EZRA 9:12 - KITAB NU TUMPU ALLA LELE MA'IMAI'

¹² Kami tinewa'mo nu nabi haha aijo' da bolimo mogogalo'an na mo'osoa tiba mian haha aijo', kabai montulungi aha da timbali bilahi kabai da mohumpakmo kantumuu'an anu lebe ma'ima'. De totu-totu'u kami tulu-tulutan, kami mohumpakmo kahosonan ka' mongkaanmo hasin nu tano' aijo' ka' baumo bahagian nu lee' mami sampe toka sidu-sidutu'.

EZRA 9:12 ပူးပေါင်းရင်းမြစ်များ

1 TAWARIKH 28:8

Lantas notatae mule' na i Daud, “Jadi uuka aiya, belemiu to mia-mianku, i ahop nu Tumpu Allah-nto ka' i ahop nu kita iwi-iwi' Israel mian anu pinalesayamo hi Tumpu Allah-nto. Tiba jalan anu sumo aijo' lipu' anu ma'ima' aiya tataap sabole-bole belemiu na tumpunyo ka' toka-toka i lee' nu belemiu na montumpui sampe toka sidu-sidutu'.”

2 TAWARIKH 19:2

samian na nabi sanggonyo i Yehu anak i Hanani tinokamo mae nangadap hi Tomundo. Koonyo nu nabi ai-aijo' hi ia, “Madi' minsoop i akan na belento Tomundo montulungi mian ma'idek ka' monsangaja'i mule' mian anu mongka'ideki Tumpu? Apaa na anu binaumo nu belento Tomundo, aijo' non saduakonmo i Tomundo tinambuha'anmo nu Tumpu.

EZRA 9:2

To momo'ane nu aha no'osoamo tiba to boboune nu bansa anu lengkat mae i salipu'an, sahingga mian anu samata-mata anumo nu Tumpu madi'mo tinontilis. Pakalaus anu momonanyo hondo nombau aijo' atina'mo to tu'a-tu'anyo ka' anu kopangkat i Israel.

NOSABATMO 23:32

Boli mombau palajanjian tiba mian haha aijo' kabai to pilo-pilogot nu aha.

AMSAL 13:22

Mian anu manonong mombee' kakaya'annyo hi to maku-makumpunyo, panyo kakaya'an nu mian anu baladosa' opo una'mo hi mian anu hodi' na kinyonyoanyo.

AMSAL 20:7

To ana-anak untung hondo de ko tuumanyo anu manonong ka' kantumuu'annyo madi' tageo' na kinyonyoa.

YESAYA 1:19

De belemiu kahanda' ahi' tulu-tulutan hi beleng-Ku, belemiu timbali mongoa'i iwi-iwi' anu ma'ima' anu nu hasinakon nu lipu' nu belemiu.

PO'ULE' INGULIT 23:6

I uno nu kantumuu'an nu belemiu ka' sampe toka sidu-sidutu', boli montulungi bansa haha aijo' kabai mompotimbali aha da sanang na kantumuu'an nu aha.

PO'ULE' INGULIT 23:7

Boli monte aha mian nu Edom madi' talakana' kalana aha aijo' utus nu belemiu. Boli suele montee mian nu Mesir madi talakana' kalana belemiu toho'mo jinojoong i lipu' nu aha.

PO'ULE' INGULIT 7:3

Belemiu madi' timbali mongosoai aha, ka' boli mompobee' to ana-anak miu mo'osoa ka' aha,