EZRA 7:25 - KITAB NU TUMPU ALLA LELE MA'IMAI'

²⁵ Utusku Ezra, pake na kapandean bapikin anu binee'mo nu Tumpu Allah hi Beleyum utus, ka' hangkatmo na to pola-polaya' ka' to mia-mian kopian da mompalentah iwi-iwi' mian anu kiijo' i propinsi Efrat sasu Kinsoban anu tinumuu'mo montuluti Atulan nu Tumpu Allah nu Beleyum utus. Tionyo ahi' Beleyum utus mompogulu'akon Atulan aijo' hi iwi-iwi'na mian anu ma'isa monsumbu'.

EZRA 7:25 ပူးပေါင်းရင်းမြစ်များ

KAJADIAN 41:38

Lantas i tomundo notataemo hi aha, “Susa' na kita mohumpak mian sangga'at anu lebe sosok molingkudui i Yusuf, kalana ia nubaya'i nu rok nu Tumpu Allah.”

KAJADIAN 41:39

Sahingga i tomundo notataemo hi Yusuf, “Tumpu Allah nompoto'imo iwi-iwi' aiya hi beleyum, jadi nanasamo beleyum lebe pande ka' monsumbu' mongatun molingkudui mau mule' pa' ihe.

1 TOMU-TOMUNDO' 3:28

Salatan bansa Israel nohongomo i Salomo nomputusi palakala aijo', aha nompuji'mo ka' nompopodaka'mo ia kalana inyata'mo taalu' Tumpu Allah nombee'imo kapandean hi ia ka' saja' adin na momputusi.

2 TOMU-TOMUNDO' 17:27

Kalana aijo' i tomundo' Asyur nompalentahmo da samian na Imam anu i hakop ka' binoa pinojoong nokiijo' i Asyur po'ule'mo sinai nokiijo' i Samaria. “Saimo na ia minsusule' ka' jojoongmo i kiijo' mae da ia mompogulu' mian haha aijo'.” Mongkona to atu-atulan nu pilogot nu lipu' aijo'. Na koonyo i tomundo'.

1 TAWARIKH 22:12

Ka' bisa-bisa' Tumpu Allah nu beleyum mombee'i kapandean hi beleyum ka' monsumbu' mompalentah Israel susumo anu i uno nu atulan-Nyo.

1 TAWARIKH 23:4

Lantas aha 24.000 na mian anu aijo' hi aha, binee'anmo kalaja, aijo'mo mongulus kalaja i Laigan nu Tumpu, 600 na mian mongulus anu palalu otulis ka' mongulus palakala,

EZRA 10:4

Belentomo ahi na montantukan kaputusan. Kami totu-totu'u montulungimo belento. Tantukanmo na kaputusan boli bata-bata sampe jadi totu-totu'u.”

EZRA 6:6

Lapas aijo' i Darius nompakatumo sulat bau pinontaaminyo sumo uuka, “Toka hi belento Tatnai, gubernur nu Propinsi Efrat sasu Kinsoban, ka' hi Syetar-Boznai ka' mule' to mia-mian anu bapangkat hi pamalentah Efrat sasu Kinsoban. Boli mompoposia mian nu Yahudi haha aijo',

EZRA 7:10

I Ezra nongkinyonyoaimo hondo monselidiki Atulan nu Tumpu da otulutimo ahi' ka' nongajanakonmo katantuan iwi-iwi' ka' atulannyo hi bansa Israel.

EZRA 7:14

Kalana aku tiba aha popitu anu lewa' mompokinde'i aku nompokaumo belento Utus da minsusule'mo i Yerusalem ka' Yehuda da monselidiki pa' mosia na aha ka' montoa pa' Atulan nu Tumpu Allah anu tinaha'imanakonmo hi beleyum Utus, totu-totu'u otuluti nu aha.

NEHEMIA 9:3

Kila-kila tinotolu' na jam na kinopinnyo na kitab Atulan nu Tumpu Allah nu aha binasa'akon hi aha, ka' tinotolu' na jam na kinopinnyo suele na aha nongakui dosa' nu aha iwi-iwi'. Lapas aijo' aha tinolodadupumo nonsombah Tumpu, Tumpu Allah nu aha.

MAZMUR 19:7

Ia nontusakonmo langit lengkat pe'e mae i puusnyo toka-toka i puusnyo; madi'ko anu madi' nukona nu panasnyo.

AMSAL 2:6

Tumpu Allah na mombee'i kapandean bapikin; lengkat mae hi Ia na pohumpakan nu manusia ilimu' ka' timbali moko ala mangalati'.

AMSAL 6:23

Sinin na pangajalan nu tu'anyo nu beleyum sumomo sulu' anu majingka; pokinde nu aha mompotingaan hi beleyum jalan nu kantumuu'an anu ma'ima'.

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

MATIUS 13:52

Lantas i Yesus notataemo, “Aijo', na sababnyo batu-batu gulu' Agama anu timbalimo mian anu palesayamo hi Tumpu, sumo samian na tumpu nu laigan anu monsabatakon lengkat i tampat nu halata'nyo anu bu'ou ka' anu pininmo.”

MARKUS 6:34

Salatan i Yesus ilumobos lengkat i duangan, Ia nontoa mian da'isan. Ia molibos hi aha, kalana aha sumomo domba anu madi' ko polaya'nyo. Sahingga Ia mule' nontampu'unimo nongajanakon manjoo' na han hi aha.

PO'ULE' INGULIT 16:18

“I toto sa'angu' na kota anu binee'mo nu Tumpu Allah nu belemiu hi belemiu, tionyo ahi' mohangkat to mia-mian kopian ka' to pangka-pangkat sangga'at da adin na momputusi palakala nu layat.

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.