EZRA 7:6 - KITAB NU TUMPU ALLA LELE MA'IMAI'

^6-7 I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

EZRA 7:6 ပူးပေါင်းရင်းမြစ်များ

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

EZRA 5:5

Panyo pinalahatikanmo nu Tumpu Allah ka' jinagaan-Nyomo na to pola-polaya' nu aha Yehudi, sahingga to mia-mian anu bapangkat hi Tomundo Persia nomputusimo madi'mo mompoposia aha aijo' de ma'isa ko sulat pontaami mae i Darius, sulat anu opakatuje nu aha.

EZRA 6:22

Ingipitun na kinopinnyo na aha binalame-lame' nolame'akon Lamean Roti anu Madi' ko Raginyo. Aha sinanangmo hondo kalana pino'ima'mo nu Tumpu na kinyonyoa i Tomundo Asyur, nongkanonongimo aha sahingga nontulungimo aha po'ule' nombau Laigan nu Tumpu, Tumpu Allah Israel.

EZRA 7:21

Iwi-iwi' na anu mongulus doi anu o'una' i kas nu kalaja'an i propinsi Efrat sasu Kinsoban ku palentahkon da maumo pa' apaa na anu nu poita i Imam Ezra anu pande hondo i Atulan nu Tumpu Allah anu mongkuasai suluga' obee' hi ia lia-lia', konjoo'nyo sumo uuka:

EZRA 7:28

Kalana aku tinulunganmo nu Tumpu Allah sahingga aku kinanononganmo i tomundo, to mia-mian anu lewa' mombee'i pokinde' ia ka' to mia-mian anu bapangkat ka' anu balakuasa haha aijo'; Tumpu Allah-ngku nombee'imo kahosonan hi belengku, sahingga aku noko alamo nongendei mae iwi-iwi' tinopia-piangkuka na to pola-polaya' nu aha toto sa'anakan mae bansa Israel, da minsusule'mo i Yerusalem.”

EZRA 7:5

i Abisua i Pinehas i Eleazar i Imam Daka' Harun.

EZRA 8:1

Aiya na daputan nu to kapa-kapala nu aha toto sa'anakan mae anu binoa i Babel ka' ninsusule'mo mae tiba aku, i Ezra, nambamo i Yerusalem salatan i Artahsasta nompalentahmo salaku tomundo:

EZRA 8:18

Kalana kanonongan nu Tumpu Allah, aha nonsaimo mae hi kami i Serabya, mian nu Lewi anu pande hondo aha sa'anakan mae i Mahli, Hingga-hinggat tiba ia suele tinoka mae ahi' na to ana-anaknyo ka' to utu-utusnyo, konjoo'nyo 18 na mian.

EZRA 8:22

Aku mabuhuk na momoita hi tomundo suludadu anu monsake'i ajahan da monjagai kami da boli opoposia nu sampobali' hau-haunyo kami lumajang. Kalana pinoto'ingkumo hi ia, tukoongku Tumpu Allah mami mombalakati batu-batu mian anu monsombah Ia, panyo mongka'ideki ka' mohukum batu-batu mian anu madi' tulu-tulutan hi Ia.

EZRA 8:31

I tanggan sampulu'mo ka' ohua' bitu'on anu momonanyo kami nompala'imo Kaunyo nu Ahawa ka' nambamo i Yerusalem. Kami namba mae aijo' jinagaanmo nu Tumpu Allah da boli nu tumbuhi ka' nupahampateakon nu sampobali'.

NEHEMIA 12:26

Aha aijo' tinumuu' daagi' tempo'nyo i Yoyakim anak i Yesua ka' makumpu i Yozadak ka' tempo'nyo i Gubernur Nehemia ka' i Imam Ezra anu pande hondo aijo' i Atulan nu Tumpu.

