EZRA 6:4 - KITAB NU TUMPU ALLA LELE MA'IMAI'

⁴ Te bau mompimpi'nyo sumo uuka na mombau: de totolu'mo mokiita' na lapisan nu batu opokonaimo salapis na kau'. Ongkosnyo, kas nu kalaja'an na montanggungi.

EZRA 6:4 ပူးပေါင်းရင်းမြစ်များ

1 TOMU-TOMUNDO' 6:36

I ahopnyo nu Laigan nu Tumpu aijo' binauannyo natan sasu unonnyo. Natan aijo' titikup pinagan nu mesen anu mompaha lapi-lapis: de totolu'mo na lapisannyo nu batu, o lapisimo nu kau' lontio' nu Libanon.

EZRA 3:7

Mian da'isan nombee'mo doi da bau pontamboi tukang anu mompa'at batu ka' tukang nu kau'. Aha suele nompakatumo anu okaan, anu o'inum, ka' lanya' nu zaitun binoa i kota' Tirus ka' kota' Sidon da pontolosi kau' lontio' Libanon i kota' haha aijo'. Kau' haha aijo' ingatomo binoa i Yafo montulu ambai. Iwi-iwi' aijo' kinalajamo nu mian da'isan, panyo i Kores ahi tomundo nu Persia na nompoloas.

EZRA 5:8

Da osumbu' nu belento Tomundo, taalu' kami nambamo i Propinsi Yehuda ka' nontoamo Laigan nu Tumpu, Tumpu Allah Anu Daka' na kuasanyo, hau-haunyo po'ule'mo binau nompake batu toto daka-daka' ka' pagannyo mesen i lapisan nu kau'. Talalo ahi' pinopokopianan na nombau, ka' saja' sakala-kalajanyo madi' toho' opo'idok.

EZRA 6:8

Ka' mule' aiya ku palentah na Belemiu to utu-utus da otu lungi na aha mokalaja mombau Laigan aijo' sumo uuka na mongatun: Iwi-iwi' na pombayan anu mokalaja Laigan aijo', tionyo ahi' o'ala i hasin nu negara propinsi Efrat sasu Kinsoban ka' tionyo ahi' bau pombayan mian haha aijo' boli otanda'i pin.

MAZMUR 68:29

Tumpu nu belemiu montuntut kahosonan nu belemiu; o, Tumpu potatapmo mae hi kami apaa na anu binaumo nu Belento hi kami.

MAZMUR 72:10

To tomu-tomundo' nu aha Tarsis ka' iwi-iwi' na togong momboamo hi ia palasombahan. To tomu-tomundo' nu aha Arab ka' Etiopia tokamo momboa mae pombayan hasin.

YESAYA 49:23

To tomu-tomundo' saidi' mae sumomo ahi' tuuma nu beleyum ka' to tomu-tomundo' boune sumomo ahi' posi tina. Aha saidi' mae tolodadupumo moholomati beleyum ka' mati'alukmo hi beleyum. Sahingga nu sumbu'je nu beleyum taalu' Akumo ahi' na Tumpu; miana nu montaha'imani Aku madi' mule' mompele-pele'.”

ANU PINOTO'I HI YOHANES 12:16

Panyo dunia nontulungi boune aijo' dunia nonganga'akon nganga'nyo ka' nongegat uee anu nosabat mae i nganga'nyo nu ulo anu talalo hondo daka' aijo'.