EZRA 4:7 - KITAB NU TUMPU ALLA LELE MA'IMAI'

⁷ Ka' suele tempo'nyo i Artahsasta nompalentahmo, Persia, han aijo' po'ule' mule' binau nu aha na kahanda montewa': i Bislam, i Mintredat, i Tabeel tiba to sanga-sangalu nu aha nontulismo sulat opakatu hi tomundo. Sulat aijo' tinulis nompake' basa' nu aha Aram, jadi de obasa'mo tionyo ahi' otalangkan da osumbu' na alati'nyo.

EZRA 4:7 ပူးပေါင်းရင်းမြစ်များ

2 TOMU-TOMUNDO' 18:26

Lantas notataemo na i Elyakim i Sibna, i Yoah, hi suludadu anu matangkas na pangkatnyo aijo', “O tuan, potatae basisik nu aha mian Aram hi kami, kami suele monsumbu'. Boli motatae susumo basisik nu mian Ibrani, dumo nusumbu' nu mian da'isan anu aita' i pagan mesen nu kota'.”

EZRA 4:1

Lele nu aha anu ninsusule'mo mae lengkat i Babel anu pinomboan aha, tinogilelemo tukoonyo aha hau-haunyomo mombau Laigan nu Tumpu, Tumpu Allah nu Israel, i hongomo nu aha anu monsampo bali' aijo'mo: Yehuda tiba Benyamin.

EZRA 4:17

I Tomundo nompakutumo sulat bau pinontaaminyo sumo uuka, “Toka hi belento Gubernur Rehum tiba Simsai gulutulis nu Propinsi, ka' sangalu nu aha iwi-iwi' i Propinsi Efrat sasu Kinsoban. Salando'angku.

EZRA 4:8

I Arthasasta suele nohumpakmo sulat anu soa'nyo aijo'mo mongkona han Yerusalem. Sulat aijo' pinakatu i gubernur Rehum ka' i Simsai gulu tulis nu Propinsi ka' singaja'an nu to sanga-sangalunyo nu aha, aijo'mo to mia-mian kopian ka' mian iwi-iwi' sangga'at anu bapangkat hi pamalentah Persia, anu nolengkat mae i Erekh, i Babel, ka' i Susan anu i lipu' Elam,

EZRA 5:6

Sumo uuka na anu pinoto'i nu aha toka hi Tomundo,

EZRA 7:1

Tino pia-piangka na taun na kinopinnyo ilapas na aijo' tempo'nyo i Artahsasta nompalentahmo salaku tomundo nu Persia, daagi' ko samian na mo'ane sanggonyo i Ezra lee' mae i Imam Daka' Harun. Tatu-tatusannyo mae nu mompolee' nu aha lengkat pe'e hi Ezra toka-toka mokiita' hi mompolee'nyo mae sumo uuka: i Ezra i Seraya i Azarya i Hikia

EZRA 8:36

Lantas sulat anu pini-pininmo na pino'una' bibinee'mo i tomundo hi aha, pinoto'imo nu to gubernur-gubernur ka' hi mian anu ko bapangkatnyo i Propinsi Efrat sasu Kinsoban. Lantas aha anu kobapangkatnyo haha aijo' nombee'imo bau pontulungi mian da'isan da aha saja' monsombah Tumpu kiijo' i Laigan nu Tumpu.

NEHEMIA 2:1

Daagi' kino sansinaan, salatan ingopatmo na bitu'on noko lapas na aijo', kinakonamo i bitu'on Nisan, tempo'nyo i Tomundo' Artahsasta hau-haunyo mongkaan, aku nontawa'imo anggur ia, ohupku madi'mo binikas. Ma'isa toho' aku tinoa madi' bikas i ahop i tomundo' susumo sinaa aitu.

YESAYA 36:11

Lantas notataemo na i Elyakim, i Sebna tiba i Yoah hi suludadu nu Asyur mata-matangkas na pangkatnyo aijo', “O, tuan potataemo mae nu basa' nu Aram tiba kami, kami mangalati'. Boli basisik nu basa' Ibrani dumo nu sumbu' nu aha mian da'isan anu aita' ipagan mesen nu kota' aitu.”

DANIEL 11:2

Apaa na anu pinoto'ingkumo aijo' memang totu'u.” Malaekat aijo' nontaloakon, “Totolu' na tomundo' sangga'at mompalentahmo Persia ka' lapas aijo' mule' tomundo' anu ko opatnyo anu saidi' mae lebe kaya hondo nu lingkudui na sangga'at. De kakuasa'annyo talalomo hondo daka' tiba kakaya'annyo suele daka'mo hondo ia mahangewamo tiba kalaja'an nu Yunani.

DANIEL 2:4

Tinaaman nu aha nu basa Aram, “Higahiakon na belento Tuanku sampe toka sidu-sidutu'! Sisik mae na ipion aijo' hi kami da otalangkan mami na alati'nyo.”