EZRA 6:8 - KITAB NU TUMPU ALLA LELE MA'IMAI'

⁸ Ka' mule' aiya ku palentah na Belemiu to utu-utus da otu lungi na aha mokalaja mombau Laigan aijo' sumo uuka na mongatun: Iwi-iwi' na pombayan anu mokalaja Laigan aijo', tionyo ahi' o'ala i hasin nu negara propinsi Efrat sasu Kinsoban ka' tionyo ahi' bau pombayan mian haha aijo' boli otanda'i pin.

EZRA 6:8 ပူးပေါင်းရင်းမြစ်များ

EZRA 4:16

Jadi de o'ala i pikilan mami, matantumo de kota' aijo' po'ule'mo obau ka' pagannyo mesen suele po'ule'mo obau, belento Tomundo madi'mo moko ala mompalentah Propinsi Efrat sasu Kinsoban aiya.”

EZRA 4:23

Salatan sulat i Artahsasta aijo' binasa'akonmo hi Rehum, hi Simsai, ka' hi to sanga-sangalu nu aha, aha sampamo namba i Yerusalem ka' pinakisamo nu aha na mian nu Yahudi da bolimo po'ule' mombau kota' aijo'.

EZRA 5:5

Panyo pinalahatikanmo nu Tumpu Allah ka' jinagaan-Nyomo na to pola-polaya' nu aha Yehudi, sahingga to mia-mian anu bapangkat hi Tomundo Persia nomputusimo madi'mo mompoposia aha aijo' de ma'isa ko sulat pontaami mae i Darius, sulat anu opakatuje nu aha.

EZRA 6:14

Ka' mule' sinampusan nu to nabi-nabi aijo'mo i Hagai ka' i Zakharia, to pola-polaya' nu Yahudi nontusakonmo kalaja mombau Laigan nu Tumpu aijo'. Nalia' hondo na aha nombau Laigan aijo' susumo koonyo nu palentah nu Tumpu Allah Israel ka' palentah i Kores, i Darius, ka' i Artahsasta, to tomu-tomundo nu Persia haha aijo'.

EZRA 6:4

Te bau mompimpi'nyo sumo uuka na mombau: de totolu'mo mokiita' na lapisan nu batu opokonaimo salapis na kau'. Ongkosnyo, kas nu kalaja'an na montanggungi.

EZRA 6:7

ka' boli montewa' mombaumo Laigan ponsomban nu aha Tumpu. Pobee'mo na gubernur Yehuda ka' to pola-polaya' nu aha Yahudi po'ule'mo mombau Laigan aijo'.

EZRA 6:9

Ka' mule' mau mo pa'apaa na anu nupalalui nu to ima-imam kiijo' i Yerusalem, susumo pa' sapi' lakinyo anu daagi' bata'nyo, domba lakinyo ka' anak nu domba anu okolobanakon salaku osombahkon hi Tumpu Allah anu mongkuasai suluga', ka' suele gandum, timuson, anggur, tiba lanya' nu zaitun, tionyo ahi' obee' hi aha sansina-sinaa madi' timbali okolilimi.

EZRA 7:14

Kalana aku tiba aha popitu anu lewa' mompokinde'i aku nompokaumo belento Utus da minsusule'mo i Yerusalem ka' Yehuda da monselidiki pa' mosia na aha ka' montoa pa' Atulan nu Tumpu Allah anu tinaha'imanakonmo hi beleyum Utus, totu-totu'u otuluti nu aha.

NEHEMIA 11:23

Anu mobolo-bolos na aha sa'anakan mae anu mongulus musik i Laigan nu Tumpu, sansina toka sansinaa otoa i atulan anu tinantukanmo i tomundo'.

NEHEMIA 2:8

Ka' mule', aku nompoitamo sulat anu toka obee' hi Asaf, anu monjagai alas nu kalaja'an, da nu potoukai kau' bau tumban nu sabatan daka' i benteng koko Laigan nu Tumpu, ka' anu opake i pagan mesen nu kota', ka' mule' anu bau laigan kajojoonganku. Iwi-iwi' na anu pinoitangkumo aijo' pinopo'imo i tomundo' kalana Tumpu Allah nontulungimo aku.

DANIEL 6:26

Lapas aijo' i Tomundo' Darius nompakatumo sulat hi aha to mia-mian iwi-iwi na bansa, tulunan nu bansa ka' basa' anu i songko-songko na dunia, “Salamat kopian!

HAGAI 2:8

Iwi-iwi' na mosoni' tiba salaka i dunia aiya Aku na tumpunyo.