EZRA 5:14 - KITAB NU TUMPU ALLA LELE MA'IMAI'

¹⁴ Ka' mule' pinahasule'akonnyomo na pakakasnyo aijo'mo pakakas mosoni', ka' salaka anu opake i Laigan nu Tumpu ka' anu ingalamo i Nebukadnezar i Yerusalem lantas pino'una'nyomo i laigan nu pilogot kiijo' i Babel. Pakakas haha aijo' binee'mo i Tomundo Kores hi mian sanggonyo i Sesbazar, anu i hangkatnyomo binau gubernur nu Yehuda.

EZRA 5:14 ပူးပေါင်းရင်းမြစ်များ

2 TAWARIKH 36:18

To paka-pakakas i Laigan nu Tumpu, ka' to bala-balangnya anu mahan na olinyo, ka' suele balang kakaya'an nu tomundo, ka' anu nu to mia-mian anu ko pangkatnyo mokalaja hi tomundo, iwi-iwi' pinahuhuakonmo i tomundo Babel aijo' lantas binoanyomo i Babel.

2 TAWARIKH 36:7

Sambagian na to bala-balang anu mahan na olinyo i uno nu Laigan nu Tumpu binoamo i Nebukadnezar ka' pino'una'nyomo i laigan nu tomundo kajo-kajojoongannyo kiijo' i Babel.

EZRA 5:15

Pinalentahmo i tomundo na ia da mongala pakakas haha aijo' ka' po'ule'mo osule'akon i Laigan nu Tumpu i Yerusalem, ka' po'ule'mo mombau Laigan aijo'.

EZRA 5:16

Lantas tinokamo na i Sesbazar i Yerusalem ka' ia nompotimpasmo mesen anu momona binau, da bau pompotinjoan Laigan nu Tumpu aijo'. Salatan pe'e aitu sampe uuka aiya madi'mo kino tetompo na nombau Laigan aijo' panyo ma'isa tinimbali.’

EZRA 6:5

Ka' mule' pakakasnyo mosoni' ka' salaka anu opake i Laigan nu Tumpu anu ingalamo i Tomundo Nebukadnezar kiijo' i Yerusalem ka' binoanyomo i Babel, tionyo ahi' po'ule' osule'akon i tampatnyo momona.”

EZRA 7:27

Lantas notataemo na i Ezra, “O puji' na Tumpu, Tumpu Allah anu sinombahmo nu mompolee'to! Ia nompotuka' mo hi kinyonyoa i tomundo sahingga ia kinokinyonyoamo mongulus Laigan nu Tumpu kiijo' i Yerusalem.

AMSAL 21:1

Pokakana susumo Tumpu nongatun uee nukaunyo da mo'ili, montuluti pongka'oho'Nyo, sumo aitu mule' na la mongatun pikilan nu tomundo.

YEREMIA 52:19

Balang iwi-iwi' anu mosoni' na binau tiba salaka, aijo'mo mangko'-mangko' toto ise-ise' ka' mule' tampat pompo una'an oba nu apu, mangko'-mangko' tampat pongisian baso' nu binatang anu okolotmo bau koloban, tampat bau pongian abu', tengke nu sulu', mangko'-mangko' pompotimpasan kamangian, ka' mule' mangko'-mangko' anu opake mondudu'akon anggur anu osombahkon, iwi-iwi ingalamo i Nebuzaradan.

HAGAI 1:1

I taun kino ohua'nyomo na i Tomundo' Darius nompalentah Persia i tanggan sa'angu' bitu'on ko anomnyomo Tumpu notataemo nonggunakon i Nabi Hagai. Potuunon nu Tumpu aijo' tinujukannyo hi Zerubabel anak i Sealtiel, gubernur nu Yehuda tiba mule' hi Imam Daka' Yosua anak i Yosadak.

HAGAI 1:14

Sumo aijo' na Tumpu nongkakeha' kinyonyoa i Gubernur Zerubabel, tiba i Imam Daka' Yosua ka' mule' iwi-iwi' na mian anu ninsusule'mo mae lengkat itampat pinomboan ka' pinompojoongan aha da iwi-iwi' mokalajamo mombau Laigan nu Tumpu Anu Daka' Na-Kuasanyo, Tumpu Allah nu aha.

HAGAI 2:2

Tumpu nonsaimo i Hagai da mompoto'i hi Gubernur i Zerubabel, i Imam Daka' Yosua ka' hi mian da'isan da opoto'i na potuunon sumo uuka,

HAGAI 2:21

Da opotokakon hi Gubernur Zerubabel. Koonyo nu Tumpu, “Madi'mo daagi pin langit ka' tano' Ku tenenggohimo,

SISIKON NU TO RASUL-RASUL 13:12

Salatan gubernur aijo' nontoa apaa na anu jinadimo, ia pinalesayamo hi Yesus; kalana ia bangang hondo i pangajalan mongkona Tumpu.