EZRA 8:20 - KITAB NU TUMPU ALLA LELE MA'IMAI'

²⁰ Ka' mule' daagi' ahi' ko sangga'atannyo aha 220 na mian anu mokalaja i Laigan nu Tumpu anu tuli-tulis i daputan na sanggonyo. Mompolee' mae nu aha naipuan mae anu i hangkatmo i Tomundo Daud ka' to mia-mian anu matangkas na pangkatnyo i kalaja'an da montulungi aha mian nu Lewi.

EZRA 8:20 ပူးပေါင်းရင်းမြစ်များ

1 TAWARIKH 9:2

Aha anu momona ninsusule' mae po'ule' namba i posi tano' nu aha i kota' haha aijo', to tu'a-tu'anyo, to ima-imam, aha mian nu Lewi ka' anu mokalaja i Laigan nu Tumpu.

EZRA 2:43

Aiyamo na daputan nu aha sa'anakan mae anu mokalaja i Laigan nu Tumpu anu ninsusule'mo lengkat mae i Babel anu pinomboan aha: I Ziha, i Hasufa, i Tabaot, i Keros, i Siaha, i Padon, i Lebana, i Hagaba, i Akub, i Hagab, i Samlai, i Hanan, i Gidel, i Gahar, i Reaya, i Rezin, i Nekoda, i Gazam, i Uza, i Paseah, i Besai, i Asna, i Neunim, i Nefusim, i Bakbuk, i Hakufa, i Harhur, i Bazlut, i Mehida, i Harsa, i Barkos, i Sisera, i Temah, i Neziah, tiba i Hatifa.

EZRA 8:17

Lantas sinaingkumo na aha namba hi ido anu mongkapalai mian da'isan kiijo' mae jojoong i Kasifya, mamba nompoita da i Ido ka' to sanga-sangalunyo anu mokalaja i Laigan nu Tumpu, mombee'i mae kami to mia-mian anu mokalaja i Laigan nu Tumpu.

EZRA 8:19

I Hasabya tiba i Yesaya aha mae sa'anakan i Merari, tiba 20 na mian to utu-utus nu aha, suele sinaimo mae hi kami.

NOMBILANGMO 3:9

Aha bansa Israel, ola tulunan nu bansa Lewi na Ku pokalaja timbali posaihon anu tataap hi Harun ka' to le-lee'nyo.

FILIPI 4:3

Toka hi sangalungku anu momo' hongo-hongo ku poita suele da kita Utus montulungi ua'-ua'aha na boune aijo'. Aha nokalajamo totu-totu'u tiba aku, nombebakon Lele Ma'ima' anu lengkat mae hi Tumpu; pokakana sumo i Kelemen ka' iwi-iwi' mian sangga'atan anu nokalajamo hingga-hinggat tiba aku. Sanggo nu aha haha aijo' daagi'mo i uno nu Kitab nu Mian Tumuu'.