FILIPI 1:19 - KITAB NU TUMPU ALLA LELE MA'IMAI'

¹⁹ kalana kusumbu' saba' do'a miu tiba mule' tulungan lengkat mae hi Roh i Yesus Kristus, aku opobebasje.

FILIPI 1:19 ပူးပေါင်းရင်းမြစ်များ

SISIKON NU TO RASUL-RASUL 16:7

Salatan tinokamo i potempasan nu Misia, aha nompi pinsoopmo mokiijo' i Provinsi Bitinia, panyo Roh i Yesus nontewa' aha mamba mokiijo'.

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

ROMA 8:9

Panyo komiu madi' tumuu' mombatuki sipat nu mian. Komiu tumuu' mombatuki pongka'oho' nu Roh nu Tumpu – de memang, Roh nu Tumpu totu-totu'u montoongi kuasa i uno nu butongum. Mian anu madi' ko Roh i Kristus, mian aijo' misa' i Kristus na tumpunyo.

1 KORINTUS 4:17

Mokonyo aijo' sinaingkumo na i Timotius hi komiu. Salaku anu mombatuki i Kristus ia sumomo posi anakku, anu ku kukalibosi. Ia anak anu timbali opalesaya. Iaje na mompotuka' komiu mongkona jalan nu kantumuu'an anu binatukumo salatan aku pinalesayamo hi Kristus, aijo'mo jalan nu kantumuu'an anu pinogulu'kumo suele hi to jama-jama'at iyaya mae.

2 KORINTUS 1:11

Opalesaya mami kalana do'a miu hi kami, sahingga Tumpu Allah po'ule' momposalamat kami da boli balaa'. Tumpu mombalakatimo kami salaku pontaami do'a anu nanjo'mo pinondo'akon mae kami, kalana aijo' manjoo' na mian montalima kase hi Tumpu Allah.

GALATIA 3:5

Tumpu nombee'mo Roh-Nyo hi komiu ka' nompodaagi'mo anu okabangangi atina' hi komiu. Te Tumpu mombau aijo' kalana komiu mompojalan atulan nu agama kabai kalana komiu nohongomo Lele Ma'ima' aijo' ka' palesaya hi Kristus?

GALATIA 4:6

Kalana komiu to ana-anakmo nu Tumpu, Tumpu nonsaimo mae Roh nu Anak-Nyo da minsoop i uno nu kinyonyoa nu kita Utus ka' i kinyonyoangku, aijo'mo Roh anu notatae, “Tuuma, o, Tuumangku.”

FILIPI 1:18

Panyo madi' mongkuka! Kalana mau mule' pa' mosiamo, pa' aijo' obau ko kahanda' anu ma'ima' kabai ko kahanda' anu sala', manau' i Kristus opolele ahi'; jadi aku sanang. Ka' aku tataap mongoa'i sumo aijo',

1 PETRUS 1:11

Aha monselidiki mosia ka' hipian na han aijo' timbali, apaa na anu kokoonyo nu Roh i Kristus anu kiijo' i butong nu aha. Tempo'nyo aitu Roh-Nyo na nompoto'i hi aha mongkona kasansala'an-kasansala'an anu tionyo nu oa'i i Kristus ka' mongkona katalasanggoan-Nyo anu nutalimaje lapas aijo'.