EZRA 4:12 - KITAB NU TUMPU ALLA LELE MA'IMAI'

¹² Da osumbu' nu belento Tomundo saba' mian nu Yahudi anu nompala'imo mae pa' sangkuka na da'erah sangga'at i uno nu kalaja'an nu belento Tomundo tempo' uuka aiya jinojoongmo i Yerusalem ka' po'ule'mo nombau kota' anu na'idekmo hondo ka' kahanda'mo mongewa na aha aijo'. Aha po'ule'mo nombau pagan mesen nu kota' ka' madi'mo pin kalaja nu aha aijo' mingkotmo.

EZRA 4:12 ပူးပေါင်းရင်းမြစ်များ

2 TOMU-TOMUNDO' 18:20

Pa' koyum ola potatae na timbalimo sumomo kapandean ka' kahosonan nu suludadu? Ihemo na nu taha'imani, sahingga beleyum baanimo na mongewa Asyur?

2 TOMU-TOMUNDO' 24:1

Daagi' tempo'nyo i Tomundo' Yoyakim na nompalentah, i Nebukadnezar tomundo' nu Babel nontumbuhimo ka' nompatundu'mo Yehuda. Kinopinnyo tinotolu' na taun na i Yoyakim tinundu' hi Nebukadnezar, panyo mamanga ahi' ia notomuhukmo.

2 TAWARIKH 36:13

I tomundo Nebukadnezar nompakisamo i Zedekia da basumpa'mo i uno nu sanggo nu Tumpu Allah tukoonyo da ia tulu-tulutanmo hi Nebukadnezar. Panyo mamanga ahi i Zedekia notomuhukmo hi Nebukadnezar. I Zedekia pinanggagamo hi Tumpu, Tumpu Allah Israel. Ia madi'mo mongka'oho' mompala'i dosa'nyo ka' madi'mo poule' palesaya hi Tumpu.

EZRA 4:11

Sumo uuka na soa'nyo nu sulat aijo', “Toka hi belento Tomundo Artahsasta, lengkat mae hi to posa-posaihon nu belento Tomundo anu aiya jojoong i Efrat sasu kinsoban. Salando'a mami.

EZRA 4:15

da opalentah nu belento Tomundo soba otoa i daputan na sanggo nu to mia-mian anu kiijo' tuli-tulis naipuan pe'e mae aijo'mo mompolee' nu belento Tomundo. I kiijo'je na belento Tomundo monsumbu' taalu' kota' Yerusalem memang saja' mombau ka'idekan hi pamalentah ka' naipuan pe'e mae saja' mompolugi' to tomu-tomundo ka' suele mompolugi' anu mompalentah Propinsi. Mian anu jojoong i kiijo' mahan hondo na opalentah. Mokonyo aijo' kota' aijo' ingideanmo.

EZRA 4:19

Lantas pinalentangkumo sahingga pinalesamo na daputan nu mian, ka' memang sinumbu'mo taalu' salatanmo pe'e naipuan mae Yerusalem saja' panggaga ka' mongewa kakuasaan nu to tomu-tomundo ka' kanjoo'annyo nu mian anu jojoong i kiijo', aha anu saja' mombau ka'idekan hi pamalentah ka' mombau kahengge'an.

EZRA 5:3

Panyo i Tatnai, gubernur nu Propinsi Efrat sasu Kinsoban, tiba i Syetar-Boznai tiba to sanga-sangalu nuhaha sampamo namba i Yerusalem ka' nompokilawa hi aha to mia-mian Yehudi, “Ihe na nompokau belemiu nombau ka' nomposadiamo pakakasnyo nu laigan anu bau ponsombaan Tumpu aiya?”

EZRA 5:9

Lapas aijo' pinokilawamo mami hi to pola-polaya' nu bansa aijo' ihe na nompobee'mo hi aha po'ule' mombau Laigan Posombaan Tumpu Allah aijo' ka' nomposadiaimo pakakasnyo.

