EZRA 8:21 - KITAB NU TUMPU ALLA LELE MA'IMAI'

²¹ Lantas i sohipi' nu Kaunyo Ahawa aijo' pinoto'ingkumo tukoongku iwi-iwi' tionyo ahi' bapuasa' ka' mangaku kasala'an hi Tumpu Allah. Kami binalado'amo da kami nujagai nu Tumpu hau-haunyo lumajang aijo', ka' montoa mae kami, to ana-anak mami ka' apa-apaa na anu mami.

EZRA 8:21 ပူးပေါင်းရင်းမြစ်များ

2 TAWARIKH 20:3

I Yosafat nabuhukmo lantas ia binalado'amo nompoita pokinde' hi Tumpu. Lapas aijo' pinalentahkonnyomo da iwi-iwi' na mian da'isan bapuasa'.

2 TAWARIKH 20:4

Toto sa'angu' na kota i da'erah Yehuda, miannyo nambamo i kota Yerusalem momoita tulung hi Tumpu.

EZRA 8:15

Iwi-iwi' na aha anu sanggombu aijo' pinosihukumo i sohipi' nu kaunyo anu mo'ili namba i kota Ahawa, lantas kami binakemahmo i kiijo' tinolunsinaa na kinopinnyo. Salatan ilelekankumo sinumbu'je taalu' daagi' ahi' ko to ima-imam pa' aha sangkuka aijo' hi aha, panyo madi' ko tulunan mae nu aha mian Lewi maumo ola samian.

EZRA 8:31

I tanggan sampulu'mo ka' ohua' bitu'on anu momonanyo kami nompala'imo Kaunyo nu Ahawa ka' nambamo i Yerusalem. Kami namba mae aijo' jinagaanmo nu Tumpu Allah da boli nu tumbuhi ka' nupahampateakon nu sampobali'.

NEHEMIA 9:1

Itanggan kino uampulu'nyomo ka' opat bitu'onmo ai-aijo' mian da'isan nu aha Israel sinihukmo. Aha binapuasa'mo salaku tanda aha nompele-pele'mo i dosa' nu aha. Aha madi'mo naninggalo' tiba to mia-mian sangga'at anu isalipu'an mae. Salaku bau pontoan taalu' aha sinusa'mo, aha nompusokmo kalung ka' nongkakambuhakonmo abu' nu tano' aita' i ubak nu aha. Lapas aijo' aha tinuminjomo ka' nongakuimo dosa' nu aha iwi-iwi' tiba dosa' nu mompolee' nu aha.

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

MAZMUR 137:1

I sonibi nu kaunyo anu kiijo' i Babel kami sumuhangmo ka' lewa'mo humang de monginau'mo Sion.

MAZMUR 5:8

Panyo kalana talalo hondo Belento mongkalibosi, aku timbali minsoop i uno nu Laigan nu Belento. Aku tolodadupu monsombah mongahopi Laigan nu Belento anu susi', ka' ku sombah na Belento kalana talalo ku angga'i.

MAZMUR 5:9

O Tumpu, manjoo' hondo na anu mongewa mae aku! Potiju' mae na aku mombau apaa na anu nu kahanda'i, ka' potiju' mae na jalan nu Belento anu tionyo ahi' ku jalani.

MAZMUR 8:2

O Tumpu, Tumpu mami, kuasa nu Belento talasanggo hondo i dunia songko-songko! Talasanggo hondo na Belento nu lingkudui na kotangkasnyo nu langit

AMSAL 3:6

O'inau' na Tumpu i sinin na han apaa na kahanda' nu bau, sahingga Nu potiju'je hi belemiu mosia na kantumuu'an anu talakana'.

YESAYA 30:21

De belemiu madi'mo montulu ijalan anu memang ahi' ojalani, aitu mae ihiku nu belemiu ohongomo na potatae-Nyo montaloakon, “Aiya ahi' mae na jalan; tuusakon na jalan aiya.”

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

YESAYA 42:16

Bansang-Ku anu napisokmo Ku taka'mo montulu jalan anu madi' nu sumbu' nu aha; aha Ku taka'mo montulu jalan anu madi' nu sumbu' nu aha. Kapintungan Ku potimbalimo da majingka hi aha, ka' jalan anu milebo-lebok Ku pohatamo. Aijo'mo na anu Ku bau hi aha, ka' memang ahi' Ku baumo.

YESAYA 49:10

Aha madi'mo megot ka' mo'ohop, ka' madi'mo nu kona nu singit ipadang tampat anu mateges. Kalana Tumpu mongkalibosimo aha ka' mompotiju'mo aha, ka' montaka'mo mamba i mata nu uee.

