EZRA 7:1 - KITAB NU TUMPU ALLA LELE MA'IMAI'

¹ Tino pia-piangka na taun na kinopinnyo ilapas na aijo' tempo'nyo i Artahsasta nompalentahmo salaku tomundo nu Persia, daagi' ko samian na mo'ane sanggonyo i Ezra lee' mae i Imam Daka' Harun. Tatu-tatusannyo mae nu mompolee' nu aha lengkat pe'e hi Ezra toka-toka mokiita' hi mompolee'nyo mae sumo uuka: i Ezra i Seraya i Azarya i Hikia

EZRA 7:1 ပူးပေါင်းရင်းမြစ်များ

2 TOMU-TOMUNDO' 22:8

Jadi palentah i tomundo' pinoto'imo i Safan hi Hilkia, lantas i Hilkia nonsisikmo hi Safan tukoonyo ia nohumpakmo kitab atulan nu Tumpu i Laigan nu Tumpu. I Hilkia nombee'mo kitab aijo' hi Safan ka' binasa'mo i Safan.

2 TOMU-TOMUNDO' 25:18

Ka' mule' i Nebuzaradan nohakopmo i Imam Daka' Seraya i Sefanya imam anu lewa' montulungi Imam Daka', aha totolu' na mian anu monjagai sabatan nu Laigan nu Tumpu, aha olima' na mian anu lewa' mompokinde'i i tomundo' anu daagi' kiijo' i kota', i talenga' wakin i talenga' anu montulis ulusan nu suludadu, ka' aha 60 na mian sangga'at anu toto tangka-tangkas na pangkatnyo.

2 TAWARIKH 34:15

Pinoto'imo i Hilkia hi Safan, “Aku nohumpak Kitab Atulan nu Tumpu i Laigan nu Tumpu,” lantas binee'nyomo na kitab aijo' hi Safan.

2 TAWARIKH 34:9

To mia-mian nu Lewi anu monjaga Sabatan Laigan nu Tumpu, nombee'mo hi Imam Daka' Hilkia, doi anu i limu'mo nu aha. Doi aijo' lengkat mae hi mian nu Efraim ka' Manasye, ka' lengkat mae hi mian da'isan sangga'at anu i Kalaja'an Utara, ka' mule' lengkat mae hi mian da'isan nu Yehuda, Benyamin ka' Yerusalem.

EZRA 4:7

Ka' suele tempo'nyo i Artahsasta nompalentahmo, Persia, han aijo' po'ule' mule' binau nu aha na kahanda montewa': i Bislam, i Mintredat, i Tabeel tiba to sanga-sangalu nu aha nontulismo sulat opakatu hi tomundo. Sulat aijo' tinulis nompake' basa' nu aha Aram, jadi de obasa'mo tionyo ahi' otalangkan da osumbu' na alati'nyo.

EZRA 6:14

Ka' mule' sinampusan nu to nabi-nabi aijo'mo i Hagai ka' i Zakharia, to pola-polaya' nu Yahudi nontusakonmo kalaja mombau Laigan nu Tumpu aijo'. Nalia' hondo na aha nombau Laigan aijo' susumo koonyo nu palentah nu Tumpu Allah Israel ka' palentah i Kores, i Darius, ka' i Artahsasta, to tomu-tomundo nu Persia haha aijo'.

EZRA 7:10

I Ezra nongkinyonyoaimo hondo monselidiki Atulan nu Tumpu da otulutimo ahi' ka' nongajanakonmo katantuan iwi-iwi' ka' atulannyo hi bansa Israel.

EZRA 7:12

“Lengkat hi Tomundo Artahsasta toka hi Imam Ezra, anu pande hondo monsumbu' Atulan nu Tumpu Allah anu mongkuasai suluga'.

EZRA 7:2

i Salum i Zadok i Ahitub

EZRA 7:21

Iwi-iwi' na anu mongulus doi anu o'una' i kas nu kalaja'an i propinsi Efrat sasu Kinsoban ku palentahkon da maumo pa' apaa na anu nu poita i Imam Ezra anu pande hondo i Atulan nu Tumpu Allah anu mongkuasai suluga' obee' hi ia lia-lia', konjoo'nyo sumo uuka:

NEHEMIA 2:1

Daagi' kino sansinaan, salatan ingopatmo na bitu'on noko lapas na aijo', kinakonamo i bitu'on Nisan, tempo'nyo i Tomundo' Artahsasta hau-haunyo mongkaan, aku nontawa'imo anggur ia, ohupku madi'mo binikas. Ma'isa toho' aku tinoa madi' bikas i ahop i tomundo' susumo sinaa aitu.

NEHEMIA 8:1

I bitu'on anu kinopopitu'nyomo mian nu Israel tinataapmo na jinojoong i kota' nu aha toto samian. I tanggan sa'angu' bitu'onmo ai-aijo' aha iwi-iwi' sinihukmo i Yerusalem, i popasan, i ahop nu Sabatan Daka' Uee. Aha nompoitamo da Kitab Atulan, nu alamae i Imam Ezra, mian anu pande hondo i Atulan anu binee'mo nu Tumpu hi Musa da opake hi aha mian nu Israel.