FILIPI 1:27 - KITAB NU TUMPU ALLA LELE MA'IMAI'

²⁷ Jadi, anu penting uuka aiya aijo'mo da komiu tumuu' pokakana tiba apaa na anu nukahanda'i nu Lele Ma'ima' mongkona i Kristus aijo'. Tiba jalan anu sumo aijo' pa' aku moko ala singkabot tiba komiu, kabai madi'mo, ku hongoje na kahosonan nu posa'angu'an miu ka' mogogia' hingga-hinggat i sa'angu' na kahanda' ka' sa'angu' na tanga'an; aijo'mo kapalesaya'an anu pokakana tiba Lele Ma'ima' anu lengkat mae hi Tumpu aijo'.

FILIPI 1:27 ပူးပေါင်းရင်းမြစ်များ

1 TAWARIKH 19:12

I Yoab nottataemo hi utus ise'nyo aijo', “De aku madi'mo moko ala mongewa suludadu nu Siria sampe mae malia-lia' toka montulungi aku. Sumo aitu mule' suele de beleyum madi'mo moko ala mongewa suludadu nu Amon aku suele tokaje mae montulungi beleyum.

MAZMUR 122:3

Yerusalem anu binau salaku kota' pinaha posusunmo ima-ima.

MAZMUR 133:1

Nyanyian i Daud mamba i tampat anu ko balakatnyo. Talalo hondo ma'ima' ka' sanang, de mian anu palesayamo hi Tumpu saja' tumuu' dame ka' mompaha kano-kanonongi.

AMSAL 22:23

Kalana, Tumpu na monsangaja'i palakala nu aha ka' mongala napas nu mian anu mombee'i kasansala'an aha.

YEREMIA 32:39

Ku bee'imo na aha tujuan nu kantumuu'an samata-mata ola sa'angu': aijo'mo, moholomati mae Aku sampe toka sidu-sidutu'; han aijo' na mombee'i ka'ima'an nu kantumuu'an nu aha, ka' suele kona hi lee' nu aha.

MATIUS 12:25

I Yesus monsumbu' pikilan nu to mia-mian Farisi aijo'. Jadi Ia notatae hi aha, “De sa'angu' na negara mobagi-bagi, ka' bagi-bagian aijo' mompaha idek, negara aijo' madi' pin na tuminjo. Ka' sa'angu' na kota kabai moto utus mobagi-bagi ka' mompaha ka'ika'ideki samian ka' sangga'at, saba' timbali hansun.

SISIKON NU TO RASUL-RASUL 2:46

Toka sansina-sinaa aha saja' silimu' i Laigan nu Tumpu ka' lame' na aha mongkaan hingga-hinggat, ka' aha madi' mombuulakon to lai-laigan nu aha.

SISIKON NU TO RASUL-RASUL 24:24

Ilapas aijo' tino pia-pian sinaa, i Feliks tinokamo sinangaluan mae nu bengkele'nyo sanggonyo i Drusila; ia mian nu Yahudi. Lantas i Feliks nompokau mian mongala i Paulus, lapas aijo' i Feliks nompotombihingmo i Paulus notatae mongkona palesaya hi Kristus Yesus.

SISIKON NU TO RASUL-RASUL 4:32

Iwi-iwi' mian anu palesaya aijo', tumuu' sa'a-sa'angu' na kinyonyoa ka' sa'a-sa'angu' na pikilan. Madi' ko samian pe'e lengkat hi aha na montaloakon tukoonyo apa-apaa na anunyo atina' posi anunyomo. Iwi-iwi' na anu daagi' hi aha nu pake nu aha sama-sama.

ROMA 1:16

Ku palesaya hondo na Lele Ma'ima' aijo', kalana lele aijo' kahosonan nu Tumpu momposalamat iwi-iwi' na mian palesaya; momonanyo hi mian Yahudi, ka' bansa suele sangga'at.

