EZRA 9:1 - KITAB NU TUMPU ALLA LELE MA'IMAI'

¹ Salatan iwi-iwi' aijo' binaumo, pa' aha sangkuka na aha to tu'a-tu'anyo nu Israel tinokamo mae hi belengku. Pinoto'i nu aha tukoonyo mian da'isan nu aha Israel, tibamo to ima-imam, ka' to mia-mian nu aha Lewi madi' mosi po'iwi' da boli maninggalo' hi to bansa-bansa anu jojoong i kiijo', aijo'mo bansa Amon, Moab, Mesir, Kana'an, Het, Feris, Yebus ka' Amosi. Aitu mule' to ima-imam ka' to mia-mian nu aha Lewi suele nombaumo kalakuan anu ma'idek anu binaumo nu bansa haha aijo'.

EZRA 9:1 ပူးပေါင်းရင်းမြစ်များ

KAJADIAN 15:16

Salatan patolapismo na anu o lee'akon, to maku-makumpu nu beleyum po'ule'mo minsusule' mae i aiya, kalana Aku madi' molaa' mian nu Amori, de ma'isa pe'e kalakuan nu aha jadimo ma'idek hondo. Sahingga palalumo ahi' o hukum.”

1 TOMU-TOMUNDO' 11:1

I Tomundo' Salomo nongka'ima'imo manjoo' hondo na to bou-boune nu bansa sangga'at. Misa' ola anak lalangkoyang nu tomundo' Mesir na ingosoan i Salomo, panyo ia mule' nompaka po osoamo tiba to bou-boune nu aha mian Het, Moab, Amon, Edom tiba Sidon.

2 TAWARIKH 33:2

Ia binaladosa'mo hi Tumpu kalana nombatukimo hahan anu ma'idek anu saja' nubau nu to bansa-bansa sangga'at, anu i laa'mo nu Tumpu bolimo jojoong i Kana'an tempo'nyo mian nu Israel ninsoopmo i lipu' aijo'.

2 TAWARIKH 8:7

Iwi-iwi' na lee' mae nu aha bansa Kana'an anu madi' pinoko ala pinatean ingko-ingkot nu mian Israel tempo'nya aha nonjojoongimo lipu' aijo' ingatunmo i Salomo mombau pakalajaa'an ka' opakisa. Aha mian nu Het, Amori, Feris, Hewi ka' Yebus. Sampe tempo' uuka aiya lee' mae nu aha daagi' saja' binau posaihon.

EZRA 10:2

Lapas aijo' i Sekhanya anak i Yehiel aha sa'anakan mae i Elam, nompoto'imo hi Ezra, “Kami binaladosa'mo hi Tumpu kalana nongosoaimo boune nu bansa anu i salipu'an mae. Maumo sumo aijo' Israel boli pe'e susa'.

EZRA 10:8

De ihe na madi' toka i uno nu tolunsinaa aiya, o'ala na halata'nyo iwi-iwi' ka' ia madi'mo oposoop bubuu' sangko gampa. Apaa na anu binebakonmo aijo' tinekengmo nu to polo-polaya' nu aha mian da'isan.

NEHEMIA 13:23

Tempo'nyo aijo' tinoangkumo mule' manjoo' na mian nu Yahudi no'osoamo tiba to bou-boune anu lengkat mae i bansa Asdod, Amon ka' Moab.

NEHEMIA 4:3

Lantas i Tobia anu suele tinjo-tinjo koko hi ia suele notataemo, “Toa na pagan mesen anu binaumo nu aha aijo'! Ola dedeng nu alas timbalimo mohobo'akon!”

NEHEMIA 4:7

Salatan i Sanbalat, i Tobia ka' aha mian nu Amon ka' Asdod tiba to mia-mian nu Arab nohongomo mae taalu' pagan mesen nu Yerusalem binaumo ka' nompaka nalia'mo, ka' mule' pinaha tampolanmo na bolo'nyo aijo' i pagan mesen, aha nompaka potambuha'mo mule'.

MAZMUR 106:35

Pakalaus aha mule' no'osoamo tiba to bansa-bansa sangga'at haha aijo', ka' aha nontihomo kabiasa'an nu mian anu madi' monsumbu' Tumpu.

