EZRA 6:14 - KITAB NU TUMPU ALLA LELE MA'IMAI'

¹⁴ Ka' mule' sinampusan nu to nabi-nabi aijo'mo i Hagai ka' i Zakharia, to pola-polaya' nu Yahudi nontusakonmo kalaja mombau Laigan nu Tumpu aijo'. Nalia' hondo na aha nombau Laigan aijo' susumo koonyo nu palentah nu Tumpu Allah Israel ka' palentah i Kores, i Darius, ka' i Artahsasta, to tomu-tomundo nu Persia haha aijo'.

EZRA 6:14 ပူးပေါင်းရင်းမြစ်များ

EZRA 3:8

Sahingga salatan tinokamo i bitu'on anu ko ohua'nyomo, i taun anu ko ohua'nyomo salatan mian nu Israel ninsusule'mo i Yerusalem, aha nontampu'unimo po'ule' nombau Laigan nu Tumpu. I Zerubabel, i Yesua tiba to sanga-sangalu sangko bansa nu aha, to ima-imam, mian nu Lewi osainsanggo-sanggomo aha iwi-iwi' anu toho'mo binoa i Babel, nokalajamo hingga-hinggat. Aha mian nu Lewi anu ko umunmo 20 na taun mokiita' binee'an kalaja monjagai anu mokalaja i Laigan nu Tumpu aijo'.

EZRA 4:24

Laigan nu Tumpu madi'mo binau ka' madi'mo tinusakon sampe tinoka i taun ko ohua'nyomo na i Darius Tomundo nu Persia nompalentah.

EZRA 4:3

Panyo i Zerubabel, i Yosua tiba to pola-polaya' nu aha toto sa'anakan haha aijo' nontaami, “Kami madi' pilenje otulungi nu belemiu na mombau Laigan nu Tumpu Allah mami. Posi kamimo na mombau susumo anu pinalentahkonmo i Kores, tomundo nu Persia, hi kami.”

EZRA 5:1

Tempo'nyo aitu aha ohua' na nabi, aijo'mo i Hagai tiba i Zakharia anak i Ido, nompoto'imo potatae nu Tumpu Allah Israel hi aha mian Yahudi anu jojoong i Yehuda ka' Yerusalem.

EZRA 5:13

Lapas aijo' i Kores tinimbalimo tomundo i Babel ka' i taun momona ia nompalentahmo, pinalentahkonnyomo da po'ule'mo mombau Laigan nu Tumpu aijo'.

EZRA 5:2

Nohongo apaa na anu pinoto'i nu nabi ua'aha aijo', i Zerubabel anak i Sealtiel ka' i Yosua anak i Yozadak lia-lia' na aha nontampu'uni po'ule'mo nombau Laigan nu Tumpu kiijo' i Yerusalem, ua'aha na nabi aijo' na nontulungi.

EZRA 6:3

“I taun momona salatan i Tomundo Kores nompalentahmo, pinalentahkonnyomo da Laigan nu Tumpu kiijo' i Yerusalem po'ule'mo obau salaku tampat pomboan nu mian anu osombahkon ka' pompapuan koloban. Kotangkasnyo nu laigan aijo' tionyo ahi' 27 na meten ka' ko bolanyo suele 27 na meten.

EZRA 6:8

Ka' mule' aiya ku palentah na Belemiu to utu-utus da otu lungi na aha mokalaja mombau Laigan aijo' sumo uuka na mongatun: Iwi-iwi' na pombayan anu mokalaja Laigan aijo', tionyo ahi' o'ala i hasin nu negara propinsi Efrat sasu Kinsoban ka' tionyo ahi' bau pombayan mian haha aijo' boli otanda'i pin.

EZRA 7:1

Tino pia-piangka na taun na kinopinnyo ilapas na aijo' tempo'nyo i Artahsasta nompalentahmo salaku tomundo nu Persia, daagi' ko samian na mo'ane sanggonyo i Ezra lee' mae i Imam Daka' Harun. Tatu-tatusannyo mae nu mompolee' nu aha lengkat pe'e hi Ezra toka-toka mokiita' hi mompolee'nyo mae sumo uuka: i Ezra i Seraya i Azarya i Hikia

EZRA 9:9

Tempo'nyo kami daagi' binotuanan, belento madi' nompojohok kami. Belentomo na nontulungi kami da kinalibosanmo nu to tomu-tomundo Persia ka' pinobee'mo tumuu' ka' po'ule'mo mombau Laigan nu belento anu ohunyo na daagi' aijo'. Belento nonjagaimo kami aiya i Yehuda ka' i Yerusalem.

NEHEMIA 6:15

Nombau pagan mesen aijo' kinopinnyo i limampulu' ka' ohua' na sinaa, ka' jinadimo kakona i tanggan uampulu' ka' olima' bitu'on Elul.

YESAYA 44:28

Akumo na notatae hi Kores, ‘Belentomo na saidi' mae mompalentah mian da toka mae hi beleng-Ku, ka' mombau iwi-iwi' na anu Ku kahanda'i. Palentahmo da Yerusalem po ule'mo obau, ka' Laigan nu Tumpu suele obaumo na paningkokoannyo'.’ ”

HAGAI 1:1

I taun kino ohua'nyomo na i Tomundo' Darius nompalentah Persia i tanggan sa'angu' bitu'on ko anomnyomo Tumpu notataemo nonggunakon i Nabi Hagai. Potuunon nu Tumpu aijo' tinujukannyo hi Zerubabel anak i Sealtiel, gubernur nu Yehuda tiba mule' hi Imam Daka' Yosua anak i Yosadak.

HAGAI 1:8

Uuka aiya pindakomo aita puge-puge'nyo ka' pongala mae kau' lantas baumo na Laigan-Ku; sahingga Aku mongoa'imo sanang ka' mule' Aku osombahmo mule' susumo bau-baunyo anu sahondo-hondonyo. Soba palahatikan na ka'ada'an nu belemiu!

ZAKHARIA 1:1

Ibitu'on anu ko ualu'nyomo i uno nu taun anu ko ohua'nyomo na i Tomundo' Darius nompalentah Persia, Tumpu nompotokamo mae potuunon aiya hi belengku, i Nabi Zakharia anak i Berekhya ka' makumpu i Ido na ia.

ZAKHARIA 1:16

Uuka aiya Aku minsusule'mo i Yerusalem da mombee'imo ka ampunan hi kota' aijo'. Laigan-Ku po ule'mo obau ka' mule' kota' Yerusalem po ule'mo opokopiani.”

ZAKHARIA 4:9

Pinoto'i-Nyo, “I Zerubabel nompotimpasmo pundasi nu Laigan-Ku, ka' ia na mompojadi iwi-iwi' na laigan aijo'. De aijo' jadimo mian-Ku anu palesayamo monsumbu'je talu' Akumo na anu nompalentah mae beleyum Zakharia namba mae hi aha.

ZAKHARIA 8:9

Tumpu notataemo hi mian anu palesayamo hi Ia, “Pohoson na kinyonyoa nu belemiu! Uuka aiya belemiu mohongomo potatae anu toho'mo tinaloakon nu to nabi-nabi tempo'nyo pundasi binaumo da bau pompotinjoan Laigan-Ku.