NEHEMIA 12:36

Aitu mae i hiku nu aha anu lumajang montuntuni aijo'mo to mia-mian anu bubu' aha mae sa'anakan, aijo'mo: i Semaya, i Azareel, i Milalai, i Gilalai, i Maai, i Netaneel, i Yehuda tiba i Hanani. Aha iwi-iwi' nontoongi pakakas musik susumo anu lewa' nukuti' i Tomundo' Daud, posaihon nu Tumpu Allah. I Imam Ezra, anu pande-pande hondo i Atulan nu Tumpu Allah aijo', lumajang mamba momona hondo aita' hi mian anu nojiji'mo na i lumajang.

NEHEMIA 2:12

Pa' piniansinaamo i kiijo' madi' pinoto'ingku maumo pa' hi he na Tumpu Allah nonsaimo aku. Da po'ule'mo mombau kota' Yerusalem. Dodododopnyo pihi-pihi aku nobulamo ka' nongende pa' aha sangkuka na mian bau sangalungku mamba i sambiha' nu kota'. Keledai na kinasake'anku misa' binatang sangga'at na sinake'an.

NEHEMIA 2:18

Lantas sinisikumo hi aha mosia na Tumpu Allah nontulungimo aku ka' apaa na anu pinoto'imo i tomundo' hi belengku. Tinaaman nu aha, “Imbo' da otampu'unintomo na mombau kota!” Lantas nosadiamo na aha da montampu'unimo mombau kota'.

NEHEMIA 2:8

Ka' mule', aku nompoitamo sulat anu toka obee' hi Asaf, anu monjagai alas nu kalaja'an, da nu potoukai kau' bau tumban nu sabatan daka' i benteng koko Laigan nu Tumpu, ka' anu opake i pagan mesen nu kota', ka' mule' anu bau laigan kajojoonganku. Iwi-iwi' na anu pinoitangkumo aijo' pinopo'imo i tomundo' kalana Tumpu Allah nontulungimo aku.

NEHEMIA 4:15

Aha to sampo-sampobali' mami nohongomo mae taalu' tanga'an nu aha ihongomo mami. Sahingga tinolosukapmo na pikilan nu aha tukoonyo nu aha tanga'an nu aha aijo', tinewa'mo nu Tumpu Allah. Lapas aijo' kami po'ule'mo nokalaja nombau pagan mesen aijo'.

NEHEMIA 8:1

I bitu'on anu kinopopitu'nyomo mian nu Israel tinataapmo na jinojoong i kota' nu aha toto samian. I tanggan sa'angu' bitu'onmo ai-aijo' aha iwi-iwi' sinihukmo i Yerusalem, i popasan, i ahop nu Sabatan Daka' Uee. Aha nompoitamo da Kitab Atulan, nu alamae i Imam Ezra, mian anu pande hondo i Atulan anu binee'mo nu Tumpu hi Musa da opake hi aha mian nu Israel.

NEHEMIA 8:13

Dodo-dodopnyo sinihukmo iwi-iwi' na to kapa-kapala nu aha batu-batu sa'anakan mae, to ima-imam ka' to mia-mian aha Lewi lantas nambamo hi Ezra da monggulu'imo pengajalan Atulan nu Tumpu.

NEHEMIA 8:4

I Ezra tinuminjo i mimban te kau' na binau anu binaumo da bau katinjoan i Ezra aha mogombu aijo'. Mian anu tinuminjo i sasu koanannyo aitumo aha: i Matica, i Sema, i Anaya, i Uria, i Hilkia, tiba i Maaseya; ka' anu i sasu kowinyo aijo'mo: i Pedaya, i Misael, i Malkia, i Hasum, i Hasbadana, i Zakharia tiba i Mesulam.

NEHEMIA 8:9

Nohongo Atulan anu binasa'mo aijo' mian da'isan tinongkolibosonmo, lantas i humangmo sahingga i gubernur Nehemia ka' i Imam Ezra anu pande hondo i Atulan aijo', ka' aha mian nu Lewi haha aijo' anu nontutuhakonmo Atulan aijo', nompoto'imo hi mian da'isan iwi-iwi' sumo uuka na koonyo nu aha, “Sinaa aiya sinaa anu tinantukanmo nu belemiu hi Tumpu Allah, jadi bolimo talalo tongkoliboson ka' humang.

