EZRA 4:5 - KITAB NU TUMPU ALLA LELE MA'IMAI'

⁵ Aha nonsale'imo obee'ije doi na to mia-mian anu bapangkat hi pamalentah Persia da bolimo opotimbali nu mian Yehudi haha aijo' na mombau Laigan nu Tumpu. Usaha da bolimo opotimbali salatanmo pe'e i Tomundo Kores na nompalentah tinoka-toka hi Tomundo'mo Darius na nompalentah.

EZRA 4:5 ပူးပေါင်းရင်းမြစ်များ

2 TAWARIKH 22:4

I Ahazia binaladosa'mo hi Tumpu susumo aha sa'anakan i Ahab, kalana ahamo na lewa' nompokinde'i salatan tuumanyo sinilakamo. To mia-mian haha aijo' anu lewa' nompokinde'i, aijo'mo na nonsaduakon ia da nonta'up kasilakan.

EZRA 4:24

Laigan nu Tumpu madi'mo binau ka' madi'mo tinusakon sampe tinoka i taun ko ohua'nyomo na i Darius Tomundo nu Persia nompalentah.

EZRA 4:4

Kalana aitu mian anu pininmo na jinojoong i lipu' aijo' lewa'mo nombee'i sisik da madi'mo daka-daka' na kinyonyoa nu aha mian Yehudi mombau Laigan nu Tumpu ka' lewa'mo nompopobuhuk aha da bolimo obau na Laigan nu Tumpu Allah aijo'.

EZRA 4:6

Tempo'nyo i Tomundo Ahasweros nompalentahmo, to sampo-sampo bali nu aha anu jojoong i Yerusalem ka' Yehuda nontulismo surat bau pontewa'.

EZRA 5:5

Panyo pinalahatikanmo nu Tumpu Allah ka' jinagaan-Nyomo na to pola-polaya' nu aha Yehudi, sahingga to mia-mian anu bapangkat hi Tomundo Persia nomputusimo madi'mo mompoposia aha aijo' de ma'isa ko sulat pontaami mae i Darius, sulat anu opakatuje nu aha.

DANIEL 10:13

Malaekat anu bau ponjagai kalaja'an nu Persia nongewamo mae aku ko pinnyo uampulu' ka' sa'angu' na sinaa. Lantas i Mikhael sala'samian na to pola-polaya' nu malaekat tinokamo mae nontulungi aku. Pinala'iankumo naia ikiijo' mae i Persia.

NAHUM 1:11

Lengkat atina' hi beleyum o Ninewe tokamo mae na samian anu kaho tanga'an ma'idek. Ia nombaumo tanga'an da mongewamo Tumpu.