EZRA 8:23 - KITAB NU TUMPU ALLA LELE MA'IMAI'

²³ Sahingga binapuasa'mo na kami ka' binalado'amo hi Tumpu Allah mongkakaase da nutoa mae na kami sahingga nu bee mae na anu pinoita nu do'a.

EZRA 8:23 ပူးပေါင်းရင်းမြစ်များ

KAJADIAN 25:21

Kalana i Ribka madi' nohumpak anak, i Ishak nondo'akonmo bengkele'nyo hi Tumpu. Ka' Tumpu nompopo ii'mo do'a i Ishak, sahingga i Ribka pinoboamo.

2 TOMU-TOMUNDO' 13:4

Lantas i Yoahas binalado'amo hi Tumpu, ka' Tumpu nohongomo do'anyo aijo', kalana tinoa nu Tumpu talalomo hondo inguesan na tomundo' nu Siria mongkabisa'i mian nu Israel.

1 TAWARIKH 5:20

Suludadu haha aijo' palesaya hi Tumpu Allah ka' nomoitamo tulung hi Ia, sahingga pinopoi'mo nu Tumpu na anu pinoita nu aha ka' nombee'imo ka'untungan nahampate na aha mian nu Hagri haha aijo' tiba anu nonsangaja'imo aha.

EZRA 8:31

I tanggan sampulu'mo ka' ohua' bitu'on anu momonanyo kami nompala'imo Kaunyo nu Ahawa ka' nambamo i Yerusalem. Kami namba mae aijo' jinagaanmo nu Tumpu Allah da boli nu tumbuhi ka' nupahampateakon nu sampobali'.

NEHEMIA 9:1

Itanggan kino uampulu'nyomo ka' opat bitu'onmo ai-aijo' mian da'isan nu aha Israel sinihukmo. Aha binapuasa'mo salaku tanda aha nompele-pele'mo i dosa' nu aha. Aha madi'mo naninggalo' tiba to mia-mian sangga'at anu isalipu'an mae. Salaku bau pontoan taalu' aha sinusa'mo, aha nompusokmo kalung ka' nongkakambuhakonmo abu' nu tano' aita' i ubak nu aha. Lapas aijo' aha tinuminjomo ka' nongakuimo dosa' nu aha iwi-iwi' tiba dosa' nu mompolee' nu aha.

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

AMSAL 3:5

Opalesaya na Tumpu nu kinyonyoa totu-totu'u ka' boli montaha'imani posi pangalati'an nu belemiu.

YESAYA 19:22

Nu tahutu'mo nu Tumpu na bansa Mesir, panyo lapas aijo' Nu pakuli'imo da ma'alin na aha. Aha mobalikmo mae hi Tumpu ka' Ia mohongomo do'a nu aha ka' mompo alinmo.

YEREMIA 33:3

“Poloboo'mo mae hi Belengku da Ku taamije; Ku poto'ije hi beleyum hahan anu handa hondo ka' anu okahelani hondo ka' ma'isa nu sumbu' nu beleyum.

DANIEL 9:3

Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

LUKAS 2:37

i Hana binalumo, ka' uuka umunnyo uwalumpulu'mo opat na taun. Madi' toho' ia mompala'i Laigan nu Tumpu. Sinaa ka' malom, ia monsombah i kiijo' hi Tumpu balado'a ka' bapuasa'.

SISIKON NU TO RASUL-RASUL 10:30

Tinaaman i Kornelius, “Tolunsinaamo ka' uuka kila-kila tempo'nyo sumo uuka aiya, aku hau-haunyo balado'a i laigan jam totolu' ohanimo malom. Monti-montiik samian na mo'ane tinuminjo i ahopku. Baju' nu mian aijo' jongkilaban.

PO'ULE' INGULIT 4:29

Lantas belemiu moliomo Tumpu Allah nu belemiu, ka' de o lio miu totu-totu'u na kinyonyoa, tantu o humpak nu belemiu na Ia.