EZRA 7:21 - KITAB NU TUMPU ALLA LELE MA'IMAI'

²¹ Iwi-iwi' na anu mongulus doi anu o'una' i kas nu kalaja'an i propinsi Efrat sasu Kinsoban ku palentahkon da maumo pa' apaa na anu nu poita i Imam Ezra anu pande hondo i Atulan nu Tumpu Allah anu mongkuasai suluga' obee' hi ia lia-lia', konjoo'nyo sumo uuka:

EZRA 7:21 ပူးပေါင်းရင်းမြစ်များ

EZRA 4:16

Jadi de o'ala i pikilan mami, matantumo de kota' aijo' po'ule'mo obau ka' pagannyo mesen suele po'ule'mo obau, belento Tomundo madi'mo moko ala mompalentah Propinsi Efrat sasu Kinsoban aiya.”

EZRA 4:20

Toho'mo kino to tomu-tomundo anu baani hondo nompalentah i kiijo' ka' nongkuasaimo songko-songko na Propinsi Efrat sasu Kinsoban ka' nombee'imo tanggungan hasin ka' apa-apaa mule' na anu tionyo nubayan nu aha sataun-toka sataun.

EZRA 6:6

Lapas aijo' i Darius nompakatumo sulat bau pinontaaminyo sumo uuka, “Toka hi belento Tatnai, gubernur nu Propinsi Efrat sasu Kinsoban, ka' hi Syetar-Boznai ka' mule' to mia-mian anu bapangkat hi pamalentah Efrat sasu Kinsoban. Boli mompoposia mian nu Yahudi haha aijo',

EZRA 7:1

Tino pia-piangka na taun na kinopinnyo ilapas na aijo' tempo'nyo i Artahsasta nompalentahmo salaku tomundo nu Persia, daagi' ko samian na mo'ane sanggonyo i Ezra lee' mae i Imam Daka' Harun. Tatu-tatusannyo mae nu mompolee' nu aha lengkat pe'e hi Ezra toka-toka mokiita' hi mompolee'nyo mae sumo uuka: i Ezra i Seraya i Azarya i Hikia

EZRA 7:22

salaka tionyo 3.400 kg, gandum tionyo 10.000 kg, anggur tionyo 2.000 liter, lanya' nu zaituno tionyo 2.000 liter ka' timuson yamo anu opalalui.

EZRA 7:6

I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

EZRA 8:36

Lantas sulat anu pini-pininmo na pino'una' bibinee'mo i tomundo hi aha, pinoto'imo nu to gubernur-gubernur ka' hi mian anu ko bapangkatnyo i Propinsi Efrat sasu Kinsoban. Lantas aha anu kobapangkatnyo haha aijo' nombee'imo bau pontulungi mian da'isan da aha saja' monsombah Tumpu kiijo' i Laigan nu Tumpu.

NEHEMIA 2:7

Lapas aijo' aku nompoitamo sulat anu toka obee' hi to gube-gubernur kiijo' i Propinsi Efrat sasu Kinsoban da aha madi' monsusa'i aku mamba toka-toka' i Yehuda.

MAZMUR 119:4

Belento nombee'imo mae kami atulan nu Belento o Tumpu, da obau mami ma'i-ma'ima'.

DANIEL 6:26

Lapas aijo' i Tomundo' Darius nompakatumo sulat hi aha to mia-mian iwi-iwi na bansa, tulunan nu bansa ka' basa' anu i songko-songko na dunia, “Salamat kopian!