EZRA 9:8 - KITAB NU TUMPU ALLA LELE MA'IMAI'

⁸ Panyo uuka aiya, o Tumpu Allah mami, belento ma'isa pinin na nongkalibosimo kami. Belento nompobebasmo pa' aha sangkuka na mian aiya hi kami da madi'mo obotuani da tumuu'mo bilahi i tampat anu susi' aiya. Belento nombee'imo kantumuu'an bu'ou hi kami.

EZRA 9:8 ပူးပေါင်းရင်းမြစ်များ

2 TOMU-TOMUNDO' 19:4

Tomundo' Asyur nonsaimo mae samian na suludadu anu matangkas na pangkatnyo da mompopo ambang Tumpu Allah anu tumuu'. Ihe na monsumbu' Tumpu Allah nu belemiu nohongomo pinompopo'ambang aijo' ka' mohukumo aha anu nontaeakon! Kalana aijo' do'akonmo hi Tumpu Allah na mianto haha aijo' anu daagi' tutuu'.”

EZRA 9:9

Tempo'nyo kami daagi' binotuanan, belento madi' nompojohok kami. Belentomo na nontulungi kami da kinalibosanmo nu to tomu-tomundo Persia ka' pinobee'mo tumuu' ka' po'ule'mo mombau Laigan nu belento anu ohunyo na daagi' aijo'. Belento nonjagaimo kami aiya i Yehuda ka' i Yerusalem.

NEHEMIA 1:11

Potombihingakon mae na do'angku ka' do'a nu posaihonto iwi-iwi' sangga'at, anu mongka'oho' moholomati belento. Tulungiakon mae o Tumpu sinaa aiya da posaihon nu belento aiya nukalibosi mae i tomundo.” Tempo'nyo aitu kalajangku anu nu inum i tomundo memongulus.

NEHEMIA 9:31

Panyo kalana kalibosan nu Belento talalo ahi' daka', madi' ahi' pinojohok nu Belento kabai pinatean nu Belento na aha. Memang Belentomo na Tumpu Allah anu madi' ko gampanyo; Belento talalo ahi' mongkanonongi, saja' mongkalibosi!

AYUB 33:30

da manusia timbali nuposalamat nu Tumpu Allah ka' mombee'i kabilahian i uno nu kantumuu'annyo nu manusia.

MAZMUR 13:3

Hipian na kopinnyo na aku tionyo ahi' montanggung kasusa'an, ka' mongoa'i susa' na kinyonyoa sansina-sinaa? Hipian na kopinnyo na aku nukuasai nu sampobali'ku?

MAZMUR 13:4

Tonto'i mae na aku, o Tumpu-ngku, taami mae na do'angku. Po'ule'akon mae na kahosonanku, ka' boli pojohokmo mae na aku da silakamo.

MAZMUR 138:7

Tempo'nyo aku tinokanmo nu kasusa'an Belento na sabole-boleh nontoongi kantumuu'anku. Belento na nongewa anu monsampobali' mae aku anu notomuhukmo ka' pinosalamatmo nu Belento na aku nu kuasa nu Belento.

MAZMUR 34:5

Aku binalado'amo hi Tumpu, ka' tinaaman-Nyomo mae ka' madi'mo aku nabuhuk i iwi-iwi na anu okabuhuk.

MAZMUR 85:6

Pa' sidu-sidutu'mo na belento montambuha'i mae kami, ka' sabole-bolemo motambuha' sampe molundu-lundu na tulunan?

AMSAL 29:13

Samian na anu kasiasi ka' anu mombe'i kasansala'an ko pokakanannyo ua-ua'aha binee'an nu Tumpu mata da montoa jingka nu kantumuu'an.

ANU MOMPOLELE POTATAE NU TUMPU 12:11

Potatae nu mian anu ko ilimu' aijo' sumomo tokon anu matajom, anu nu toong nu samian na polaya' potuu'on, tokon anu nu pake monjagai dombanyo. Ibalat tiba pokinde' pinosa'angu'; sumomo paku' anu pinaku'akonmo hoso-hoson. Iwi-iwi' aijo' suele anu binee'mo nu Tumpu; polaya'to anu sa'a-sa'angu'nyomo aijo'.

YESAYA 1:9

De bisuannyo Tumpu Anu Daka' hondo na Kuasanyo madi' nongala aha to pia-piangkuka na mian, kita sinilakamo iwi-iwi' mimbalu-balu' mo Sodom ka' Gomora.

YESAYA 14:3

Tumpu mompobebasmo Israel lewa-lewa'mo sinakisa ka' mule' i kasansala'annyo, ka' lewa-lewa' nokalaja maboat opa-opakisakon hi aha.

YESAYA 56:5

saba' sanggo nu belemiu madi' okolilimi i uno nu Laigan-Ku, ka' mule' hi aha bansang-Ku. Aijo' na lebe ma'ima' nalingkudui na mohumpak anak to momo'ane ka' to bou-boune. Belemiu ku bee'imo sanggo sidu-sidutu', anu madi'mo okolilimi.”