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 1:9

Aku saja' monginau' komiu de aku balado'a. Tumpu na nonsakisi apaa na anu tinaloakonkumo aijo' memang totu'u. Iamo na Tumpu anu kuku hongo-hongo buke-buke' na kinyonyoangku, aijo'mo mompolele Lele Ma'ima' mongkona Anak-Nyo.

ROMA 10:8

Kahanda'nyo sumo uuka, “Lele lengkat hi Tumpu aijo' ohani hondo hi beleyum; i nganga'um tiba i kinyonyoaum.” Aijo'mo na lele anu oleleakon kami; lele tukoonyo tionyo mian palesaya.

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

ROMA 15:29

De aku toka hi komiu, tantu aku momboa manjoo' na balakat lengkat mae hi Kristus toka hi komiu.

1 KORINTUS 1:10

To Utu-utus! Tiba sanggo nu Tumpunto i Yesus Kristus, kupoita da komiu iwi-iwi' mompaha hongo-hongo; da boli ko anu mahantuda' itina' hi komiu. Tionyo ahi' komiu mosa'angu', oposa'angu' na kinyonyoa, ka' oposa'angu' na pikilan.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

2 KORINTUS 13:11

Ahennyo, to Utu-utus, sabole-bole ahi' komiu lame', ka' bala usaha da timbali ganap. Ala na pokinde'ku iwi-iwi'. Sabole-bole ahi' komiu momposa'angu' kinyonyoa ka' mompaha hongo-hongo. Tumpu Allah Anu talalo Mongkalibosi ka' saja' mompodame, aijo' na saja' monjagai komiu.

2 KORINTUS 4:4

Pilogot ide-idek anu mongkuasai dunia aiya nongkulubimo pikilan nu to mia-mian anu madi' palesaya aijo'. Iamo na lewa' molingkang aha da aha madi' montoa jingka nu Lele Ma'ima' aijo' mongkona katalasanggoan i Kristus, anu salaku gambalan nu Tumpu Allah.

2 KORINTUS 9:13

Ka' kanonongan anu pinotoamo miu aijo' manjoo' na mian Kristen i Yudea nompuji'mo Tumpu kalana aha nontoamo komiu mohongo-hongo hondo Lele Ma'ima' mongkona i Kristus anu nu nu tuluti miu aijo'. Aha singkona nompuji'mo Tumpu kalana komiu talalo manonong, nombagi-bagiakonmo hi aha ka' hi iwi-iwi' na mian sangga'at apaa na anu daagi' hi belemiu.

GALATIA 1:7

Sabenannyo madi'mo ko “lele ma'ima' anu sangga'at”. Ola ahi' daagi' ko to mia-mian anu mompolele hi komiu “lele ma'ima'” mongkona i Kristus anu nugeo-geo'akon nu aha sahingga mompobimbangmo komiu.

EFESUS 1:13

Belemiu suele tinimbalimo mian anu palesayamo hi Tumpu Allah tempo'nyo belemiu nohongomo potuunon nu Tumpu, aijo'mo Lele Ma'ima' anu mombee'i kasalamatan hi komiu. Belemiu palesaya hi Yesus Kristus, kalana aijo' Tumpu nombee'imo tanda hi komiu ponsumbu'an komiu anunyomo, aijo'mo Roh-Nyo anu jinanji'-Nyomo.

EFESUS 1:15

Mokonyo aijo' salatanmo pe'e aku nohongo tukoonyo belemiu pinalesayamo hi Tumpu Yesus, ka' komiu mongkalibosimo iwi-iwi' mian anu palesayamo hi Tumpu,

EFESUS 4:1

Aijo' na sababnyo aku – mian anu tinalungku'mo, anu tinalungku'mo kalana nombaumo anu pinalentahkon nu Tumpu – momoita sabole-bole hi belemiu: da kantumuu'anum sumo ahi' mian anu i lagamo nu Tumpu mo'imboa tiba apaa na makisutnyo komiu i lagamo.

FILIPI 1:5

Aku montalima kase hi Tumpu kalana salatanmo pe'e i sinaa momonanyo sangkutnyo uuka aiya, komiu nontulungimo aku nombebakon Lele Ma'ima' lengkat mae hi Tumpu.