NEHEMIA 1:3

Aha nonsisikmo tukoonyo nu aha mian haha aijo' anu toho'mo binoa i Babel panyo ninsusule'mo mae i tano' kinahampean nu aha aijo', tempo' uuka aiya tumuu' sansala ka' saja'mo nu popoambang nu bansa sangga'at anu i salipu'an, anu kiijo' mompaha ohani tiba aha. Pakalaus mule' pagan mesen nu kota' Yerusalem daagi' hondo ma'idek ka' nosungke-sungkehetmo ka' iwi-iwi na tumbannyo anu toto daka-daka' ma'isa ahi' pinokopianan salatanmo pe'e pinapuan tempo'nyo naipuan mae.

NEHEMIA 6:6

isi nu sulat aijo' sumo uuka: “I Gesyem nompototu'umo lele anu ma'isa talalo manasa anu lengkat mae hi bansa-bansa anu aitu mae mompaha ohani, anu nompoto'imo tukoonyo nu aha belento Utus ka' iwi-iwi' na mian nu Yahudi ko tanga'anmo mongewa, kalana aijo' Belento utus nombaumo pagan mesen nu kota'. Ia nompoto'i mule' tukoonyo Belento utus kahanda'mo timbali tomundo' nu Yehuda.

ESTER 3:8

Lantas notataemo na i Haman hi tomundo, “O tuumangku Tomundo, daagi' ko sa'angu' na bansa anu sangalasan na adatnyo sinongkomo i propinsi i kalaja'an aiya. Atulan nu adatnyo madi' hondo pokakana tiba to bansa-bansa sangga'at. Aha madi' montuluti iwi-iwi' na Atulan nu Kalaja'an. Jadi lebe ma'ima' belento Tomundo boli ola mompojohok aha yayamo na anu nuka'ima'i nu aha.

YEREMIA 52:3

Tumpu notambuha'mo hondo hi aha mian anu jojoong i Yerusalem tiba aha mian nu Yehuda sahingga ilaa'-Nyomo na aha ka' madi'mo daagi' nonjagai aha. I Zedekia notomuhukmo hi Nebukadnezar tomundo' nu aha Babel,

DANIEL 3:8

To pia-piangkuka na aha mian nu Babel nonggunakonmo kasampatan aijo' da monsilakaimo aha mian nu Yahudi.

DANIEL 9:25

Tulis ka' alati'imo na aiya; Pimpitun lipat na popitu na taun na ohikuhakon, i mulaan pe'e mae tempo'nyo nonontalimamo palentah da po ule'mo mombau kota' Yerusalem sampe tokamo mae na samian na polaya' anu pinile'anmo nu Tumpu. Kopinnyo pimpitun lipat na anompulu' ka' ohua' na taun, iwi-iwi' na jalan tiba to bente-benteng nu Yerusalem anu ma'idekmo po ule'mo obau, panyo tempo'nyo aijo' manjoo' hondo nakasansala'an na ota'up.

LUKAS 13:34

Yerusalem, Yerusalem! To nabi-nabi pinateanmo! To poka-pokauhon nu Tumpu pinahambunu'akonkumo nu batu sampe i nate! To pimpi-pimpianmo na Aku kahanda' molimu' iwi-iwi' na tumpu nu lipu'um sumo tinaan nu manuk mongokobi to sio-sioknyo i aluk nu polipiknyo, panyo beleyum madi' mongka'oho'!

SISIKON NU TO RASUL-RASUL 24:5

I humpakmo mami na mian aiya mompokalangkabut anu moko bahaya. Iyaya mae ia mompolubat kahengge'an, aijo' hi aha to mia-mian nu Yahudi ka' ia tinimbalimo polaya' posa'angu'an nu to mia-mian nu Nazaret.

1 TESALONIKA 5:22

Opatikojo'oni iwi-iwi' na ngangahan nu ka'idekan.