EZRA 8:34 - KITAB NU TUMPU ALLA LELE MA'IMAI'

³⁴ Iwi-iwi' na pakakas haha aijo' binilang ka' tinimbangmo, ka' tinulismo madi' ko anu kinoliliman.

EZRA 8:34 ပူးပေါင်းရင်းမြစ်များ

EZRA 8:29

Ojagai na pakakas haha aijo' ima-ima' sampe belemiu tokamo i Laigan nu Tumpu. De tokamo kiijo' mae, tionyo ahi' otimbang nu belemiu na pakakas haha aijo', ka' obee' hi to kapa-kapala nu imam ka' to pola-polaya' nu aha Lewi, ka' to pola-polaya' nu mian Israel kiijo' i Yerusalem.”

EZRA 8:33

Lantas kino ipatonnyomo kami nambamo i Laigan nu Tumpu, lantas nontimbangmo salaka, mosoni' ka' pakakas haha aijo'. Lapas aijo' binee'mo mami hi Imam Meremot anak i Uria sinakisian i Eleazar anak i Pinehas ka' ua-ua'aha na mian nu Lewi, aijo'mo i Yozabad anak i Yesua tiba i Noaja anak i Binui.

EZRA 8:35

I sinaamo aijo' suele na mian iwi-iwi' anu ninsusule'mo mae i pinomboan aha, nonsombahkonmo koloban hi Tumpu Allah Israel aijo' mokoloban anu opotunu. Aha iwi-iwi' na mian Israel nonsombahkonmo 12 na sapi' lakinyo, 96 na domba lakinyo ka' 77 na anak nu domba; ka' mule' suele 12 na mee' bau koloban pongampuni dosa' nu aha. Iwi-iwi' na binatang haha aijo' tinunuanmo salaku koloban anu osombahkon hi Tumpu.