EZRA 6:22 - KITAB NU TUMPU ALLA LELE MA'IMAI'

²² Ingipitun na kinopinnyo na aha binalame-lame' nolame'akon Lamean Roti anu Madi' ko Raginyo. Aha sinanangmo hondo kalana pino'ima'mo nu Tumpu na kinyonyoa i Tomundo Asyur, nongkanonongimo aha sahingga nontulungimo aha po'ule' nombau Laigan nu Tumpu, Tumpu Allah Israel.

EZRA 6:22 ပူးပေါင်းရင်းမြစ်များ

2 TAWARIKH 23:18

Lantas i Yoyada nombee'imo kalaja to ima-imam ka' mian nu Lewi da mongulus kalaja i Laigan nu Tumpu susumo anu binagimo ka' tinantukanmo na kalaja daagi' pe'e tempo'nyo i Tomundo Daud. Aha tionyo ahi' monsombahkon koloban anu opotunu hi Tumpu – pokakana sumo to atu-atulan i Musa – ka' olame'akon ka' onyanyiakon pokakana sumo anu ingatunmo i Daud.

2 TAWARIKH 29:30

I tomundo ka' to mia-mian anu tasanggo nompokaumo da aha mian nu Lewi monyanyiakon pompuji' Tumpu anu tinulis i tomundo Daud ka' i Nabi Asaf. Iwi-iwi' mian i lame'mo hondo na nonyanyi ka' aha tinolodadupumo ka' nonsombahmo Tumpu Allah.

2 TAWARIKH 30:21

Ingipitun na kinopinnyo na saja' i lame' na to mia-mian anu sinihukmo i Yerusalem nolame'akon Roti anu Madi' ko Raginyo. Sansina-sinaa na to mia-mian nu Lewi ka' to ima-imam mompuji-puji' Tumpu totu-totu'u na kinyonyoa.

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

2 TAWARIKH 35:17

Pitunsinaa na kopinnyo na mian da'isan nu aha Israel jojoong i kiijo' molame'akon Paskah ka' lamean nu Roti anu Madi' ko Raginyo.

EZRA 1:1

Taun momonanyo salatan i Kores tomundo nu Persia nompalentahmo. Tumpu nombaumo apaa na anu pinoto'i-Nyomo hi Nabi Yeremia. Kinakeha'mo nu Tumpu na kinyonyoa i Kores da nombee'mo sulat palentah anu binasa'akonmo hi songko-songko na kalaja'an. Onyi'nyo sumo uuka:

EZRA 6:1

Lapas aijo' i tomundo Darius, nompalentahmo da nonsilidiki sulat anu pini-pininmo na nompo'una' i Babel.

EZRA 7:27

Lantas notataemo na i Ezra, “O puji' na Tumpu, Tumpu Allah anu sinombahmo nu mompolee'to! Ia nompotuka' mo hi kinyonyoa i tomundo sahingga ia kinokinyonyoamo mongulus Laigan nu Tumpu kiijo' i Yerusalem.

NEHEMIA 13:6

Tempo'nyo han aijo' jinadi aku madi' ko anu kiijo' i Yerusalem, kalana i taun kinotolumpulu'nyomo ka' ohua' na i Artahsasta nompalentah, tomundo' nu Babel, aku nambamo i Babel mompoto'i hi tomundo' apa-apaa na anu binaungkumo. Madi' pinin kiijo' mae aku pinobee'je,

AMSAL 16:7

De beleyum momposanang kinyonyoa nu Tumpu; iwi-iwi' na sampo bali' nu beleyum Nu potimbali sangalu nu beleyum.

AMSAL 21:1

Pokakana susumo Tumpu nongatun uee nukaunyo da mo'ili, montuluti pongka'oho'Nyo, sumo aitu mule' na la mongatun pikilan nu tomundo.

YEHEZKIEL 23:23

Ku posihukmo mae ka' Ku-boamo hi beleyum iwi-iwi' na sinta nu beleyum lengkat mae i Babel, Pekod, Soa, Koa, Asyur, tiba aha to mia-mian nu Kaldea. Ku boamo hi beleyum na to oli-olitau anu toto oli-olitau hondo na butong nu aha aijo'mo anu ko pangkatnyo matangkas, to mia-mian daka', anu ko pangkatnyo toto penti-penting tiba suludadu anu toto tangka-tangkas na pangkatnyo monsakei ajahan.

MATIUS 26:17

I sinaa momonanyo i uno nu Molame'akon Roti Madi' Mompake Raginyo, anu saja' mombatuki Yesus tinoka hi Ia. Aha nompokilawa, “Iyamae na anu oka'oho' nu Kita Tuuma kami momposadiakon kaanon nu Paskah hi Tuuma?”

YOHANES 19:11

I Yesus nontaami, “De Tumpu madi' nombee' kuasa aijo' hi beleyum, beleyum madi' hondo moko kuasai beleng-Ku. Mokonyo aitu mian anu nomboa mae Aku hi beleyum, lebe daka' na dosa'nyo molabii beleyum.”