FILIPI 1:14 - KITAB NU TUMPU ALLA LELE MA'IMAI'

¹⁴ Ka' aku tinalungku' nonsaduakonmo manjoo' na to mia-mian Kristen i kota aiya nompaka palesayamo mule' hi Tumpu, sahingga aha nompaka baanimo na mombebakon potuunon nu Tumpu, ka' madi'mo maha pabuhukan.

FILIPI 1:14 ပူးပေါင်းရင်းမြစ်များ

1 TESALONIKA 2:2

Komiu monsumbu' saba' ma'isa pe'e kami tinoka hi komiu i Tesalonika, kami po'ule'mo kinabisa'an ka' pinopo'ambang kiijo' mae i Filipi. Panyo mau mule' manjoo' na mian mombahakon kami, Tumpunto nombee'imo kami kabaanian da mompolele hi komiu Lele Ma'ima' anu lengkat mae hi Ia.

KOLOSE 4:4

Balado'a da aku moko ala montalangkan lahasia aijo' sahingga manasa hondo susumo anu memang sahondo-hondonyo.

FILIPI 1:7

Memang nukonamo de aku ko kinyonyoa sumo aijo' hi komiu, kalana komiu Utus iwi-iwi' saja' i uno nu kinyonyoangku. Ka' mule' komiu singkona montalima hingga-hinggat ka' aku balakat anu binee'mo nu Tumpu hi belengku; mau uuka aiya aku hau-haunyo i uno nu talungku', mau pe'e aku i sambiha'nyomo mompototu'u ka' montinjohakon Lele Ma'ima' aijo'.

KOLOSE 4:7

I Tikhikus, Utusto anu oka-okalibosi momposumbu'je hi komiu iwi-iwi na apaa anu tinimbalimo hi belengku. Ia tulu-tulutan na nokalajamo, nosangalu tiba kami nombau kapentingan nu Tumpu.

FILIPI 4:1

Mokonyo aijo', to Utu-utusku anu kuku kanonongi, sumo aitumo na komiu tionyo ahi' totu-totu'u palesaya hi Tumpu. Kinyonyoangku saja' montutugi hi komiu! Komiumo na anu kuku kabilahiakon ka' anu nompolame'mo aku.

EFESUS 3:13

Mokonyo aijo', anu kupoita, aijo'mo: boli bata-bata mongkona apaa na anu ingoa'ankumo, aku sinansala kalana komiu, kalana iwi-iwi' aijo' da bau ka'ima'an miu.

2 KORINTUS 3:12

Kalana kami montaha'imani anu susumo aijo', sahingga kami baani na motatae sumo aijo'.

2 KORINTUS 7:4

Kupalesaya totu-totu'u na komiu. Ka' mule' kami sanang hondo hi komiu! Mau mule' kami mongoa'i manjoo' na kasusa'an, molumu hondo na kinyonyoangku kalana komiu. Kinyonyoangku bilahi hondo!

FILIPI 1:20

Anu talalo ku ka'ima'i ka' kugagan aijo'mo da boli hondo-hondo aku madi' mingkaliangan i uno nu kalajangku. Panyo ahi' kugagan da iwi-iwi' na tempo' lebe-lebe mule' uuka aiya, aku timbali baani sahingga i uno nu kantumuu'anku – pa' aku tumuu' kabai silaka – i Kristus na opopodaka'.

2 TIMOTIUS 2:9

Kalana mompolele Lele Ma'ima' aijo', nonsaduakonmo aku sinilaka; pinaka mule' i lante' sumo samian anu uesan. Panyo potatae nu Tumpu madi' opoko ala o lante'.

MARKUS 3:3

I Yesus notatae hi mian anu lupe na limanyo sambiha' aijo', “Imbo' tuminjo i aiya, i ahop.”