YESAYA 58:3

Pinokilawa nu bansa aijo', “Apaa na gunanyo na kita bapuasa' de Tumpu madi' montoa mae? Apaa na gunanyo kita ta'aluk de Ia madi' mompalahatikan mae?” Tumpu notatae, “Totu-totu'unyo, hau-haunyo belemiu bapuasa', belemiu molio posi ka'untungan ka' mongakali to mia-mian anu mongala tambo hi belemiu.

YESAYA 58:5

De belemiu puasa, belemiu monsakisa butong nu belemiu; belemiu mompoduku ubak nu belemiu susumo hon nu hemput. Belemiu mompolatas kalung ka' okakambuhi nu abu', ka' male'mo aijo'. Aijo'mo na osanggohi nu belemiu puasa'? Osangka nu belemiu Aku sanang i palabuatan nu belemiu aijo'?

YEREMIA 10:23

O Tumpu, madi' ko samian pe'e na anu mahakuasa timbali montantukan uki'nyo kabai moko ala mosi tantukan jalan nu kantumuu'annyo.

YEREMIA 42:3

da nu potiju' mae nu Tumpu hi kami pa' moya na anu tionyo kalambanan mami ka' mule' apaa na anu tionyo ahi' obau mami.”

DANIEL 9:3

Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

YOËL 1:14

Palentah na mian nu belemiu da bapuasa'mo, bebakonmo na tempo'nyo nu kasihukan nu mian iwi-iwi'. Laga mae na to pola-polaya' ka' to tu'a-tu'anyo ka' iwi-iwi' na mian anu jojoong i Yehuda, da toka mae i Laigan nu Tumpu da momoita tulung hi Ia.

IMAMAT 16:29

Atulan haha aiya tionyo ahi' otuluti sampe toka sidu-sidutu'. Toka i tanggal sampulu' bitu'on ko popitu'nyo aha mian nu Israel ka' aha mian anu lengkat mae i salipu'an anu jinojoongmo aijo' hi aha tionyo ahi' bapuasa' ka' madi'mo timbali mokalaja, kalana sinaa aiya, sinaa anu susi' hondo. I sinaa aijo' tionyo ahi' mombau anu bau pomposusi' bansa Israel i dosa nu aha da aha belesi'mo.

IMAMAT 23:29

De ihe na mongkaan apa-apaa i sinaa aijo' madi'mo daagi' oposoop mian anu pinalesayamo hi Tumpu Allah.

YUNUS 3:5

Mian anu jojoong i Ninewe pinalesayamo i potuunon nu Tumpu aijo'. Songko-songko na mian da'isan nontantukanmo da bapuasa'mo, ka' iwi-iwi' na mian mau anu tu'anyomo mau anu daagi anak nompusokmo hude kalung da bau pomponyata saba aha nanyasanmo i iwi-iwi dosa' nu aha.

YUNUS 3:7

Ia mule' nombebakonmo palentah sumo uuka'; “Palentah aiya lengkat mae i Ninewe, atas kaputusan nu tomundo' tiba to manti-mantili. Ia notatae, iwi-iwi' na mian ka'mule' sapi', domba ka' potuu'on sangga'at otewa' pe'e na mompo'otot ka' mompo'inum.

NOMBILANGMO 14:3

Bau apaa na Tumpu momboa kita i lipu' aijo'? Mateje na kita i pahampatean ka' to bengke-bengkele' to, to ana-anakto nuboamo nu aha. Sahanyo lebe ma'ima' minsusule'mo i Mesir!”

NOMBILANGMO 14:31

Belemiu notataemo tukoonyo nu belemiu to ana-anak nu belemiu saidi' mae o hakopmo ka' oboamo. Padahan ahamo ahi' na anu Ku boa i lipu' anu madi'mo o ala nu belemiu aijo' ka' lipu' aijo' saidi' mae timbalimo tano' nu aha.

SISIKON NU TO RASUL-RASUL 2:39

Kalana anu jinanji'mo nu Tumpu aijo' bau bagi miu tiba lee' miu, tiba bau bagi nu to mia-mian anu daagi' kiijo' mae i tampat-tampat anu majo'on – aijo'mo iwi-iwi' na mian anu i laga nu Tumpu Tumpunto da toka hi Ia.”

TO MIA-MIAN KOPIAN 20:26

Jadi, po'ule' mule' namba na aha mian nu Israel i Betel ka' i humang hi Tumpu. Ikiijo' mae aha binapuasa'mo sampe i nalom ka' nonsombahkon koloban pompodame ka' koloban anu opotunu bau bagi nu Tumpu.

1 SAMUEL 7:6

Lantas aha sinihukmo iwi-iwi' kiijo' i Mizpa. Aha nontauk uee ka' mule' binubusakon salaku palasombahan hi Tumpu, ka' mule aha binapuasa'mo sinansinaa isinaamo aijo'. Aha notatae, “Kami binaladosa'mo hi Tumpu.” (Kiijo' i Mizpa i Samuel lewa'mo nongulus iwi-iwi' na palakala po ualian nu aha mian Israel.)