EZRA 9:9 - KITAB NU TUMPU ALLA LELE MA'IMAI'

⁹ Tempo'nyo kami daagi' binotuanan, belento madi' nompojohok kami. Belentomo na nontulungi kami da kinalibosanmo nu to tomu-tomundo Persia ka' pinobee'mo tumuu' ka' po'ule'mo mombau Laigan nu belento anu ohunyo na daagi' aijo'. Belento nonjagaimo kami aiya i Yehuda ka' i Yerusalem.

EZRA 9:9 ပူးပေါင်းရင်းမြစ်များ

EZRA 2:68

Salatan mian haha aijo' anu binoa i Babel tinokamo mae i Laigan nu Tumpu kiijo' i Yerusalem, pa' aha tino pia-piangkuka na to pola-polaya' nu aha nombee'mo anu osombahkon kalana kasanangan nu aha da po'ule' obau na Laigan nu Tumpu.

EZRA 7:6

I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

EZRA 7:8

Aha nompala'imo Babel kinakonamo i tanggan sa'angu' bitu'on anu momonanyo, ka' tinulunganmo nu Tumpu Allah, sahingga tinokamo na aha i Yerusalem i tanggan sa'angu' bitu'on ko olima'nyomo.

EZRA 9:10

Panyo uuka aiya, o Tumpu Allah, salatan han haha aijo' jinadimo apaamo na anu otaloakon mami. Kami po'ule' mule' madi' nombau apaa na anu pinalentahkonmo nu belento,

NEHEMIA 2:17

Panyo mamanga ahi' pinoto'ingkumo hi aha, “Soba toa na kita sinansalamo sumo aiya! Yerusalem me himpupuknyo ka' sabatannyo anu toto daka-daka' pinapuanmo nu apu. Imbo' da kita po'ule'mo mombau pagan mesen nu kota' Yerusalem da kita bolimo lewa' o'alu.”

NEHEMIA 9:17

Aha madi'mo nohongo-hongo, iwi-iwi' na kanonongan nu Belento madi'mo pinajulian nu aha. Ka' iwi-iwi' na anu binaumo nu Belento oka-okabangangi madi'mo nu inau' nu aha. Kalana aha kinobubuunmo sahingga aha nompile'imo samian anu binau kapala, da momboa aha mamba i Mesir, ka' po ule'mo timbali posaihon. Panyo Belento Tumpu Allah sanang na kinyonyoa mongampuni, talalo hondo sabaan, manonong ka' mule' talalo hondo mongkalibosi. Kalibosan nu belento totu-totu'u madi' hondo ko gampanyo; Belento madi' nompojohok aha.

MAZMUR 109:12

Boli ko anu mongkanonongi ia, kabai mongkalibosi to ana-anaknyo anu pinala'iannyomo.

MAZMUR 138:7

Tempo'nyo aku tinokanmo nu kasusa'an Belento na sabole-boleh nontoongi kantumuu'anku. Belento na nongewa anu monsampobali' mae aku anu notomuhukmo ka' pinosalamatmo nu Belento na aku nu kuasa nu Belento.

YESAYA 14:3

Tumpu mompobebasmo Israel lewa-lewa'mo sinakisa ka' mule' i kasansala'annyo, ka' lewa-lewa' nokalaja maboat opa-opakisakon hi aha.

YESAYA 5:2

Nu pansun na tano'nyo ka' nu paha alini na batunyo. Sinu'annyomo na anggur anu pinile'annyomo ka' binaunyomo na laigan tangka-tangkas bau ponjagaian. Kinekenyomo sa'angu' na bolo' da pombauan tampat pompao'an nyo anggur, lantas nu tanda'imo na bua'nyo maha, panyo bua'nyo anu ola anggur anu malosing.

YESAYA 5:5

Sumo uuka na Aku mombau ale' nu anggur-Ku aijo'. Balabat anu montikubi mae aijo' Ku gautakonmo, pagan mesen anu montingki'i mae Ku hobo'akonmo, lantas Ku pokilayamo da nu ideimo nu binatang anu mahangas ka' lewa' mompahampeja'akon.

YESAYA 61:4

Aha mombaumo to kota-kota' anu pininmo na na'idek ka' mompotinjomo tampat-tampat anu pininmo na i liing.

YEHEZKIEL 11:16

Mokonyo aijo' poto'iakon na potuunon-Ku aiya hi to sanga-sangalu nu belemiu anu binoamo ka' pinojoongmo kiijo' mae, koonyo nu potuunon-Ku, Akumo na nomboa aha jo'o-jo'on hi aha bansa-bansa ka' nombagi-bagimo aha iwi-iwi na lipu' anu kiijo' mae. Panyo hau-haunyo kiijo' mae na aha Aku saja' ahi' montoa aha.

DANIEL 9:25

Tulis ka' alati'imo na aiya; Pimpitun lipat na popitu na taun na ohikuhakon, i mulaan pe'e mae tempo'nyo nonontalimamo palentah da po ule'mo mombau kota' Yerusalem sampe tokamo mae na samian na polaya' anu pinile'anmo nu Tumpu. Kopinnyo pimpitun lipat na anompulu' ka' ohua' na taun, iwi-iwi' na jalan tiba to bente-benteng nu Yerusalem anu ma'idekmo po ule'mo obau, panyo tempo'nyo aijo' manjoo' hondo nakasansala'an na ota'up.

HAGAI 1:9

Belemiu montaha'imani hasin nu ale' anu ugaat molabi-labi pada han anu ohumpak nu belemiu ola sangkiding hondo; oboa nu belemiu na aijo' panyo hasinnyo anu opadak nu belemiu aijo' Ku puhakonmo sahingga ola mingkot nutilahabakon nu mombun. Kadaka' Ku bau sumo aijo'? Makisudnyo aijo'mo: Kalana Laigan-Ku daagi susumo laigan anu na'idekmo sadangkan belemiu iwi-iwi' na pagala ahi' mombau laigan nu belemiu toto samian.

ZAKHARIA 2:5

Tumpu binalajanji'mo tukoo-Nyo Iamo na timbali pagan apu na montikubi kota' aijo' da monjagai ka' mule' Ia jojoongmo ikiijo' tiba kakuasa'an-Nyo ka' Ia talasanggomo.”