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

FILIPI 2:24

Ku palesaya saba' kalana pontulungi nu Tumpu, aku suele madi'mo daagi' pin na mamba molenga komiu.

FILIPI 3:18

Aku toto minsan nompoto'imo komiu, ka' uuka aiya po'ule' mule' ku ulit, tibamo nu haang, kalana manjoo' na mian anu kantumuu'annyo nongideimo alati'nyo nu i Kristus sinilaka pinosalib.

FILIPI 3:20

Panyo kita aijo' mian nu Kalaja'an Suluga'. Lengkat mae kiita' suele na pinolengkatan nu Tomundo Anu Momposalamat kita, Tumpunto i Yesus Kristus anu saidi' mae toka. Iamo na anu saja' o'indinto otanda'i.

FILIPI 4:1

Mokonyo aijo', to Utu-utusku anu kuku kanonongi, sumo aitumo na komiu tionyo ahi' totu-totu'u palesaya hi Tumpu. Kinyonyoangku saja' montutugi hi komiu! Komiumo na anu kuku kabilahiakon ka' anu nompolame'mo aku.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

1 TESALONIKA 3:6

Uuka i Timotius ninsusule'mo mae ka' nompotokamo hi kami lele anu moko lame' mongkona mosia na komiu palesaya hi Kristus, ka' mompaha kali-kalibosi. Ia nompoto'imo hi kami tukoonyo komiu saja' montutugi hahan anu ma'ima' mongkona kami i kinyonyoa miu. Ka' komiu ko kahanda' mompahakabot tiba kami, pokakanamo sumo kami mule' ko kahanda' mompahakabot tiba komiu.

1 TESALONIKA 4:1

Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!

1 TIMOTIUS 1:11

Ajalan aijo' daagi' i uno nu Lele Ma'ima' ka' anu mompolele pinalesayakonmo hi belengku, aijo'mo Lele Ma'ima' lengkat mae hi Tumpu anu opopodaka' ka' anu patut o puji'.

1 TIMOTIUS 1:19

Bala usaha mintoong i kapalesaya'an anu totu'u ka' obau ahi' nu kinyonyoa anu ma'ima' ka' susi'. Daagi' ko to mia-mian anu madi' montapali posi isi nu kinyonyoanyo anu ma'ima', sahingga natemo na kapalesaya'an nu aha.

2 TIMOTIUS 4:7

Aku nombatukimo palalomba'an totu-totu'u ka' nontokaimo katokaan i pupuusnyo. Aku tataap tulu-tulutan hi Kristus sampe toka i aha ahenannyo.

TITUS 2:10

kabai montomang. Tionyo ahi' aha saja' mompotoa sipat anu ma'ima' ka' tulu-tulutan, da kalana sipat nu aha aijo' mian mompuji pangajalan mongkona Tumpu anu Momposalamat kita.

FILEMON 1:5

Kalana i hongongkumo, taalu' kita Utus totu-totu'u pinalesayamo hi Tumpu Yesus ka' mongkalibosi iwi-iwi' mian anu pinalesayamo hi Tumpu.

YAKOBUS 3:18

Memang ka'ima'an atina' bua' nu bine' nu dame anu sinau nu mian anu mongka'ima'i dame!

2 PETRUS 3:11

Kalana iwi-iwi' aijo' o ideimo nu jalan anu sumo aijo', jadi mosia na belemiu tumuu'? Komiu tionyo ahi' tumuu' susi' ka' samata-mata mombau pongka'oho' nu Tumpu,

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

YUDAS 1:3

To Utu-utus anu okanonongi! Aku totu-totu'u ko kahanda' nontulis sulat toka hi belemiu mongkona kasalamatan anu bubuu'mo ingoa'anto. Panyo uuka aiya aku palalu hondo mompokinde'i komiu nu sulat aiya da komiu saja' bala usaha da iman anu minsanmo na binee' nu Tumpu sampemo ahi' toka sidu-sidutu' hi mian anu palesayamo hi Ia.