EZRA 7:12 - KITAB NU TUMPU ALLA LELE MA'IMAI'

¹² “Lengkat hi Tomundo Artahsasta toka hi Imam Ezra, anu pande hondo monsumbu' Atulan nu Tumpu Allah anu mongkuasai suluga'.

EZRA 7:12 ပူးပေါင်းရင်းမြစ်များ

1 TOMU-TOMUNDO' 20:1

Daagi' kinosansinaan i Benhadad, tomundo' nu Siria nomposihukmo suludadunyo iwi-iwi', tiba aha 32 na tomundo' sangga'at ka' kereta anu bau pahampate, ka' kuda nu aha, lantas tinumbuhannyomo na kota Samaria.

EZRA 1:2

“Aiya na palentah i Kores tomundo nu Persia. Tumpu, Tumpu Allah anu mongkuasai suluga' nompotimbalimo aku tomundo mompalentah songko-songko na dunia ka' nombee'imo aku kalaja mombau laigannyo i Yerusalem i da'erah Yehuda.

EZRA 4:17

I Tomundo nompakutumo sulat bau pinontaaminyo sumo uuka, “Toka hi belento Gubernur Rehum tiba Simsai gulutulis nu Propinsi, ka' sangalu nu aha iwi-iwi' i Propinsi Efrat sasu Kinsoban. Salando'angku.

EZRA 7:1

Tino pia-piangka na taun na kinopinnyo ilapas na aijo' tempo'nyo i Artahsasta nompalentahmo salaku tomundo nu Persia, daagi' ko samian na mo'ane sanggonyo i Ezra lee' mae i Imam Daka' Harun. Tatu-tatusannyo mae nu mompolee' nu aha lengkat pe'e hi Ezra toka-toka mokiita' hi mompolee'nyo mae sumo uuka: i Ezra i Seraya i Azarya i Hikia

EZRA 7:11

Aiyamo na sulat anu pininmo na nompo'una' binee'mo i Tomundo Artahsasta hi Ezra, imam ka' mule' mian anu pande hondo monsumbu' Atulan,

EZRA 7:6

I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

YESAYA 10:8

Ia nombuulakonmo butongnyo, ka' notatae, “To tale-talenga'ku ka to tomu-tomundo'!

YEHEZKIEL 26:7

Tumpu Anu Matangkas na Kuasanyo notataemo, “Ku boamo na i Tomundo' Nebukadnezar lengkat mae i Babel da montumbuhimo beleyum, o, Tirus. Tomundo' anu mahoson hondo aijo' tokamo mae lengkat isasu utara tiba suludadunyo anu manjoo' hondo, ka' mule' ajahan nu aha manjoo' tiba kareta-kareta anu bau pahampate ka' mule' gombuan nu suludadu anu monsake'i mae ajahan.

DANIEL 2:37

Anu talasanggo belento Tuanku atina'mo na tomundo' anu molingkudui iwi-iwi' na tomundo'; belentomo Tuanku na anu talalo hondo balakuasa. Tumpu anu kiita' mae i suluga' nombee'imo mae hi belento Tuanku kalaja'an aiya, kakuasa'an, ka' kahosonan ka' mule' katalasanggoan.

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

1 TIMOTIUS 6:15

Katokaan-Nyo nu posi tantukanje nu Tumpu i tempo' anu matantu. Iamo na samata-mata Mongkuasai; Ia anu talasanggo, Tomundo i iwi-iwi na tomundo, ka' Tumpu i iwi-iwi na tuan.

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”