FILIPI 1:18 - KITAB NU TUMPU ALLA LELE MA'IMAI'

¹⁸ Panyo madi' mongkuka! Kalana mau mule' pa' mosiamo, pa' aijo' obau ko kahanda' anu ma'ima' kabai ko kahanda' anu sala', manau' i Kristus opolele ahi'; jadi aku sanang. Ka' aku tataap mongoa'i sumo aijo',

FILIPI 1:18 ပူးပေါင်းရင်းမြစ်များ

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

MARKUS 12:40

Aha mongakali to balu-balu ka' mongagoi laigannyo. Ka' de mongkukubi ka'idekan nu aha aijo', aha balado'a manta-mantan. Aha montalimaje hukuman maboat!”

LUKAS 9:45

Panyo anu saja' mombatuki Yesus aijo' madi' mangalati' i potatae-Nyo aitu. Han aitu pinohowini hi aha, da aha madi' mangalati'. Panyo aha mabuhuk na mompokilawa han aitu hi Ia.

LUKAS 9:50

“Boli montewa' ia,” koonyo i Yesus hi Yohanes ka' hi anu saja' mombatuki Yesus sangga'atannyo, “kalana mian anu madi' mongewa komiu, ia atina' mosambiha' hi komiu.”

ROMA 3:9

Jadi, te kita mian nu Yahudi lebe ma'ima' molingkudui bansa sangga'at? Totu-totu'u madi'! Pinoko taloakonkumo mau mian nu Yahudi kabai bansa sangga'at, iwi-iwi' kinuasanmo nu dosa'.

ROMA 6:15

Uuka aiya, mosia na katotu'uannyo? Timbali na kita mombau dosa', kalana kita madi'mo i 'aluk nu kuasa nu atulan nu agama Yahudi, panyo i 'alukmo nu balakat nu Tumpu? Madi' hondo-hondo!

1 KORINTUS 10:19

Apaa na anu ku ku kahanda'i mongkona han aijo'? Pilogot kabai kaanon anu osombahkon hi pilogot aijo' madi' kokaliangannyo apa-apaa.

1 KORINTUS 14:15

Jadi apaa na anu tionyo kubau? Aiya na anu kubau: Aku balado'amo nu rohku, panyo suele balado'amo nu pikilanku. Aku manyanyimo nu rohku, panyo aku suele manyanyimo nu pikilanku.

1 KORINTUS 15:11

Singkop, mau mule' pa' hi he na pohumpakan miu Lele Ma'ima' aijo' – pa' aijo' lengkat hi belengku kabai lengkat mae hi to rasul-rasul sangga'at – aijo' madi' mongkuka. Anu penting aijo'mo kami mompolele Lele Ma'ima' aijo' ka' kita Utus palesayamo.

FILIPI 1:19

kalana kusumbu' saba' do'a miu tiba mule' tulungan lengkat mae hi Roh i Yesus Kristus, aku opobebasje.