NEHEMIA 9:13

Lengkat mae i langit Belento nintatau'mo mae aita i Bungkutnyo nu Sinai, Lantas notataemo na Belento hi mian anu palesayamo hi Belento. Belento nombee'imo atulan, mosia na mongatun ka' mule' mosia na mompalentah, anu adin, adin ka' anu mingguna.

MAZMUR 109:27

Sahingga nusumbu' nu sampobali'ku saba' aijo' palabuatan nu Belento, saba' Belento, Tumpu na nombau han aijo'.

MAZMUR 147:19

Ia nompotokamo potuunon-Nyo hi mian anu pinalesayamo hi Ia, palentah ka' atulan-Nyo hi mian anu pinile'an-Nyomo.

MAZMUR 45:1

Mazmur nu aha sa'anakan i Korah. Nyanyian mongkalibosi. Anu mongkapali panyanyi. Ingala ilagu nu nyanyian; Bunga bakung.

MAZMUR 80:18

Jagai mae na mian anu pinile'anmo nu Belento, anak nu manusia anu pinohosonmo, nu Belento da Belentomo na Tumpu-Nyo.

AMSAL 3:6

O'inau' na Tumpu i sinin na han apaa na kahanda' nu bau, sahingga Nu potiju'je hi belemiu mosia na kantumuu'an anu talakana'.

YESAYA 50:2

Kadaka' aijo' aha mian anu palesayamo hi beleng-Ku mau samian madi' ko anu montaami mae, tempo'nyo Aku tokamo mae molaga aha? Pa' ugaat aha ola ahi' momohokot kalana monsangka Aku madi' moko ala mompobebas ka' mule' madi' moko ala momposalamat aha? Padahan mau ola Ku palentah na ambai timbali mo'oti, iwi-iwi na kaunyo timbali Ku pojadi padang tampat anu mateges, sahingga to ika-ikan matemo ka' mabusikmo.

YESAYA 59:1

Boli monsangka Tumpu madi' moko ala momposalamat belemiu kabai matikobongonmo na mohongo potatae nu belemiu.

YEREMIA 8:8

Baani hondo na belemiu motatae, tukoo miu belemiu pande ka' monsumbu' atulan-Ku! Soba toa mosia na atulan-Ku binali'anmo nu aha anu toto pande-pande i agama ka' geguan!

MATIUS 13:52

Lantas i Yesus notataemo, “Aijo', na sababnyo batu-batu gulu' Agama anu timbalimo mian anu palesayamo hi Tumpu, sumo samian na tumpu nu laigan anu monsabatakon lengkat i tampat nu halata'nyo anu bu'ou ka' anu pininmo.”

MATIUS 23:2

“To gulu-gulu' agama ka' to mia-mian Farisi nohumpak kuasa da montalangkan atulan i Musa.

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

1 KORINTUS 1:20

Yo, apaa na gunanyo to mia-mian anu pande haha aijo'? Apaa na gunanyo nu aha anu ko ilimu'? Apaa na gunanyo nu aha anu pande bapikin i dunia aiya? Tumpu nompotoamo saba' kapandean nu dunia aiya palasuma samata-mata.

1 KORINTUS 15:1

Ka' uuka aiya, to Utu-utus, gagalanku komiu po'ule' pe'e monginau' Lele Ma'ima' lengkat mae hi Tumpu anu pinolelengkumo u'utu mae hi belemiu. Komiu nontalimamo ka' nompalesayamo i Kristus, kalana Lele Ma'ima' aijo'.

PO'ULE' INGULIT 28:1

“De belemiu montuluti Tumpu Allah nu belemiu ka' saja' obau ima-ima' na palentah iwi-iwi' anu ku bee' hi belemiu sinaa aiya saba' ia mompotimbalije belemiu bansa anu talalo hondo talasanggo i dunia.

PO'ULE' INGULIT 4:5

Iwi-iwi' na atulan haha aijo' pinogulu'kumo hi belemiu susumo anu pinalentahkonmo nu Tumpu Allah-ngku. Tuluti na iwi-iwi' aijo' i lipu' anu opinsoopi miu ka' jojoongmo ikiijo'.