EZRA 5:12 - KITAB NU TUMPU ALLA LELE MA'IMAI'

¹² Panyo kalana mompolee' mami nombaumo han anu moko pusa Tumpu Allah anu mongkuasai suluga', sahingga Ia nombee'mo aha hi kakuasa'an i Nebukadnezar, tomundo nu Babel lee' mae nu aha Kasdim. Ingideanyomo na Laigan aijo' ka' binoanyomo na bansa mami i Babel.

EZRA 5:12 ပူးပေါင်းရင်းမြစ်များ

2 TOMU-TOMUNDO' 24:2

Tumpu nonsaimo sa'angu' na tumpukan nu to sulu-suludadu lengkat mae i Babel, Siria, Moab, tiba Amon da mongewa i Yoyakim ka' monsila kaimo Yehuda susumo apaa na anu tinaloakon-Nyomo hi to nabi-nabi posaihonnyo.

2 TOMU-TOMUNDO' 25:1

Lapas aijo' i Zedekia notomuhukmo hi Nebukadnezar tomundo' nu Babel. Kalana aijo' i Nebukadnezar tiba suludadunyo iwi-iwi' tinokamo mae nontumbuhi Yerusalem i tanggan sampulu' bitu'on ko sampulu'nyomo, i taun ko osio'nyomo na i Zedekia nompalentah. Aha nombaumo palung i sambiha'nyo nu kota' ka' nontambunmo tano' bau pontikuan

2 TAWARIKH 36:20

Mian da'isan anu madi' pinatean pinaha boanyomo i Babel. Kiijo' mae aha binaumo posaihonnyo ka' mule' nubaumo posaihon nu lee'nyo saidi' mae sampe kalaja'an nu Persia nompalentahmo.

MAZMUR 106:40

Lantas i noakmo na tambuha' nu Tumpu hi aha, binuaganmo na Ia kalana miannyo haha aijo'.

YESAYA 47:6

Naipuan mae Aku nontambuha'imo mian anu palesayamo hi beleng-Ku, aha madi'mo daagi' Ku anggap Aku na tumpunyo, Lantas aha Ku bee'mo hi beleyum, ka' beleyum madi'mo nongkaliboso aha, ka' mule' to tu'a-tu'anyo pinosansalamo nu beleyum taha-tahahu.

YEREMIA 5:29

Panyo, Aku, Tumpu, mohukumje aha kalana palabuatan haha aijo' iwi-iwi'; Ku balosimo na palabuatan-palabuatan nu bansa aiya.

YEREMIA 51:59

Anu sola' monsangalui i tomundo' Zedekia aijo'mo i Seraya anak i Neria makumpu i Mahseya. Itaun kino opatnyomo na i Zedekia tomundo' nu Yehuda nompalentah, i Seraya nonsangaluimo i Zedekia namba i Babel. Sahingga binee'ankumo sa'angu' na kalaja na ia.

YEREMIA 52:12

Itanggan sampulu' bitu'on kino olima'nyomo kakonamo itaun ko sampulu'nyomo ka' osio' na i Nebukadnezar nompalentah tomundo' nu aha Babel, tinokamo i Yerusalem samian sanggonyo i Nebuzaradan. Ia anu lewa' mompokinde'i ka' anu saja' monsangalui i Nebukadnezar.

DANIEL 9:5

Kami binaladosa'mo ka' mule' nombaumo palabuatan anu ma'idek ka' mule' nombaumo kasala'an. Kami noto muhukmo ka' mule' nolanggaimo palentah nu Belento ka' mule' madi'mo nontuluti iwi-iwi na atulan nu Belento.

PO'ULE' INGULIT 31:17

De aijo' obaumo, Ku tambuha'imo hondo-hondo na aha. Aha Ku pala'imo ka' Ku pateimo. Manjoo' na balaa' anu okabuhuk, montokaimo aha, lantas aha sinsumbu'je, ka' motatae taalu' anu jinadimo aijo' kalana Aku, Tumpu Allah nu aha madi'mo daagi' monsangaja'i aha.

PO'ULE' INGULIT 32:30

Mosia na samian moko ala mololoi' samadala na mian, ka' ua'aha na mian monsaduakonmo sampulu' na madala na mian malai? Tumpu, Tumpu Allah nu aha, nompobalukmo aha; aha pinala'ianmo nu Tumpu Allah anu baani ka' daka' na kuasanyo.

TO MIA-MIAN KOPIAN 4:2

Sahingga Tumpu nompojohokmo aha da i hungku'an i Yabin tomundo nu aha Kana'an anu jojoong i kota Hazor. Kapala nu suludadu anu matangkas hondo na pangkatnyo aijo'mo i Sisera anu jojoong i Harose-Hagoyim.

TO MIA-MIAN KOPIAN 6:1

Po'ule' mule' mian nu Israel binalado'a hi Tumpu, sahingga Ia nombee'mo hi bansa Midian da kinuasan nu aha pinopitu' na taun na kinopinnyo.