EZRA 8:18 - KITAB NU TUMPU ALLA LELE MA'IMAI'

¹⁸ Kalana kanonongan nu Tumpu Allah, aha nonsaimo mae hi kami i Serabya, mian nu Lewi anu pande hondo aha sa'anakan mae i Mahli, Hingga-hinggat tiba ia suele tinoka mae ahi' na to ana-anaknyo ka' to utu-utusnyo, konjoo'nyo 18 na mian.

EZRA 8:18 ပူးပေါင်းရင်းမြစ်များ

1 TAWARIKH 6:1

I Lewi kino anak mo'ane aha totolu': i Gerson, i Kehat, tiba i Merari.

1 TAWARIKH 6:19

I Mahli tiba i Musi, aijo'mo na to ana-anak i Merari.

1 TAWARIKH 6:4

Tatu-tatusannyo nu tundulan i Eleazar sumo uuka: i Pinehas, i Abisua,

2 TAWARIKH 30:22

To mia-mian nu Lewi haha aijo' pande hondo na mongatun mosia na monsombah Tumpu, sahingga i Hizkia nompuji'mo aha. Salatan pinitunsinaamo na kinopinnyo na aha lewa' nongkaan i lamean aijo' ka' mule' nonsombahkonmo koloban bau pontalima kase hi Tumpu, Tumpu Allah mompolee' nu aha,

EZRA 7:28

Kalana aku tinulunganmo nu Tumpu Allah sahingga aku kinanononganmo i tomundo, to mia-mian anu lewa' mombee'i pokinde' ia ka' to mia-mian anu bapangkat ka' anu balakuasa haha aijo'; Tumpu Allah-ngku nombee'imo kahosonan hi belengku, sahingga aku noko alamo nongendei mae iwi-iwi' tinopia-piangkuka na to pola-polaya' nu aha toto sa'anakan mae bansa Israel, da minsusule'mo i Yerusalem.”

EZRA 7:6

I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

EZRA 8:16

Lantas ilagangkumo na aha osio' anu aijo' salaku polaya' mae nu aha, aijo'mo: i Eliezer, i Ariel, i Semaya, i Elnatan, i Yarib, i Elnatan, i Natan, i Zakharia, i Mesulam ka' mule' ua'aha na gulu', aijo'mo i Yoyarib tiba i Elnatan.

EZRA 8:19

I Hasabya tiba i Yesaya aha mae sa'anakan i Merari, tiba 20 na mian to utu-utus nu aha, suele sinaimo mae hi kami.

EZRA 8:22

Aku mabuhuk na momoita hi tomundo suludadu anu monsake'i ajahan da monjagai kami da boli opoposia nu sampobali' hau-haunyo kami lumajang. Kalana pinoto'ingkumo hi ia, tukoongku Tumpu Allah mami mombalakati batu-batu mian anu monsombah Ia, panyo mongka'ideki ka' mohukum batu-batu mian anu madi' tulu-tulutan hi Ia.

EZRA 8:24

Aha to ima-imam anu talasanggo pinile'ankumo 12 na mian; i Serabya, i Hasabya ka' mule' aha 10 na mian.

NEHEMIA 12:24

I Hasabya, i Serebya, i Yesua, i Binui tiba i Kadmiel na mongatun aha to mia-mian nu Lewi da binagi-bagi toto santompuk. Minsan mohumpak kalaja aha ohua' na tompukannyo, anu mompuji' Tumpu ka' montalima kase hi ia mobolobosan montuluti susumo anu ingatunmo i Tomundo' Daud Posaihon nu Tumpu Allah aijo'.

NEHEMIA 2:8

Ka' mule', aku nompoitamo sulat anu toka obee' hi Asaf, anu monjagai alas nu kalaja'an, da nu potoukai kau' bau tumban nu sabatan daka' i benteng koko Laigan nu Tumpu, ka' anu opake i pagan mesen nu kota', ka' mule' anu bau laigan kajojoonganku. Iwi-iwi' na anu pinoitangkumo aijo' pinopo'imo i tomundo' kalana Tumpu Allah nontulungimo aku.

NEHEMIA 8:7

Lapas aijo' aha po'ule'mo tinuminjo aijo' i kinatinjoan nu aha toto samian, lantas aha mian nu Lewi anu i kiijo' nontutuhakonmo Atulan aijo' hi aha. Mian nu Lewi haha aijo' atina'mo: i Yesua, i Bani, i Serebya, i Yamin, i Akub, i Sabetai, i Hodia, i Maaseya, i Kelita, i Azarya, i Yozabad, i Hanan tiba i Pelaya.

AMSAL 24:3

Auan aijo' daagi kalana ko kapandean bapikin ka' pangalati'an.

AMSAL 3:6

O'inau' na Tumpu i sinin na han apaa na kahanda' nu bau, sahingga Nu potiju'je hi belemiu mosia na kantumuu'an anu talakana'.

YEREMIA 3:15

Aku mombee'imo belemiu to pola-polaya' anu tulu-tulutan hi beleng-Ku. Ahamo na mompalentah belemiu ka' ia pande ka' mangalati' hondo.

DANIEL 1:20

De i tomundo' mompoto'imo hahan anu palalu katalangan tiba anu opopikilakon nu toa saba' pokinde' tiba pikilan nu aha opa-opat na olitau haha aijo', pinsampulu' lipat na polingkuduinyo pokinde' tiba pikilan nu aha iwi-iwi' anu lewa' montahi'i ka' mule' anu kopangatahuan i uno nu songko-songko na kalaja'annyo.

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.