EZRA 3:8 - KITAB NU TUMPU ALLA LELE MA'IMAI'

⁸ Sahingga salatan tinokamo i bitu'on anu ko ohua'nyomo, i taun anu ko ohua'nyomo salatan mian nu Israel ninsusule'mo i Yerusalem, aha nontampu'unimo po'ule' nombau Laigan nu Tumpu. I Zerubabel, i Yesua tiba to sanga-sangalu sangko bansa nu aha, to ima-imam, mian nu Lewi osainsanggo-sanggomo aha iwi-iwi' anu toho'mo binoa i Babel, nokalajamo hingga-hinggat. Aha mian nu Lewi anu ko umunmo 20 na taun mokiita' binee'an kalaja monjagai anu mokalaja i Laigan nu Tumpu aijo'.

EZRA 3:8 ပူးပေါင်းရင်းမြစ်များ

1 TAWARIKH 23:4

Lantas aha 24.000 na mian anu aijo' hi aha, binee'anmo kalaja, aijo'mo mongulus kalaja i Laigan nu Tumpu, 600 na mian mongulus anu palalu otulis ka' mongulus palakala,

1 TAWARIKH 3:17

Aiya na lee' i Yoyakhin, tomundo' anu i hakop ka' binoa nu mian Babel. Anaknyo mo'ane aha popitu': i Sealtiel,

EZRA 10:18

Aiya na daputan nu to mia-mian anu ko bengkele'nyo bansa nu aha anu i salipu'an: TO IMA-IMAM, dinaputanakon hi aha anu bubuu' mae aha sa'anakannyo: Aha sa'anakan mae i Yesua tiba to utu-utusnyo, to ana-anak i Yozadak: i Maaseya, i Eliezer, i Yarib ka' i Gedalya.

EZRA 2:2

To pola-polaya' nu aha aijo'mo, i Zerubabel, i Yesua, i Nehemia, i Seraya, i Reelaya, i Mordekhai, i Bilsan, i Mispar, i Bigwai, i Rehum tiba i Ba'ana. Aiyamo na daputan nu aha sa'anakan mae bansa Israel ka' konjoo'nyo nu mian toto sa'angu' na tulunan anu ninsusule'mo lengkat mae i Babel pinomboan aha:

EZRA 3:2

lantas i Yesua anak i Yozadak ka' to sanga-sangalunyo aijo'mo to ima-imam ka' i Zerubabel anak i Sealtiel tiba to utu-utusnyo, nombaumo mule' mezbah bau ponsomban Tumpu Allah nu aha Israel. Tiba jalan anu sumo aijo' aha timbalimo nompotunu koloban i mezbah aijo', susumo anu tinulismo i kitab Atulan i Musa, posaihon nu Tumpu Allaha aijo'.

EZRA 4:24

Laigan nu Tumpu madi'mo binau ka' madi'mo tinusakon sampe tinoka i taun ko ohua'nyomo na i Darius Tomundo nu Persia nompalentah.

EZRA 4:3

Panyo i Zerubabel, i Yosua tiba to pola-polaya' nu aha toto sa'anakan haha aijo' nontaami, “Kami madi' pilenje otulungi nu belemiu na mombau Laigan nu Tumpu Allah mami. Posi kamimo na mombau susumo anu pinalentahkonmo i Kores, tomundo nu Persia, hi kami.”

EZRA 5:16

Lantas tinokamo na i Sesbazar i Yerusalem ka' ia nompotimpasmo mesen anu momona binau, da bau pompotinjoan Laigan nu Tumpu aijo'. Salatan pe'e aitu sampe uuka aiya madi'mo kino tetompo na nombau Laigan aijo' panyo ma'isa tinimbali.’

EZRA 5:2

Nohongo apaa na anu pinoto'i nu nabi ua'aha aijo', i Zerubabel anak i Sealtiel ka' i Yosua anak i Yozadak lia-lia' na aha nontampu'uni po'ule'mo nombau Laigan nu Tumpu kiijo' i Yerusalem, ua'aha na nabi aijo' na nontulungi.

HAGAI 1:1

I taun kino ohua'nyomo na i Tomundo' Darius nompalentah Persia i tanggan sa'angu' bitu'on ko anomnyomo Tumpu notataemo nonggunakon i Nabi Hagai. Potuunon nu Tumpu aijo' tinujukannyo hi Zerubabel anak i Sealtiel, gubernur nu Yehuda tiba mule' hi Imam Daka' Yosua anak i Yosadak.

ZAKHARIA 4:9

Pinoto'i-Nyo, “I Zerubabel nompotimpasmo pundasi nu Laigan-Ku, ka' ia na mompojadi iwi-iwi' na laigan aijo'. De aijo' jadimo mian-Ku anu palesayamo monsumbu'je talu' Akumo na anu nompalentah mae beleyum Zakharia namba mae hi aha.

ZAKHARIA 6:12

Poto'iakon hi ia, saba' Akumo na Tumpu Anu Daka' na Kuasanyo nonotataemo, ‘Mian anu osanggohi Sang Tunas na saidi' mae balahasin i tampat kajojoonganyo ka' ia po ule'mo mombau Laigan nu Tumpu.

NOMBILANGMO 4:3

lantas o tulismo na sanggo nu mo'ane iwi-iwi' anu ko umunmo tolumpulu'mo na taun sampe limampulu'mo na taun anu moko alamo mokalaja i Kemah nu Tumpu.