EZRA 7:14 - KITAB NU TUMPU ALLA LELE MA'IMAI'

¹⁴ Kalana aku tiba aha popitu anu lewa' mompokinde'i aku nompokaumo belento Utus da minsusule'mo i Yerusalem ka' Yehuda da monselidiki pa' mosia na aha ka' montoa pa' Atulan nu Tumpu Allah anu tinaha'imanakonmo hi beleyum Utus, totu-totu'u otuluti nu aha.

EZRA 7:14 ပူးပေါင်းရင်းမြစ်များ

EZRA 1:3

Ku' amalakon da Tumpu Allah monjagai ka' montoa belemiu anu tinimbalimo mian anu pinalesayamo hi Ia. Belemiu tionyo ahi' minsusule'mo i Yerusalem ka' po'ule'mo pombau Laigan nu Tumpu, Tumpu Allah Israel. Tumpu Allah anu jojoong i Yerusalem.

EZRA 5:8

Da osumbu' nu belento Tomundo, taalu' kami nambamo i Propinsi Yehuda ka' nontoamo Laigan nu Tumpu, Tumpu Allah Anu Daka' na kuasanyo, hau-haunyo po'ule'mo binau nompake batu toto daka-daka' ka' pagannyo mesen i lapisan nu kau'. Talalo ahi' pinopokopianan na nombau, ka' saja' sakala-kalajanyo madi' toho' opo'idok.

EZRA 6:12

O' amalakon da Tumpu Allah anu nompile'imo Yerusalem salaku tampat bau ponsomban Ia, mompatei batu-batu tomundo kabai bansa anu baani molanggai palentah aiya, ka' mongkahanda'i mongidei Laigan nu Tumpu kiijo' i Yerusalem, Aku, i Darius nombee'mo palentah aiya. Obau na palentah aiya ma'i-ma'ima'.”

EZRA 6:8

Ka' mule' aiya ku palentah na Belemiu to utu-utus da otu lungi na aha mokalaja mombau Laigan aijo' sumo uuka na mongatun: Iwi-iwi' na pombayan anu mokalaja Laigan aijo', tionyo ahi' o'ala i hasin nu negara propinsi Efrat sasu Kinsoban ka' tionyo ahi' bau pombayan mian haha aijo' boli otanda'i pin.

EZRA 7:15

Aku tiba to mia-mian anu lewa' mompokinde'i aku monsombahkonmo mosoni' ka' salaka hi Tumpu Allah Israel, Tumpu Allah anu jojoong i Yerusalem. Boamo na atina'anu sinombahkonmo mami.

EZRA 7:28

Kalana aku tinulunganmo nu Tumpu Allah sahingga aku kinanononganmo i tomundo, to mia-mian anu lewa' mombee'i pokinde' ia ka' to mia-mian anu bapangkat ka' anu balakuasa haha aijo'; Tumpu Allah-ngku nombee'imo kahosonan hi belengku, sahingga aku noko alamo nongendei mae iwi-iwi' tinopia-piangkuka na to pola-polaya' nu aha toto sa'anakan mae bansa Israel, da minsusule'mo i Yerusalem.”

EZRA 8:25

Lapas aijo' tinimbangkumo na salaka, mosoni' anu obee' hi aha ka' to paka-pakakas anu binee'mo i tomundo, ka' suele anu binee'mo nu to mia-mian anu lewa' mompokinde'i tomundo ka' to mia-mian anu matangkas na pangkatnyo ka' iwi-iwi' na anu binee'mo nu mian Israel da opake i Laigan nu Tumpu. Iwi-iwi' aijo' binee'kumo hi mian haha aijo'.

ESTER 1:14

To mia-mian anu lewa' mombee'i pokinde' sasaja' nulaga i tomundo aijo'mo: i Karsena, i Setar, i Admata, i Tarsis, i Meres, i Marsena ka' i Memukan. Aha mian anu singkap ko pangkatnyo kiijo' i Persia ka' i media anu ko pangkatnyo matangkas hondo i uno nu kalaja'an.

YESAYA 8:20

Taami sumo uuka, “Ohongo na pangajalan nu Tumpu! Mian nau motatae madi' sosok ipangajalan aijo' madi' ko anu nu taha'imani imihinyo mae.”

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

DANIEL 6:20

Daagi' subu-subu hondo nobulamo na i tomundo' ka' nambamo lia-lia nontoa liang nu singa.

DANIEL 6:26

Lapas aijo' i Tomundo' Darius nompakatumo sulat hi aha to mia-mian iwi-iwi na bansa, tulunan nu bansa ka' basa' anu i songko-songko na dunia, “Salamat kopian!

ZAKHARIA 6:10

Ia notatae, “Alamo na palasombahan anu binee' mae i Heldai, i Tobias, tiba i Yedaya aha aijo' mian anu sala'je mae ninsusule' lengkat i tampat pinomboan pipinompojoongan i Babel. Sampa boa na palasombahan nu aha aijo' hi laigan i Yosia anak i Zefanya.