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 6:13

Pakalaus de daagi' ko anu aha sampulu' na mian lantas samian na daagi' jojoong ilipu' aijo' ia suelemo ahi' opatei. Panyo susumo kau' nunuk de otaa'mo daagi' ahi' ko tu'onyo sumo aijo' mule' daagi' ahi' ko tuha'nyo na bansa aijo' anu saidi' mae pomulaian mian anu susi'mo.”

YEREMIA 42:2

hi belengku ka' nompoto'i, “Kita tuuma, susumo anu pinosi toamo nu kita Tuuma, kami aiya naipuan mae manjoo', panyo uuka aiya me sangkiding. Opoita mami kita Tuuma da mondo'akon mae kami hi Tumpu Allah anu nu sombah nu kita Tuuma. Do'akon mae na kami anu daagi' tinontuha' aiya,

YEREMIA 44:14

Aha mian nu Yehuda anu daagi' tinontuha' anu nambamo i Mesir, ka' jojoongmo kiijo' mae madi'mo daagi' ko samian na daagi' tumuu' kabai madi' silaka. Madi'mo daagi' ko samian na daagi' minsusule' mae i Yehuda maumo ahi' han aijo' talalo hondo nu ka'ima'i nu aha. Totu-totu'u madi'mo daagi' ko anu minsusule' mae, boli mompiakon pa' to pia-piangkuka na mian anu moko ala mopalai.”

YEHEZKIEL 14:22

De bisuanyo ko anu moko ala mopalai ka' moko ala momposalamat to ana-anaknyo palahatikan na aha de maluanyo aha tokamo mae hi belemiu. Toa na ko ideknyo na palabuatan nu aha sahingga belemiu mangalti'je taalu' memang madi' ahi' sala' na Aku nohukumo Yerusalem.

HOSEA 6:2

I uno nu uansinaa kabai tolunsinaa aiya, Ia mompa'alinmo kita, ka' kita tumuu'mo i uno nu ponjaga'an-Nyo.

HABAKUK 3:2

O Tumpu i hongongkumo na anu biaumo nu Belento. Sahingga kapandean bapikin ingoa'anku nanjoo'mo i uno nu kinyonyoangku. De timbali da palabuatan anu Daka' aijo' o'ulit pe'e nu belento ka' oponyata' mae nu belento hi kami tempo' uuka aiya. Tionyo ahi' kami aiya okalibosi mae nu Belento maumo ahi' Belento napanasmo na kinyonyoa.

ZEFANYA 3:12

Ikiijo' mae Ku pobee'mo da tataapmo na sa'angu' na bansa anu madi' takabun anu montaha'imani da Aku ahi' na montulungi. Aku timbalimo jojoong ikiijo' mae.

ZAKHARIA 10:4

Anu aijo' hi aha na mian Ku pile'imo da mongkuasai, da bau polaya', ka' mule' da bau kapala nu suludadu anu matangkas na pangkatnyo, ka' mule da anu mompalentah mian anu palesayamo hi belengku.”

ZAKHARIA 8:12

Aha monsa'u bine' madi'mo ko anu mompoposia. Sagala anggur nu aha mimbua'mo ka' mule' tano' ko hasinnyomo ka' mule' ujan tudunmo mae manjo-manjoo'. Iwi-iwi' na balakat haha aijo' Ku bee'mo hi to mia-mian anu daagi' tutuu' i bansa aiya.

ZAKHARIA 8:6

Han aijo' ugaat madi' minsoop i'akan hi aha to mia-mian anu daagi tumuu' tempo uuka hi bansa aiya, panyo hi beleng-Ku na minsoop ahi' i'akan.

ROMA 9:27

I Nabi Yesaya notatae sahondo-hondonyo mongkona bansa Israel, “Mau mule' konjoo' nu bansa Israel sumo bone' i ambai, panyo ola sangkiding na anu salamat;

ANU PINOTO'I HI YOHANES 3:12

Mian anu inguntungmo, Ku potimbali sumo ahi' i uno nu Laigan Susi' nu TumpungKu, ka' ia jojongje i tampat aijo' sampe toka sidu-sidutu'. Sanggo nu TumpungKu, ka' sanggo nu kota nu TumpungKu – aijo'mo Yerusalem bu'ou anu mintatau'je mae lengkat i suluga', lengkat hi TumpungKu – Ku tulisje i butong nu mian aijo'. Suele sanggong-Ku anu bu'ou Ku tulisje i butongnyo.

1 SAMUEL 14:27

Panyo i Yonatan madi' nonsumbu' tuumanyo taalu' nompopobuhukmo mian da'isan nu kutuk aijo'; kalana aijo' sinusukakonnyomo na tokonnyo i juu' nu uani' aijo' lantas ingalanyomo ka' inginumnyomo na juu'nyo aijo'. Sinangkinihap na ia, nongoa' imo butongnyo na ima'mo ka' nompaka pahosonmo.

1 SAMUEL 14:29

Tinaaman i Yonatan, “Talalomo hondo na palentah nu tuumangku aijo' hi bansanto! Soba toa mae na butongku aiya nompaka pa'ima'mo salatan aku nongkaanmo ka' nonginumo juu' nu uani' aijo'.