EZRA 9:6 - KITAB NU TUMPU ALLA LELE MA'IMAI'

⁶ Aku notataemo, “O Tumpu Allah-ngku, aku aiya ma'ambang na momposindahakon ubaku i ahop nu belento. Dosa' mami tinumambunmo aita' i ubak mami sahingga nonsulungmo langit.

EZRA 9:6 ပူးပေါင်းရင်းမြစ်များ

KAJADIAN 13:13

Kota Sodom aijo' jojoongan nu to mia-mian anu ma'idek na kinyonyoanyo ka' baladosa' hi Tumpu.

1 TOMU-TOMUNDO' 8:47

opoita daa Belento mopotombihingankon do'a nu aha. De i lipu' aijo' aha mompala'imo to dosa-dosa' nu aha ka' balado'amo hi Belento ka' mule' mongakuimo na aha binaladosa'mo ka' nombaumo anu ma'idek, potombihingakon mae na do'a nu aha o Tumpu.

2 TAWARIKH 28:9

Samian na nabi nu Tumpu sanggonyo i Obed jojoong i kota' Samaria. Tempo'nyo suludadu nu Israel ninsusule'mo mae ka' nomboamo mae aha mian nu Yehuda anu i hakop, i Obed nonsingkabotimo aha salatan aha ninsoopmo i kota'. Ia notatae, “Belemiu nompatundu'mo mian nu Yehuda kalana Tumpu Allah mompolee' nu belemiu nontambuha'imo aha. Panyo Tumpu nohongomo mosia na belemiu nonsansalaimo ka' nompateimo suludadu nu Yehuda haha aijo'.

EZRA 9:13

Kami binaladosa'mo ka' madi'mo nontapali atulan nu Belento ka' belento nohukumo kami. Panyo osumbu' mami, o Tumpu Allah mami, saba' hukuman anu binea'mo nu belento aijo' madi' pokakana na koboat-nyo tiba anu sabenannyo halus otalima mami padahan ola mule' ahi' pinosalamat nu Belento na kami.

EZRA 9:15

O Tumpu, Tumpu Allah Israel, belento adin panyo maumo sumo aitu opobee' ahi' nu Belento na kami tumuu'. O akui mami na kasala'an mami hi belento; kami madi'mo ko hak toka mangadap hi ahop nu Belento.”

NEHEMIA 1:6

Toakon mae na aku O Tumpu, ka' potombihingakon mae na do'angku anu ku potoka hi ahop nu Belento sinaa ka' pihi kona hi aha mian Israel, posaihon nu belento haha aitu. Aku mangakumo saba' kami, mian nu Israel binaladosa'mo; aku ka' to mompo-mompolee'ku binaladosa'mo suele.

AYUB 42:6

Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

MAZMUR 38:4

Tahahumo ahi' na sakitku kalana tambuha' nu Belento; madi'mo daagi' ko anu mahoson i uno nu butongku kalana dosa'ku.

MAZMUR 38:5

Aku nolomosmo i uno nu iaba' kasala'anku, dosa'ku talalomo ahi' nompiboati mae aku.

NOSABATMO 32:31

Lantas i Musa po'ule' mule' namba nangadap hi Tumpu ka' notatae, “Bansa aijo' nombaumo dosa' anu daka' hondo. Aha nombaumo pilogot mosoni' na binau.

YESAYA 1:18

Tumpu notatae, “Imbo' da oputusi na palakala aiya. Mau mule' belemiu imea'anmo tala-talalu nu dosa' nu belemiu, panyo belemiu Ku baso'imo sahingga timbalimo mopute' susumo kapas. Mau mule dosa' nu belemiu talalo manjoo' ka' maboat, belemiu totu-totu'u Ku ampunimo.

YESAYA 59:12

Manjoo' hondo na palabuatan ma'idek mami hi Belento; dosa' mami haha aiya nomposala'mo kami. Kami totu-totu'unyo mongakuimo palabuatan mami anu ma'idek, ka' nonsumbu'mo dosa-dosa' mami.

YEREMIA 3:3

Aijo' na sababnyo uee anu lengkat mae i langit tinatahanmo ka' mule' ujan ilonu nu pimbuhakan nu kau' madi'mo daagi' ti nudun mae. Beleyum momoho'mo susumo mian anu saja' masala' ka' madi'mo nonsumbu' ambang.

YEREMIA 31:19

Belento ihukumo mami, panyo nompele-pele'mo na kami ipalabuatan aijo' Salatan Belento nohukumo kami, ubak mami tinolodukumo kalana sinusa'mo na kinyonyoa. Kami na ambangmo ka' madi'mo kino angga'nyo kalana binaladosa'mo tempo'nyo daagi' olitau'.’

YEREMIA 51:9

Mian anu lengkat mae isalipu'an anu jojoong ikiijo' mae nontaloakonmo hi samian ka' hi samian, ‘Kita binala usahamo montulungi Babel, panyo tinalambatmo! Sahanyo opala'intomo na lipu' aiya ka' minsusule'mo ahi' iposi lipu'to toto samian. Tumpu nohukumo Babel hondo-hondo ka' nohansunimo ahi' ingko-ingkot.’ ”

YEREMIA 6:15

Sabenannyo aha ma ambangmo ahi' kalana nombaumo iwi-iwi' anu moko ambang aijo'. Panyo kinabanmo na ohup nu aha ka' madi'mo nonsumbu' ambang. Kalana aijo' aha ohukumo susumo mian sangga'at; sisikon nu aha mingkotmo de Ku hukumo na aha. Aku, Tumpu, notataemo.”

YEREMIA 8:12

O mian anu palesayamo hi beleng-Ku, sabenannyo ahi' belemiu na ambangmo kalana nombaumo iwi-iwi' na palabuatan anu moko ambang aijo'! Panyo belemiu madi'leges ka' madi' monsumbu' ma ambang. Kalana aijo' belemiu silakamo susumo mian sangga'at anu sinilakamo; madi'mo ko sisikonnyo na beleyum de Ku hukumo na belemiu.

MOHAANGI 3:42

“Kami binaladosa'mo ka' notomuhukmo hi Belento, O Tumpu, ka' Belento madi'mo nongampuni mae.

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

IMAMAT 26:40

Panyo lee' nu belemiu mongakuije dosa' nu aha ka' dosa' nu mompolee' nu aha anu madi'mo mohongo-hongo Aku ka' noto idekmo beleng-Ku,

LUKAS 15:21

‘Papa,’ tukoonyo nu anak aijo', ‘aku binala dosa'mo i ahop nu Tumpu tiba hi Papa. Madi'mo nukona na aku osanggohi anak i Papa.’

LUKAS 18:13

Panyo topo tage hasin aijo' tinuminjo jo'o-jo'on ka' madi' baani montihanga langit. Ka' nompanyamo saha'annyo ia notatae, ‘O Tumpu, kalibosiakon na aku mian baladosa' aiya!’ ”

ROMA 6:21

Tempo'nyo aitu ka'untungan apaa na anu tinalima miu i hahan uuka aiya oka'ambangakon miu na o bau? Bauon haha aijo' ola momboa i kapatean!

ANU PINOTO'I HI YOHANES 18:5

Kalana dosa'nyo notambunmo sinawe'mo i langit, ka' Tumpu madi'mo mongkolilimi ka'idekannyo nu aha.