EZRA 7:16 - KITAB NU TUMPU ALLA LELE MA'IMAI'

¹⁶ Paka boa mule' na mosoni' iwi-iwi' ka' salaka anu ilimu' nu beleyum Utus hi songko-songko na Babel ka' iwi-iwi' na anu binee'mo nu bansa Israel tiba to ima-imamnyo, da bau kapentingan i Laigan nu Tumpu Allah nu aha kiijo' i Yerusalem.

EZRA 7:16 ပူးပေါင်းရင်းမြစ်များ

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

1 TAWARIKH 29:6

Sahingga to tu'a-tu'anyo nu aha mae sa'anakan, to tu'a-tu'anyo nu tulunan mae nu bansa, to sulu-suludadu anu matangkas na pangkatnyo, ka' anu montoa ka' monjagai halata' i tomundo' nompoto'imo tukoonyo nu aha aha suele mombee'i.

1 TAWARIKH 29:9

Sanang na kinyonyoa nu mian da'isan hi Tumpu ka' aha i lame'mo kalana nanjoo'mo na anu binee'mo nu aha hi Tumpu. I Tomundo' Daud suele i lame'mo hondo.

2 TAWARIKH 31:14

I Kore anak i Yimna, mian nu aha Lewi anu tinimbalimo kapala nu anu monjagai Sabatan Daka' sasu Kabete'an Laigan nu Tumpu, binee'anmo kalaja labot montalima apa-apaa na anu nubee' nu mian anu osombahkon hi Tumpu lantas mombagi-bagiakon.

2 TAWARIKH 6:2

Aiya aku nombaumo Laigan anu daka' hondo ka' ma'ima' obee' hi belento da bau kajojoongan nu Belento sampe toka sidu-sidutu'.”

EZRA 1:4

De daagi' ko mian anu pinalesayamo hi Ia i tampat pinomboan mae aiya mompalalui pontulungi da moko ala minsusule' saba' to au-auwan anu mompaha ohani ia tionyo ahi' mombee'i bau pontulungi. Aha tionyo ahi' mombee'i ia salaka ka' mosoni', ka' anu bau mantu i jalan ka' binatang anu pomposake'an boaon ka' mule' apa-apaa na anu osombahkon i Laigan nu Tumpu kiijo' i Yerusalem.”

EZRA 1:6

Iwi-iwi' na Laigan anu mompaha ohani aha nontulungimo ka' nombee'mo pakakas susumo umpamanyo salaka tiba mosoni', ka' mule' anu bau mantu i jalan, binatang anu pomposake'an boaon, halata' sangga'at ka' apa-apaa na anu osombahkon i Laigan nu Tumpu.

MAZMUR 135:21

O puji' na Tumpu kiijo' i Sion i Yerusalem tampat kajojoongan-Nyo. O puji' na Tumpu!

2 KORINTUS 8:12

De komiu halala' na mombee' saba' nutalima nu Tumpu na anu obee' aijo' iyamo na anu daagi' hi belemiu, misa' pa' apaa na anu madi' hi belemiu.

2 KORINTUS 9:7

Batu-batu mian tionyo mombee' iya na kasanangan nu kinyonyoanyo. Boli ia mombee' bata-bata kabai kalana opakisa, kalana Tumpu mongkalibosi mian anu mombee' nu kinyonyoa sanang.