EZRA 8:16 - KITAB NU TUMPU ALLA LELE MA'IMAI'

¹⁶ Lantas ilagangkumo na aha osio' anu aijo' salaku polaya' mae nu aha, aijo'mo: i Eliezer, i Ariel, i Semaya, i Elnatan, i Yarib, i Elnatan, i Natan, i Zakharia, i Mesulam ka' mule' ua'aha na gulu', aijo'mo i Yoyarib tiba i Elnatan.

EZRA 8:16 ပူးပေါင်းရင်းမြစ်များ

1 TOMU-TOMUNDO' 3:11

ka' notataemo hi ia, “Kalana beleyum mompoita kapandean da adin na mompalentah ka' misa' da tuu'an na umun kabai kaya na beleyum kabai mate na sampo bali' nu beleyum iwi-iwi',

1 TAWARIKH 26:14

I Selemya nongkona sabatan daka' sasu kabete'an. I Zakharia anaknyo anu saja' ma'ima' na mombee'i pokinde' nongkona i sabatan daka' sasu utara.

2 TAWARIKH 2:12

O puji' na Tumpu Allah nu Israel, anu Nompotimbalimo langit ka' tano'! Ia nombee'imo samian na anak mo'ane anu pande hondo hi Daud, ka' mule' malia' na bapikin, ka' manjoo' na anu nu pangalati'i, anu tempo' uuka aiya mogogia'mo mombau Laigan nu Tumpu, ka' sa'angu' na laigan nu tomundo bau kajojoongannyo.

EZRA 10:21

Aha sa'anakan mae i Harim: i Ma'aseya, i Elia, i Semaya, i Yehiel tiba i Uzia.

EZRA 8:15

Iwi-iwi' na aha anu sanggombu aijo' pinosihukumo i sohipi' nu kaunyo anu mo'ili namba i kota Ahawa, lantas kami binakemahmo i kiijo' tinolunsinaa na kinopinnyo. Salatan ilelekankumo sinumbu'je taalu' daagi' ahi' ko to ima-imam pa' aha sangkuka aijo' hi aha, panyo madi' ko tulunan mae nu aha mian Lewi maumo ola samian.

EZRA 8:17

Lantas sinaingkumo na aha namba hi ido anu mongkapalai mian da'isan kiijo' mae jojoong i Kasifya, mamba nompoita da i Ido ka' to sanga-sangalunyo anu mokalaja i Laigan nu Tumpu, mombee'i mae kami to mia-mian anu mokalaja i Laigan nu Tumpu.

EZRA 8:18

Kalana kanonongan nu Tumpu Allah, aha nonsaimo mae hi kami i Serabya, mian nu Lewi anu pande hondo aha sa'anakan mae i Mahli, Hingga-hinggat tiba ia suele tinoka mae ahi' na to ana-anaknyo ka' to utu-utusnyo, konjoo'nyo 18 na mian.

AMSAL 2:6

Tumpu Allah na mombee'i kapandean bapikin; lengkat mae hi Ia na pohumpakan nu manusia ilimu' ka' timbali moko ala mangalati'.

AMSAL 20:5

Apaa na anu i kinyonyoa nu mian lapangnyomo uee nu bubung anu maleeng; panyo timbali nu tauk nu mian anu mangalati'.

AMSAL 28:2

De bansa baladosa', pamalentahnyo mobolo-bolos de polaya'nyo pande, bansanyo tataap balatahan ka' tataap talasanggo.

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

2 TIMOTIUS 2:7

Potutugakon ima-ima' apaa na anu pinopohimoonakonkumo aijo', saba' Tumpu mombee'ije hi komiu da moko ala monsumbu' iwi-iwi'.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.