FILIPI 1:28 - KITAB NU TUMPU ALLA LELE MA'IMAI'

²⁸ Tionyo ahi' komiu saja' baani; boli mabuhuk hi sampo bali' miu, tiba jalan anu sumo aijo' komiu momponyata'mo saba' aha tantu saidi' mae mahungku'mo, ka' komiu na saidi' mae untungmo, kalana posi Tumpu Allah na mombee'i ka'untungan hi komiu.

FILIPI 1:28 ပူးပေါင်းရင်းမြစ်များ

KAJADIAN 49:18

O Tumpu, kasalamatan anu obee' nu Belento aijo'mo na anu kupo-kupopea'.

MAZMUR 50:23

Mian anu monsombahkon bau pontalima kaseh salaku bau kolobannyo, ia aijo' na moholomati Aku; ka' mian anu momposadiai jalan da kajalanan-Ku Ku potiju'je hi ia na kasalamatan anu lengkat aiya hi beleng-Ku.”

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 51:12

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

YESAYA 51:7

Potombihing mae na Aku, o, bansang-Ku, sinumbu'mo nu belemiu apaa na anu memang ahi' totu'u; pangajalan-Ku tinonguna'mo i uno nu kinyonyoa nu beleyum. Boli mabuhuk de belemiu nu kokojoi nu manusia boli bata-bata de belemiu nu alu nu aha.

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

MARKUS 3:3

I Yesus notatae hi mian anu lupe na limanyo sambiha' aijo', “Imbo' tuminjo i aiya, i ahop.”

LUKAS 3:6

Songko-songko na mian i dunia montoaje Tumpu momposalamat mian!’ ”

YOHANES 16:8

De Ia tokamo Nu ponyata'je i dunia na pangalati'an nu dosa' anu sahondo-hondonyo, ka'pohukum nu Tumpu.

SISIKON NU TO RASUL-RASUL 28:28

Ahennyo i Paulus notatae, “To Utu-utus tionyo monsumbu' saba' lele mongkona kasalamatan anu lengkat mae hi Tumpu uuka pinolelemo i to bansa-bansa sangga'at anu misa' Yahudi. Aha tionyo montuluti!” [

ROMA 8:17

Jadi, de kita to ana-anak-Nyo, tantu kita mule' ko hak mohumpak hi Ia, anu tionyo montalima to bala-balakat anu pinosadiamo nu Tumpu bau bagi nu to ana-anak-Nyo. Kita tionyo mohumpak hingga-hinggat tiba i Kristus apaa na anu pinosadiamo nu Tumpu hi Ia; kalana de kita mongoa'i sansala tiba i Kristus, kita suele opopodaka' tiba Ia.

1 TESALONIKA 2:2

Komiu monsumbu' saba' ma'isa pe'e kami tinoka hi komiu i Tesalonika, kami po'ule'mo kinabisa'an ka' pinopo'ambang kiijo' mae i Filipi. Panyo mau mule' manjoo' na mian mombahakon kami, Tumpunto nombee'imo kami kabaanian da mompolele hi komiu Lele Ma'ima' anu lengkat mae hi Ia.

IBRANI 13:6

Kalana aijo' kita baani ahi' na motatae, “Tumpu na anu Montulungi mae aku, aku madi' mabuhuk. Apaa na anu nu poko ala nubau nu mian hi belengku?”

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.