitab nu to Nabi-nabi tinulis sumo uuka, ‘Iwi-iwi' na mian nu pogulu' nu Tumpu.’ Jadi iwi-iwi' na mian anu mohongo Tuuma ka' balagulu' hi Ia, toka mae hi beleng-Ku.

YOHANES 6:65

Lantas i Yesus po'ule' notatae, “Aijo' na sababnyo Ku poto'i hi komiu, saba' madi' ko samian pe'e moko ala toka hi beleng-Ku de madi' nupobee' nu Tuuma.”

SISIKON NU TO RASUL-RASUL 11:21

Kuasa nu Tumpu, daagi' aitu hi aha, sahingga da'isan na mian timbali pinalesaya ka' mombee' butongnyo hi Tumpu.

ROMA 12:3

Tumpu nombee'imo balakat hi belengku. Mokonyo aijo' aku mompokinde'i to Utu-utus iwi-iwi': Boli mongoa'i butong lebe matangkas molingkuduimo anu sahondo-hondonyo. Ola ahi' butong miu na otutugi ka' boli kobubuun; toto samian montoa butongnyo iya na anu opoko ala obau anu binee'mo nu Tumpu hi ia, kalana ia pinalesayamo hi Yesus.

ROMA 9:11

Ma'isa pe'e i hampe ua-ua'aha na anak aijo', Tumpu nompotantumo anu Nu pile'i saidi' mae. Pompile'i nu Tumpu aijo' madi' montoa i anu nupoko bau nu mian, panyo samata-mata posi pongka'oho' nu Tumpu na molaga. Kalana tempo'nyo ua-ua'aha na anak mo'ane i Ribka aijo' ma'isa noko ala mombau apa-apaa anu ma'ima' kabai ma'idek.

ROMA 9:16

Jadi kaputusan nu Tumpu aijo' madi' mintoong i kasanangan nu kinyonyoa nu mian, kabai anu nubau nu mian, panyo ola samata-mata kanonongan nu Tumpu toka hi mian anu pinile'an-Nyomo aijo'.

1 KORINTUS 12:6

Manjoo' na ngangahannyo mombau kalaja nu Tumpu, panyo anu mombee'i kahosonan aijo' hi toto samian, aijo'mo Tumpu anu sa'a-sa'angu'nyomo!

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

2 KORINTUS 3:5

Kami madi' ko apa-apaa moko ala momponyata' au'aitu kami moko ala mombau kalaja aiya, panyo Tumpu na nombee'i kahosonan aijo' hi kami da moko ala mombau.

EFESUS 1:11

Tumpu nombau iwi-iwi' apaa posi pongka'oho'-Nyo ka' posi kaputusan-Nyo. Salatanmo pe'e imoonanyo Ia nompile'imo kita kalana Ia mongkahanda'i da kita timbali mian anu palesayamo kalana mosa'angu'mo tiba i Kristus.

EFESUS 1:5

Sahingga Ia nontantukanmo momonanyo pe'e tukoonyo da kalana palesaya hi Yesus Kristus nu hangkatje na kita da timbali to ana-anak-Nyo. Ka' memang aijo'mo na anu nu nuka'oho' Nu bau.

EFESUS 1:9

Posi pongka'oho'-Nyo nu Tumpu na nompoto'imo hi kita lahasia nu tanga'an-Nyo; Ia nomputusimo tukoonyo tanga'an-Nyo aijo' nu potimbalije montului Kristus.

EFESUS 2:8

Tumpu mongkalibosi komiu, aijo' na sababnyo Ia momposalamat komiu kalana komiu pinalesayamo hi Yesus. Kasalamatan miu atina' misa' posi hasin nu usaha miu. Aijo' te balakat nu Tumpu. Jadi, madi' ko samian pe'e na anu timbali mongkabubuulakon posi butongnyo mongkona han aijo'.

2 TESALONIKA 1:11

Mokonyo aijo' kami saja' mondo'akon komiu. Kami balado'a da Tumpu mompotimbali komiu moko ala tumuu' mombatuki pongka'oho'-Nyo, kalana makisut aijo' sahingga Ia nolagamo komiu. O amalakon da Tumpu mongkuasai komiu mombatuki pongka'oho'nyo da mombau anu ma'ima' ka' mompokopiani iwi-iwi' na kalajanyo anu binaumo miu kalana pinalesayamo hi Kristus.

2 TIMOTIUS 1:9

Tumpu momposalamat kita ka' molaga kita da timbali mian-Nyo anu palesayamo. Binaunyo na aijo' misa' mintoong i apaa na anu binauntomo, panyo mintoong i posi kahanda'-Nyo tiba balakat-Nyo. Ia mombee'i kita balakat-Nyo nontulu hi Kristus Yesus ma'isa pe'e dunia aiya pinotimbali.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.