EZRA 6:21 - KITAB NU TUMPU ALLA LELE MA'IMAI'

²¹ Koloban haha aijo' okaan nu aha Israel iwi-iwi' mian anu minsusule'mo mae lengkat i Babel pinomboan aha ka' mian anu jojoong i lipu' aijo', anu nompala'imo kantumuu'an anu moko baladosa', ka' tinokamo monsombah Tumpu, Tumpu Allah Israel.

EZRA 6:21 ပူးပေါင်းရင်းမြစ်များ

2 TAWARIKH 30:19

“O Tumpu, Tumpu Allah anu nusombah nu mompolee' mami, otaha'imani mami na kanonongan nu kinyonyoa nu Belento mongampuni aha anu hau-haunyo monsombah belento totu-totu'u na kinyonyoanyo, maumo aha ma'isa nomposusi' butong nu aha.”

EZRA 9:1

Salatan iwi-iwi' aijo' binaumo, pa' aha sangkuka na aha to tu'a-tu'anyo nu Israel tinokamo mae hi belengku. Pinoto'i nu aha tukoonyo mian da'isan nu aha Israel, tibamo to ima-imam, ka' to mia-mian nu aha Lewi madi' mosi po'iwi' da boli maninggalo' hi to bansa-bansa anu jojoong i kiijo', aijo'mo bansa Amon, Moab, Mesir, Kana'an, Het, Feris, Yebus ka' Amosi. Aitu mule' to ima-imam ka' to mia-mian nu aha Lewi suele nombaumo kalakuan anu ma'idek anu binaumo nu bansa haha aijo'.

EZRA 9:11

anu binee'mo nu Belento hi kami, pipinoto'imo mae nu to nabi-nabi to posa-posaihon nu Belento. Aha nompoto'imo hi kami tukoonyo tano' anu kahanda'mo o joongi mami aijo' madi'mo sinusi' kalana iwi-iwi' na mian anu monjoongi lengkat pe'e i pusnyo sa'angu' toka i pusnyo sa'angu' nombaumo anu mahumimi' ka' nahenyumo.

NEHEMIA 10:28

Kami mian da'isan nu Israel, to ima-imam, to mia-mian nu Lewi, to mia-mian anu monjagai Sabatan Daka' Laigan nu Tumpu, to mia-mian anu mahaik musik, ka' to mia-mian anu mokalaja i Laigan nu Tumpu, ka' suele to bengke-bengkele' ka' to ana-anak mami anu daka'mo ka' anu sinsumbu'mo ka' mule' iwi-iwi' na anu tulu-tulutan hi atulan nu Tumpu Allah ka' madi'mo maninggalo' hi to mia-mian anu i salipu'an mae anu jinojoongmo i lipu' mami aiya.

MAZMUR 93:5

O, Tumpu, atulan nu Belento tataap opake sampe toka sidu-sidutu', Laigan nu Belento sabole-boleh susi' sampe toka sidu-sidutu'.

YESAYA 52:11

Lako'mo! Pala'imo na kota' Babel, O, belemiu anu nomboamo pakakas nu Laigan nu Tumpu! Boli monsintung balang anu maheyu; posusi'mo pe'e na butong nu beleyum ma'isa pe'e mamba.

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

2 KORINTUS 6:17

Mokonyo aijo', pala'i na to mia-mian anu madi' monsumbu' Tumpu aijo', ka' boli mogalum na butongum hi aha. Boli hondo-hondo monsasuhi anu mahenyu, da Ku talimaje na komiu.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.