NOSABATMO 13:5

Binasumpa' na Tumpu nonjanji'mo hi mompolee' nu belemiu mombee'mo hi belemiu lipu' nu bansa Kana'an, Het, Amori, Hewi, Yebus. De nuboamo nu Tumpu na belemiu i lipu' anu kaya ka' molumba' aijo', sataun toka sataun i bitu'on Abib, belemiu tionyo ahi' mombau lamean aiya.

NOSABATMO 23:23

Malaekat-Ku na mambaje momona lantas belemiuje, ka' momboa belemiu i lipu' nu bansa Amori, Het, Feris, Kana'an, Hewi ka' Yebus, ka' aha Ku silakaimo.

NOSABATMO 33:16

Mosia na mian monsumbu' taalu' Belento sanang hi belengku ka' hi bansa aiya de belento madi' montulungi kami? Tumpu saja' hingga-hinggat tiba kami aijo'mo na salaku tanda saba' kami madi' pokakana tiba bansa-bansa sangga'at i dunia aiya.”

YESAYA 52:11

Lako'mo! Pala'imo na kota' Babel, O, belemiu anu nomboamo pakakas nu Laigan nu Tumpu! Boli monsintung balang anu maheyu; posusi'mo pe'e na butong nu beleyum ma'isa pe'e mamba.

YEREMIA 26:10

Salatan to mia-mian anu toto tangka-tangkas na pangkatnyo i uno nu pamalentahan Yehuda nohongomo apaa na anu jinadimo aijo', aha sampamo mae nosabat aijo' iLaigan nu tomundo' lantas nambamo iLaigan nu Tumpu, ka' sinumuhangmo i Sabatan Daka' anu salaje' Binau.

YEREMIA 26:16

Sahingga to mia-mian anu toto tangka-tangkas na pangkatnyo i uno nu pamalentahan tiba aha mian daisan notataemo hi to ima-imam ka' hi to nabi-nabi haha aijo', “Mian aiya motatae mompake atas sanggo nu Tumpunto; madi' pantas na ia ohukum mate.”

IMAMAT 18:3

Boli montiho apaa na anu binaumo nu aha mian Mesir, tampat anu toho'mo jinojoongan nu belemiu, kabai mian nu Kana'an anu pomboan-Kumo uuka aiya belemiu.

MALEAKHI 2:11

Mian nu Yehuda nolanggaimo palajanjian nu Tumpu tiba aha ka' nombaumo hahan anu okabuhuk hondo kiijo' i Yerusalem ka' mule' isongko-songko na lipu'. Aha nohumimi'imo Laigan nu Tumpu anu nunu ka'ima'i ka' mule' no'osoamo tiba to bou-boune anu monsombah to pilo-pilogot nu bansa sangga'at.

NOMBILANGMO 23:9

Lengkat mae aita' i bungkutnyo iwi-iwi' tinoangkumo na aha; lengkat mae aita' i puge'nyo iwi-iwi' tinanggalakonkumo na aha. Toa, sa'angu' na bansa nosi po'iwi'mo madi' minsoop hi tompukan nu bansa-bansa sangga'at.

NOMBILANGMO 25:6

Salatan i Musa ka' iwi-iwi' na mian hau-haunyomo lewa'mo i humang i sabatan nu Kemah nu Tumpu, aha nontoamo mian nu Israel samian nomboamo samian na boune nu aha Midian ninsoopmo i uno nu kemahnyo.

PO'ULE' INGULIT 18:9

“De belemiu ninsoopmo i lipu' anu binee'mo nu Tumpu Allah nu belemiu hi belemiu, boli montiho' bauon anu toto ma'i-ma'idek na nubau nu to bansa-bansa ikiijo'.

PO'ULE' INGULIT 23:8

Lengkat pe'e i lee' nu aha lapisannyo anu ko totolu'nyo ka' sampe toka sidu-sidutu' na lee' nu aha timbali minsoop mian anu pinalesayamo hi Tumpu.”

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

YOSUA 23:12

De belemiu madi' mohongo-hongo ka' belemiu maninggalo'mo tiba to bansa-bansa anu daagi' jojoong atina' hi belemiu, ka' belemiu mongosoaimo aha,