EZRA 5:11 - KITAB NU TUMPU ALLA LELE MA'IMAI'

¹¹ Tinaaman nu aha, ‘Kami aiya posaihon nu Tumpu Allah anu mongkuasai songko-songko na dunia. Kami hau-haunyo po'ule'mo mombau Laigan nu Tumpu anu binaumo ka' pinosadiamo na pakakasnyo mopulu-pulu'mo na taun anu i hikuhakonmo nu sa'angu' na tomundo nu Israel anu Talasanggo hondo.

EZRA 5:11 ပူးပေါင်းရင်းမြစ်များ

KAJADIAN 24:3

Basumpa' hi Tumpu, Tumpu Allah anu mongkuasai langit ka' tano', saba' beleyum madi' molioi bengkele' i Ishak anakku hi to mia-mian i tano' nu Kana'an aiya.

1 TOMU-TOMUNDO' 6:38

Ka' i bitu'on Bul, aijo'mo na bitu'on ko uwalu'nyo, i taun ko sampulu'nyomo ka' sa'angu' na ia nompalentah, tinimbalimo na Laigan nu Tumpu aijo' anu binau i Salomo, madi' sala' susumo tempo' anu polo'mo tinantukannyo. Laigan nu Tumpu anu binaunyo aijo' pinopitu' na taun na kinopinnyo.

1 TOMU-TOMUNDO' 9:10

I Salomo nombaumo Laigan nu Tumpu tiba laigan nu tomundo' inguampulu' na taun na kinopinnyo.

EZRA 5:10

Ka' mule' pinokilawa mami na sanggo nu aha da opoto'i mami hi belento Tomundo pa' ihehemo na anu mongkapalai kalaja aijo'.

MAZMUR 119:46

Atulan nu Belento ku bebakonmo hi to tomu-tomundo' ka' aku madi'mo ma'ambang.

MAZMUR 136:26

Pontalima kaseh hi Tumpu anu mongkuasai langit; kalibosan-Nyo sampe toka sidu-sidutu'.

DANIEL 3:26

Lantas i Nebukadnezar nongohanimo sabatan pipinombauan apu ka' noloboo'i, “i Sadrakh, i Mesakh, tiba i Abednego to posa-posaihon nu Tumpu Anu Matangkas na Kuasanyo! Posabatmo mae atia' i pinombuan apu!” Sahingga nosabatmo mae na aha.

YUNUS 1:9

Tinaaman i Yunus, “Aku mian nu Ibrani. Aku monsombah Tumpu, Tumpu anu kiita i suluga', anu nompojadi ambai tiba katano'an.”

MATIUS 10:32

“De ihe na mongakui Aku i ahop nu mian da'isan tukoonyo ia anu mombatuki Aku, Aku suele tionyo mongakui ia i ahop nu Tuumang-Ku i suluga'.

LUKAS 12:8

“O inau' ma'i-ma'ima': Mian anu mongakui i ahop nu mian da'isan tukoonyo ia anu saja' mombatuki Aku, ia o akui suele nu Anak nu Mian i ahop nu to mala-malaikat nu Tumpu.

SISIKON NU TO RASUL-RASUL 27:23

Kalana na'utu pihi-pihi malaikat nu Tumpu anu ku sombah, aijo'mo Tumpu anu monjagai aku, tinoka hi belengku.

ROMA 1:16

Ku palesaya hondo na Lele Ma'ima' aijo', kalana lele aijo' kahosonan nu Tumpu momposalamat iwi-iwi' na mian palesaya; momonanyo hi mian Yahudi, ka' bansa suele sangga'at.

ROMA 6:16

Osumbu'mo miu, de komiu mombee' butong miu pa' hi he da mombau pongka'oho'nyo, saba' komiu botuanmo nu mian anu ohongo-hongo miu aijo' – ugaat botuan nu dosa' anu momboa komiu i kapatean, kabai posaihon anu mohongo-hongo Tumpu, ka' tiba jalan aitu mompo'ule' ma'ima' tiba Tumpu.

GALATIA 6:14

Panyo aku totu-totu'u madi' hondo mongka'oho' mombuulakon apa-apaa, sambiha'nyo Tumpunto i Yesus Kristus anu sinilakamo sinalib. Kalana Ia sinilakamo sinalib, sahingga dunia madi'mo daagi' ko alati'nyo apa-apaa hi belengku. Ka' mongkona dunia aiya, aku suele sumo anu sinilakamo.

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”