EZRA 6:16 - KITAB NU TUMPU ALLA LELE MA'IMAI'

¹⁶ Lapas aijo' ilame'akonmo nu mian Israel haha aijo', to ima-imam, to mia-mian nu Lewi ka' iwi-iwi' mian anu toho'mo binoa i Babel, nomposawe'imo ka' nondo'akonmo Laigan nu Tumpu aijo'.

EZRA 6:16 ပူးပေါင်းရင်းမြစ်များ

1 TOMU-TOMUNDO' 8:62

Lapas aijo' i Tomundo' Salomo ka' iwi-iwi' na mian anu sinihukmo kiijo' nonsombahkonmo koloban hi Tumpu.

1 TOMU-TOMUNDO' 8:63

Kakona koloban anu bau pompodame, i Salomo nonsombahkonmo 22.000 na sapi' ka' 120.000 na domba. Sumo aijo' na i tomundo' ka' iwi-iwi' na mian da'isan nombau lamean nomposawe'i Laigan nu Tumpu.

1 TAWARIKH 15:28

Iwi-iwi' na mian nu Israel namba nontuntuni Peti' Palajanjian aijo' tinoka-toka i Yerusalem ka' lewa' nontaligalai lame-lame', onyi' nu tolompet, napiri, simbal ka' kasapi'.

1 TAWARIKH 9:2

Aha anu momona ninsusule' mae po'ule' namba i posi tano' nu aha i kota' haha aijo', to tu'a-tu'anyo, to ima-imam, aha mian nu Lewi ka' anu mokalaja i Laigan nu Tumpu.

2 TAWARIKH 29:30

I tomundo ka' to mia-mian anu tasanggo nompokaumo da aha mian nu Lewi monyanyiakon pompuji' Tumpu anu tinulis i tomundo Daud ka' i Nabi Asaf. Iwi-iwi' mian i lame'mo hondo na nonyanyi ka' aha tinolodadupumo ka' nonsombahmo Tumpu Allah.

2 TAWARIKH 30:23

aha iwi-iwi' nosangaja'mo da lamean aijo' daagi' po'ule' otuangi pitunsinaa. Lantas po'ule' mule' aha nolame'akon i lame hondo.

2 TAWARIKH 30:26

Kota Yerusalem i lame'mo hondo, kalana salatanmo pe'e i Salomo anak i Daud anu momo'ane, ma'isa toho' tinimbali sumo aijo'.

2 TAWARIKH 7:5

Koloban bau pompodame sinombahkon i Salomo 22.000 na sapi', ka' 120.000 na domba. Sumo aijo' na i Tomundo ka' mian da'isan iwi-iwi' nombau lamean salaku tanda laigan anu bau ponsomban Tumpu binee'mo hi Tumpu.

EZRA 4:1

Lele nu aha anu ninsusule'mo mae lengkat i Babel anu pinomboan aha, tinogilelemo tukoonyo aha hau-haunyomo mombau Laigan nu Tumpu, Tumpu Allah nu Israel, i hongomo nu aha anu monsampo bali' aijo'mo: Yehuda tiba Benyamin.

EZRA 6:22

Ingipitun na kinopinnyo na aha binalame-lame' nolame'akon Lamean Roti anu Madi' ko Raginyo. Aha sinanangmo hondo kalana pino'ima'mo nu Tumpu na kinyonyoa i Tomundo Asyur, nongkanonongimo aha sahingga nontulungimo aha po'ule' nombau Laigan nu Tumpu, Tumpu Allah Israel.

NEHEMIA 12:27

Salatan pagan mesen nu kota' kahanda'mo olame'akon, to mia-mian nu Lewi pinahalagamo na aha anu jojoong pa' iyaya mae da hingga-hinggat molame'akon lamean aijo' ka' monyanyiakon bau pontalima kase ka' mule' musik gambus ka' kasapi.

NEHEMIA 12:43

Sinaa aitu manjoo' hondo na koloban anu sinombahkon hi Tumpu. Mian da'isan binalame-lame'mo kalana Tumpu Allah nompobilahimo kantumuu'an nu aha. To bou-boune ka' suele to ana-anak hingga-hinggatmo nolameanmo, ka' elok nu aha, ka' mule' taligala nu aha mau majo'onmo daagi' kahongoan.

NEHEMIA 7:73

To ima-imam, to mia-mian nu Lewi, to mia-mian anu monjagai sabatan daka' i Laigan nu Tumpu, to panya-panyanyi kanjoo'annyo na aha te mian da'isan biasa anu mokalaja i Laigan nu Tumpu, osainsanggo-sanggomo iwi-iwi' na mian da'isan nu aha Israel, jojoong i to kota-kota' ka' i kampung toto ise-ise' i da'erah Yehuda.

NEHEMIA 8:10

Jadi uuka pinsusule'mo; pongkaan ka' ponginum obau lame-lame' na kinyonyoa. Sambagian na anu o kaan nu belemiu ka' anggur anu o'inum nu belemiu bee' hi aha anu kinadaagi'anmo i anu o kaan, sinaa aiya sinaa anu tinantukanmo hi Tumpu Allah-nto, jadi bolimo susa' na kinyonyoa. Kalame'an nu kinyonyoa anu binee'mo nu Tumpu hi belemiu atina'mo na mompohoson belemiu.”

MAZMUR 122:1

Nyanyian i Daud mamba i tampat anu ko balakatnyo. Aku lame' hondo salatan mian nompoto'imo hi belengku, “Imbo' da kita mambamo i Laigan nu Tumpu!”

DANIEL 5:13

Lia-lia' na i Daniel binoamo mae nu aha nangadap hi tomundo'. Lantas pinokilawamo i tomundo' hi ia, “Beleyumo na i Daniel, mian nu aha Yahudi anu bibinoa mae ka' pinojoongmo i sa'angu' na tampat bibinoa mae nu tuumangku lengkat mae i Yehuda?

YOHANES 10:22

I Yerusalem to mia-mian hau-haunyo molame'akon Sinaa Daka' Nomposawe'i Laigan nu Tumpu. Tempo'nyo aitu, tempo' nu bakin.

PO'ULE' INGULIT 12:7

Ikiijo' suele i ahop nu Tumpu Allah nu belemiu, belemiu hingga-hinggat tiba to ana-anak nu belemiu tionyo ahi' mongkaan ka' mongkalame'i usaha miu iwi-iwi' anu kino hasinnyomo kalana binalakatanmo nu Tumpu Allah nu belemiu.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!