EZRA 7:28 - KITAB NU TUMPU ALLA LELE MA'IMAI'

²⁸ Kalana aku tinulunganmo nu Tumpu Allah sahingga aku kinanononganmo i tomundo, to mia-mian anu lewa' mombee'i pokinde' ia ka' to mia-mian anu bapangkat ka' anu balakuasa haha aijo'; Tumpu Allah-ngku nombee'imo kahosonan hi belengku, sahingga aku noko alamo nongendei mae iwi-iwi' tinopia-piangkuka na to pola-polaya' nu aha toto sa'anakan mae bansa Israel, da minsusule'mo i Yerusalem.”

EZRA 7:28 ပူးပေါင်းရင်းမြစ်များ

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

KAJADIAN 43:14

O amalakon da Tumpu Allah Anu Daka'hondo na kuasanyo mompotimbali gubernur itina' molibos hi belemiu sahingga ia mongka'oho' monsule'akon mae i Benyamin ka' i Simeon hi belemiu. Mongkona aku aiya, de aku memang madi'mo ahi' ko to ana-anakku yo bemanau'.”

EZRA 5:5

Panyo pinalahatikanmo nu Tumpu Allah ka' jinagaan-Nyomo na to pola-polaya' nu aha Yehudi, sahingga to mia-mian anu bapangkat hi Tomundo Persia nomputusimo madi'mo mompoposia aha aijo' de ma'isa ko sulat pontaami mae i Darius, sulat anu opakatuje nu aha.

EZRA 7:14

Kalana aku tiba aha popitu anu lewa' mompokinde'i aku nompokaumo belento Utus da minsusule'mo i Yerusalem ka' Yehuda da monselidiki pa' mosia na aha ka' montoa pa' Atulan nu Tumpu Allah anu tinaha'imanakonmo hi beleyum Utus, totu-totu'u otuluti nu aha.

EZRA 7:6

I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

EZRA 8:1

Aiya na daputan nu to kapa-kapala nu aha toto sa'anakan mae anu binoa i Babel ka' ninsusule'mo mae tiba aku, i Ezra, nambamo i Yerusalem salatan i Artahsasta nompalentahmo salaku tomundo:

EZRA 8:15

Iwi-iwi' na aha anu sanggombu aijo' pinosihukumo i sohipi' nu kaunyo anu mo'ili namba i kota Ahawa, lantas kami binakemahmo i kiijo' tinolunsinaa na kinopinnyo. Salatan ilelekankumo sinumbu'je taalu' daagi' ahi' ko to ima-imam pa' aha sangkuka aijo' hi aha, panyo madi' ko tulunan mae nu aha mian Lewi maumo ola samian.

EZRA 8:18

Kalana kanonongan nu Tumpu Allah, aha nonsaimo mae hi kami i Serabya, mian nu Lewi anu pande hondo aha sa'anakan mae i Mahli, Hingga-hinggat tiba ia suele tinoka mae ahi' na to ana-anaknyo ka' to utu-utusnyo, konjoo'nyo 18 na mian.

EZRA 9:9

Tempo'nyo kami daagi' binotuanan, belento madi' nompojohok kami. Belentomo na nontulungi kami da kinalibosanmo nu to tomu-tomundo Persia ka' pinobee'mo tumuu' ka' po'ule'mo mombau Laigan nu belento anu ohunyo na daagi' aijo'. Belento nonjagaimo kami aiya i Yehuda ka' i Yerusalem.

NEHEMIA 1:11

Potombihingakon mae na do'angku ka' do'a nu posaihonto iwi-iwi' sangga'at, anu mongka'oho' moholomati belento. Tulungiakon mae o Tumpu sinaa aiya da posaihon nu belento aiya nukalibosi mae i tomundo.” Tempo'nyo aitu kalajangku anu nu inum i tomundo memongulus.

NEHEMIA 2:8

Ka' mule', aku nompoitamo sulat anu toka obee' hi Asaf, anu monjagai alas nu kalaja'an, da nu potoukai kau' bau tumban nu sabatan daka' i benteng koko Laigan nu Tumpu, ka' anu opake i pagan mesen nu kota', ka' mule' anu bau laigan kajojoonganku. Iwi-iwi' na anu pinoitangkumo aijo' pinopo'imo i tomundo' kalana Tumpu Allah nontulungimo aku.

MAZMUR 109:12

Boli ko anu mongkanonongi ia, kabai mongkalibosi to ana-anaknyo anu pinala'iannyomo.

YUNUS 3:7

Ia mule' nombebakonmo palentah sumo uuka'; “Palentah aiya lengkat mae i Ninewe, atas kaputusan nu tomundo' tiba to manti-mantili. Ia notatae, iwi-iwi' na mian ka'mule' sapi', domba ka' potuu'on sangga'at otewa' pe'e na mompo'otot ka' mompo'inum.