EZRA 9:7 - KITAB NU TUMPU ALLA LELE MA'IMAI'

⁷ Daagi' pe'e tempo'nyo mae nu mompolee' mami sampe tempo' uuka aiya, kami mian anu pinalesayamo hi belento binaladosa'mo hi belento. Mokonyo aijo' kami, to tomu-tomundo, ka' to ima-imam mami, pinatundu'mo nu to tomu-tomundo anu i salipu'an. Kami pinateanmo pinahuhuanmo, ka' binoamo salaku mian anu i hakop. Kami talalomo hondo ingambangan, sumomo balu-balu'nyo nu sinaa aiya.

EZRA 9:7 ပူးပေါင်းရင်းမြစ်များ

1 TOMU-TOMUNDO' 8:47

opoita daa Belento mopotombihingankon do'a nu aha. De i lipu' aijo' aha mompala'imo to dosa-dosa' nu aha ka' balado'amo hi Belento ka' mule' mongakuimo na aha binaladosa'mo ka' nombaumo anu ma'idek, potombihingakon mae na do'a nu aha o Tumpu.

2 TAWARIKH 29:6

Mompolee' to madi'mo nontuluti Tumpu Allah-nto ka' aha saja'mo nombau anu madi' momposanang kinyonyoa nu Tumpu. Aha madi'mo nontapali Ia, ka' madi'mo nongadati tampat kajojoongan-Nyo.

2 TAWARIKH 30:7

Boli sumo mompolee' nu belemiu ka' to mia-mian nu Israel sangga'at anu madi'mo tulu-tulutan hi Tumpu Allah nu aha. Pinosi toamo nu belemiu mosia na koboatnyo na Ia nohukumo aha.

2 TAWARIKH 34:24

‘Aku mohukumo Yerusalem, ka' iwi-iwi' na mian anu jojoong i kiijo' nu pongkutuki anu tuli-tulis i kitab aijo', anu binasa'mo i tomundo.

EZRA 9:13

Kami binaladosa'mo ka' madi'mo nontapali atulan nu Belento ka' belento nohukumo kami. Panyo osumbu' mami, o Tumpu Allah mami, saba' hukuman anu binea'mo nu belento aijo' madi' pokakana na koboat-nyo tiba anu sabenannyo halus otalima mami padahan ola mule' ahi' pinosalamat nu Belento na kami.

NEHEMIA 9:30

Taun toka sataun sabaan na Belento mompokinde'i aha; Roh nu Belento mompoto'i aha to nabi-nabi da mompoto'iakon hi aha mian, Panyo mian anu palesayamo hi Belento mongonsongimo bihing nu aha, lantas binee'mo nu Belento na lipu' iwi-iwi' hi to bansa-bansa.

YESAYA 64:4

Ma'isa toho' kinomian nohongo ka' ma'isa toho' kinomian anu nontoamo samian na tumpu anu nompalentahmo mian anu taha'iman hi ia, olamo ahi' samata-mata belento na nombaumo hi aha anu sumo aijo'.

YEREMIA 25:18

Yerusalem tiba iwi-iwi' na kota' nu Yehuda tiba to tomu-tomundo' ka' mian anu ko pangkatnyo pino inumankumo anggur aijo', sahingga aha jinadimo susumo padang tampat anu kinunmo ka' okabuhukmo. Sampe toka sinaa uuka sanggo nu aha opakemo bau pongkutuki.

YEREMIA 3:25

Jadi bakasmo da otanggungmo mami na ambang ka' bakasmo na kami da madi'mo kino angga'nyo. Kalana, kami tiba mompolee' mami binaladosa'mo hi Tumpu Allah mami, ka' madi'mo toho' tinulu-tulutan hi iwi-iwi' na palentah-Nyo.”

YEREMIA 32:23

Panyo salatan aha tinokamo ilipu' aiya ka' po ule'mo no ngala lipu' aiya, aha madi'mo nontuluti palentah iwi-iwi' nu Belento, ka' madi'mo tinumuu' mombatuki ajalan-ajalan nu Belento. Iwi-iwi' na anu Nu palentahkon hi aha mau sa'angu' madi' ko anu binau nu aha. Kalana aijo' Belento nompotokamo mae iwi-iwi' na balaa' aiya hi aha.

YEREMIA 32:32

kalana iwi-iwi' na palabuatan ma'idek anu binaumo nu aha mian Yehuda tiba Yerusalem tibamo to tomu-tomundo'nyo, mian anu kopangkatnyo toto tangka-tangkas ipamalentahan, to ima-imam, ka' to nabi-nabi nu aha.

YEREMIA 44:22

Madi'mo nu poko intim nu Tumpu na montoa belemiu monsombahkon koloban hi to pilo-pilogot sangga'at. Palabuatan nu belemiu atina' ma'idek ka' moko ambang. Belemiu binaladosa'mo hi Tumpu ka' madi'mo tinulu-tulutan hi palentah-Nyo. Mokonyo aijo' uuka aiya lipu' nu belemiu ihansunmo sahingga madi'mo jadi ojojoongi, ka' sanggonyo opakemo lewa bau pongkutuki. Mian anu montoa mabuhukmo'.”

YEREMIA 44:9

Te kinolilimanmo nu belemiu na palabuatan iwi-iwi' anu ma'idek bibinaumo nu belemiu i tano' Yehuda tiba ijalan-jalan ikota' Yerusalem aijo'mo palabuatan nu mompolee' nu belemiu, ka' to tomu-tomundo' Yehuda tiba to bengke-bengkele' nu aha tiba belemiu ka' mule' bengkele' nu belemiu?

MOHAANGI 5:7

Mompolee' mami binaladosa'mo, uuka aiya aha madi'mo daagi'; panyo kami tionyo ahi', mongoa'imo kasansala'an kalana dosa' nu aha iwi-iwi'.

YEHEZKIEL 11:9

Belemiu Ku sabatakonmo mompala'i kota' aiya ka' Ku bee'mo hi mian anu i salipu'an mae. Aku mombee'imo hukuman mate hi belemiu.

YEHEZKIEL 39:23

Ka' iwi-iwi' na bansa monsumbu'je taalu' aha mian nu Israel binoa ipinomboan, aijo' kalana dosa' nu aha hi beleng-Ku. Aha pinala'ian-Kumo ka' pinojohok-Kumo da pinatundu' nu sampobali' ka' pinatean i uno nu pahampatean.

NOMBILANGMO 32:14

Ka' uuka aiya belemiu moto idekmo mule' susumo to tutuuma nu belemiu! Belemiu memang gombuan nu to mia-mian anu baladosa' anu nonsaduakonmo Tumpu po'ule'mo nontambuha'i Bansa Israel!

1 SAMUEL 12:15

Panyo sumo aitu mule' de belemiu madi' mohongo-hongo Tumpu ka' mule' monggagakon palentahNyo, memang belemiu tiba tomundo' nu belemiu nu ewamo nu Tumpu.